Gülnarə Kərimova 1.2 milyard dolları Özbəkistana qaytarır

Gülnarə Kərimova 1.2 milyard dolları Özbəkistana qaytarır
10:53
25.06.2019
6659
Dünya
A
Özbəkistanın keçmiş prezidenti İslam Kərimovun böyük qızı Gülnarə Kərimova 1.2 milyard dolları dövlətə qaytardığını, ölkədən xaricdəki pullarını da büdcəyə qaytarmaq istədiyini bildirib.

 “Ölkə.Az” xəbər verir ki, Özbəkistanın paytaxtı Daşkənd yaxınlığındakı bir həbsxanada cəzasını çəkən Kərimova qızı İmanın sosial şəbəkədəki səhifəsi vasitəsilə yazılı açıqlama verib.

Son dövrlərdə çox dəyişdiyini, özünü təmizə çıxarmaq üçün cəhd etmədiyini qeyd edən Kərimova “Xalqımdan, məni başa düşən və hörmət edən bütün insanlardan üzr istəyirəm” yazıb. Kərimova bildirib ki, büdcəyə qaytardığı pulların Özbəkistanın inkişafına təsir edəcəyinə inanır.

“Ölkədəki 1.2 milyard dollarlıq sərmayə çoxdan mənim nəzarətimdən çıxaraq dövlət büdcəsi üçün işləyir. İsveçrədə dondurulan hesabımdakı pul isə sadəcə mənim həll edə biləcəyim bir iş deyil. Bu pulu digər ölkələr də tələb edir. Mən vəkilimlə 131 milyon dolların geri gətirilməsi üçün əlimizdən gələni edirik. 555 milyon dollarlıq məbləğ üçün də işə başlamışıq. Sağlamlığımla bağlı problemlərim var. Əməliyyat lazımdır və bunun üçün prezident Şevket Mirziyoyevə müraciət etmişəm”, - deyə Kərimova əlavə edib.

Gülnarə 2017-ci ildə Özbəkistan məhkəməsi tərəfindən korrupsiya, rüşvət, fırıldaqçılıq, ticarət və gömrük qanunlarını pozma və digər maddələrlə ittiham edilərək 10 il müddətinə həbs cəzası alıb. Sonra dövlətə vurduğu ziyanı ödəməklə cəzası 5 ilə endirilib və həbs cəzası verilib. Amma mart ayında məhkum edildiyi ev həbsi şərtlərini pozduğu üçün həbsxanaya göndərilib. 

Hikmət Həsənov 
Ölkə.Az

ŞƏRH YAZ
0

Ermənistanı qarışdıran VİDEO — Şok görüntü

Ermənistanı qarışdıran VİDEO
21:48
22.11.2019
1296
Dünya
A
Ermənistan ombudsmanı Arman Tatoyan Feysbuk səhifəsində polislərin qaz maskası və dəyənəkdən istifadə edərək, bir şəxsdən etiraf almasını əks etdirən video yayımlayıb.

"Ölkə.Az" teleqraf.com-a istinadən xəbər verir ki, video materialla əlaqədar Tatoyan dərhal cinayət işinin başlanması zəruriliyini bildirib.

Tatoyan qeyd edib ki, bütün yoxlama tədbirləri yalnız Ermənistan Cinayət Prosessual Məcəlləsində nəzərdə tutulmuş prosedur çərçivəsində həyata keçirilməlidir:

"İmzaladıqdan sonra cinayət təqibi orqanına rəsmi məktub göndəriləcək. Proses ən çox mənim diqqətimin mərkəzində olacaq".

Olayın videogörüntüsünü təqdim edirik:

Ölkə.Az

ŞƏRH YAZ
0

Rusiyada hakimiyyəti devirmək istəyən dəstə yaxalandı

Rusiyada hakimiyyəti devirmək istəyən dəstə yaxalandı
15:37
22.11.2019
1396
Dünya
A
Hakimiyyətin devirilməsinə və Rusiya ərazisində “ümumdünya xilafət” yaratmağa hazırlaşan “Hizb üt-Təhrir əl-İslam” terrorçu təşkilatının 9 tərəfdarı saxlanılıb.

“Ölkə.Az” xəbər verir ki, bu barədə Rusiya Federal Təhlükəsizlik Xidməti məlumat yayıb.

FTX-nın məlumatına görə, xüsusi əməliyyat Moskva, Tatarıstan və Tümendə həyata keçirilib. Əməliyyat zamanı terrorçu dəstənin 7 üzvü və 2 rəhbəri saxlanılıb. Saxlanılan şəxslər bölgələrdə gizli terrorçu dəstələr formalaşdıraraq, yerli əhali arasında terrorçu təşkilatın ideologiyasını yayaraq, müsəlman əhali arasında insanları öz təsir dairəsinə salamağa çalışıblar. Onlar eyni zamanda  təşkialtın maliyyə məsələləri müzakirə olunub.

Ölkə.Az

 

ŞƏRH YAZ
0
BAĞLA