Gülnarə Kərimova 1.2 milyard dolları Özbəkistana qaytarır

Gülnarə Kərimova 1.2 milyard dolları Özbəkistana qaytarır
10:53
25.06.2019
6718
Dünya
A
Özbəkistanın keçmiş prezidenti İslam Kərimovun böyük qızı Gülnarə Kərimova 1.2 milyard dolları dövlətə qaytardığını, ölkədən xaricdəki pullarını da büdcəyə qaytarmaq istədiyini bildirib.

 “Ölkə.Az” xəbər verir ki, Özbəkistanın paytaxtı Daşkənd yaxınlığındakı bir həbsxanada cəzasını çəkən Kərimova qızı İmanın sosial şəbəkədəki səhifəsi vasitəsilə yazılı açıqlama verib.

Son dövrlərdə çox dəyişdiyini, özünü təmizə çıxarmaq üçün cəhd etmədiyini qeyd edən Kərimova “Xalqımdan, məni başa düşən və hörmət edən bütün insanlardan üzr istəyirəm” yazıb. Kərimova bildirib ki, büdcəyə qaytardığı pulların Özbəkistanın inkişafına təsir edəcəyinə inanır.

“Ölkədəki 1.2 milyard dollarlıq sərmayə çoxdan mənim nəzarətimdən çıxaraq dövlət büdcəsi üçün işləyir. İsveçrədə dondurulan hesabımdakı pul isə sadəcə mənim həll edə biləcəyim bir iş deyil. Bu pulu digər ölkələr də tələb edir. Mən vəkilimlə 131 milyon dolların geri gətirilməsi üçün əlimizdən gələni edirik. 555 milyon dollarlıq məbləğ üçün də işə başlamışıq. Sağlamlığımla bağlı problemlərim var. Əməliyyat lazımdır və bunun üçün prezident Şevket Mirziyoyevə müraciət etmişəm”, - deyə Kərimova əlavə edib.

Gülnarə 2017-ci ildə Özbəkistan məhkəməsi tərəfindən korrupsiya, rüşvət, fırıldaqçılıq, ticarət və gömrük qanunlarını pozma və digər maddələrlə ittiham edilərək 10 il müddətinə həbs cəzası alıb. Sonra dövlətə vurduğu ziyanı ödəməklə cəzası 5 ilə endirilib və həbs cəzası verilib. Amma mart ayında məhkum edildiyi ev həbsi şərtlərini pozduğu üçün həbsxanaya göndərilib. 

Hikmət Həsənov 
Ölkə.Az

ŞƏRH YAZ
0

Keçən il lotereya udan kişi bu il də qızıl dolu küp tapdı

Keçən il lotereya udan kişi bu il də qızıl dolu küp tapdı
13:35
Bu gün
445
Dünya
A
Hindistanın Kerale əyalətində bir kişi keçən il lotereyadan külli miqdarda pul udub. Bu il isə qızıl dolusu küp tapıb.

''Ölkə.Az'' xəbər verir ki, keçən il yanvar ayında lotereyadan 842 min dollar pul udan şanslı kişi həmin pulun bir hissəsinə torpaq sahəsi alıb. Keçən həftə həmin torpaq sahəsindən içində 2595 ədəd qızıl sikkə olan küp tapıb.

Belə ki, Pillai adlı hindistanlının tapdığı sikkələrin ağırlığının 20 kilo və 100 illik olduğu məlum olub. Pillai qızıl dolu küpü tapan kimi rəsmi dövlət qurumlarına xəbər verib və hazırda həmin sikkələrin dəyəri hesablanır. Hindistanlı kişiyə isə külli miqdarda ənam veriləcəyi gözlənilir. 

Önce milli piyangoyu vurdu ardından define buldu

Nərmin Nuru

Ölkə.Az

ŞƏRH YAZ
0

Putin yenə alman dilində danışdı — VİDEO

Putin yenə alman dilində danışdı
01:31
Bu gün
526
Dünya
A
Rusiya prezidenti Vladimir Putin Soçidə Almaniya biznesinin nümayəndələri ilə görüşündə alman dilində danışıb.

"Ölkə.Az" bildirir ki, bu barədə "Pul №3" teleqram kanalı xəbər verib.

Belə ki, söhbət əsnasında rus dilindən alman dilinə sinxron tərcümədə problem yaşanıb. Bu zaman dövlət başçısı üzünü onlara tutaraq deyib: "Was ist los?" ("Nə baş verib?") 

Qeyd edək ki, Putin bundan əvvəl də ictimai çıxışlar zamanı alman dilində danışıb. Bundan əvvəl belə hadisə may ayında yaşanmışdı. Həmin vaxt Putin Avstriya lideri  Aleksandr van der Bellenin Zalsburq festivalını ziyarət etmə barədə təklifinə alman dilində cavab vermişdi.

ŞƏRH YAZ
0
BAĞLA