KORONAVİRUSA YOLUXANLARIN SAYI - CANLI STATİSTİKA

Gülnarə Kərimova 1.2 milyard dolları Özbəkistana qaytarır

Gülnarə Kərimova 1.2 milyard dolları Özbəkistana qaytarır
10:53
25.06.2019
7353
Dünya
A
Özbəkistanın keçmiş prezidenti İslam Kərimovun böyük qızı Gülnarə Kərimova 1.2 milyard dolları dövlətə qaytardığını, ölkədən xaricdəki pullarını da büdcəyə qaytarmaq istədiyini bildirib.

 “Ölkə.Az” xəbər verir ki, Özbəkistanın paytaxtı Daşkənd yaxınlığındakı bir həbsxanada cəzasını çəkən Kərimova qızı İmanın sosial şəbəkədəki səhifəsi vasitəsilə yazılı açıqlama verib.

Son dövrlərdə çox dəyişdiyini, özünü təmizə çıxarmaq üçün cəhd etmədiyini qeyd edən Kərimova “Xalqımdan, məni başa düşən və hörmət edən bütün insanlardan üzr istəyirəm” yazıb. Kərimova bildirib ki, büdcəyə qaytardığı pulların Özbəkistanın inkişafına təsir edəcəyinə inanır.

“Ölkədəki 1.2 milyard dollarlıq sərmayə çoxdan mənim nəzarətimdən çıxaraq dövlət büdcəsi üçün işləyir. İsveçrədə dondurulan hesabımdakı pul isə sadəcə mənim həll edə biləcəyim bir iş deyil. Bu pulu digər ölkələr də tələb edir. Mən vəkilimlə 131 milyon dolların geri gətirilməsi üçün əlimizdən gələni edirik. 555 milyon dollarlıq məbləğ üçün də işə başlamışıq. Sağlamlığımla bağlı problemlərim var. Əməliyyat lazımdır və bunun üçün prezident Şevket Mirziyoyevə müraciət etmişəm”, - deyə Kərimova əlavə edib.

Gülnarə 2017-ci ildə Özbəkistan məhkəməsi tərəfindən korrupsiya, rüşvət, fırıldaqçılıq, ticarət və gömrük qanunlarını pozma və digər maddələrlə ittiham edilərək 10 il müddətinə həbs cəzası alıb. Sonra dövlətə vurduğu ziyanı ödəməklə cəzası 5 ilə endirilib və həbs cəzası verilib. Amma mart ayında məhkum edildiyi ev həbsi şərtlərini pozduğu üçün həbsxanaya göndərilib. 

Hikmət Həsənov 
Ölkə.Az

ŞƏRH YAZ
0

Daşqınlar Çinə 11 milyard ABŞ dolları ziyan vurub

Daşqınlar Çinə 11 milyard ABŞ dolları ziyan vurub
08:14
Bu gün
324
Dünya
A
Çində cari ilin iyun ayının sonundan etibarən başlayan leysan yağışlarının yaratdığı daşqınlar nəticəsində 141 şəxs həlak olub.

"Ölkə.Az" “Report”a istinadən xəbər verir ki, təbii fəlakət ölkəyə təxminən, 82,23 milyard yuan (11,76 milyard ABŞ dolları) məbləğində ziyan vurub.

Qeyd olunub ki, hazırda 1,3 milyondan çox insanın təcili yardıma ehtiyacı var. Daşqınlar ölkədə bu və ya digər dərəcədə 37,89 milyona yaxın insana təsir edib.

Təbii fəlakət nəticəsində 27 vilayətdə 28 min yaşayış binası dağılıb.

Ölkə.Az

ŞƏRH YAZ
0

Rusiyada “SSRİ vətəndaşları” adlı sektanın üzvləri saxlanılıb — VİDEO

Rusiyada “SSRİ vətəndaşları” adlı sektanın üzvləri saxlanılıb
02:02
Bu gün
758
Dünya
A
Rusiyada “SSRİ vətəndaşları” ekstremist təşkilatında axtarış aparılıb.

Bu barədə “YamalPro” xəbər yayıb.

Bildirilir ki, Yamalo-Nenets Muxtar Dairəsində fəaliyyət göstərən sözügedən sektanın üzvləri Rusiya Federasiyasının yurisdiksiyasını qəbul etmirlər. Bundan başqa, onlar öz “vətəndaşlarını” “SSRİ pasportu” ilə təmin ediblər.

Sektanın iki fəalına qarşı ekstremist təşkilatın fəaliyyətinin təşkili maddəsi ilə cinayət işi açılıb.

Bildirilir ki, Yamalo-Nenets Muxtar Dairəsində fəaliyyət göstərən sözügedən sektanın üzvləri Rusiya Federasiyasının yurisdiksiyasını qəbul etmirlər. Bundan başqa, onlar öz “vətəndaşlarını” “SSRİ pasportu” ilə təmin ediblər.

Sektanın iki fəalına qarşı ekstremist təşkilatın fəaliyyətinin təşkili maddəsi ilə cinayət işi açılıb.oxu.az

ŞƏRH YAZ
0
BAĞLA