Gülnarə Kərimova 1.2 milyard dolları Özbəkistana qaytarır

Gülnarə Kərimova 1.2 milyard dolları Özbəkistana qaytarır
10:53
25.06.2019
7028
Dünya
A
Özbəkistanın keçmiş prezidenti İslam Kərimovun böyük qızı Gülnarə Kərimova 1.2 milyard dolları dövlətə qaytardığını, ölkədən xaricdəki pullarını da büdcəyə qaytarmaq istədiyini bildirib.

 “Ölkə.Az” xəbər verir ki, Özbəkistanın paytaxtı Daşkənd yaxınlığındakı bir həbsxanada cəzasını çəkən Kərimova qızı İmanın sosial şəbəkədəki səhifəsi vasitəsilə yazılı açıqlama verib.

Son dövrlərdə çox dəyişdiyini, özünü təmizə çıxarmaq üçün cəhd etmədiyini qeyd edən Kərimova “Xalqımdan, məni başa düşən və hörmət edən bütün insanlardan üzr istəyirəm” yazıb. Kərimova bildirib ki, büdcəyə qaytardığı pulların Özbəkistanın inkişafına təsir edəcəyinə inanır.

“Ölkədəki 1.2 milyard dollarlıq sərmayə çoxdan mənim nəzarətimdən çıxaraq dövlət büdcəsi üçün işləyir. İsveçrədə dondurulan hesabımdakı pul isə sadəcə mənim həll edə biləcəyim bir iş deyil. Bu pulu digər ölkələr də tələb edir. Mən vəkilimlə 131 milyon dolların geri gətirilməsi üçün əlimizdən gələni edirik. 555 milyon dollarlıq məbləğ üçün də işə başlamışıq. Sağlamlığımla bağlı problemlərim var. Əməliyyat lazımdır və bunun üçün prezident Şevket Mirziyoyevə müraciət etmişəm”, - deyə Kərimova əlavə edib.

Gülnarə 2017-ci ildə Özbəkistan məhkəməsi tərəfindən korrupsiya, rüşvət, fırıldaqçılıq, ticarət və gömrük qanunlarını pozma və digər maddələrlə ittiham edilərək 10 il müddətinə həbs cəzası alıb. Sonra dövlətə vurduğu ziyanı ödəməklə cəzası 5 ilə endirilib və həbs cəzası verilib. Amma mart ayında məhkum edildiyi ev həbsi şərtlərini pozduğu üçün həbsxanaya göndərilib. 

Hikmət Həsənov 
Ölkə.Az

ŞƏRH YAZ
0

Ərli qadının "seks fantaziyası" sevgilisini xəstəxanalıq etdi — FOTO

Ərli qadının
07:06
Bu gün
148
Dünya
A
Samsunda evli və 1 uşaq anası olan gənc qadın fəhlə işləyən sevgilisini bağlayıb, öncə kəmərlə boğazını sıxıb, sonra ağacla döyüb.

"Ölkə.Az" Haberler-ə istinadən xəbər verir ki, döyülən 3 uşaq atası E.A.(37) xəstəxanaya çatdırılıb. E.A. ilk tibbi müdaxilədən sonra həyati təhlükəsi olduğu üçün başqa bir xəstəxanaya köçürülüb.

AYRILMAQ İSTƏDİ

İddiaya görə, evli və 1 uşaq anası S.T. (26) görüşdüyü E.A.-dan ayrılmaq istəyib, ancaq E.A. bu istəyi qəbul etməyib. E.A. təhdidlə gənc qadın ilə görüşüb. S.T. "fantaziyalı seks edək" deyə aldatdığı kişinin əllərini və gözlərini bağlayıb, sonra da kəmərlə boğazını sıxıb odun parçası ilə onu döyüb. Qadının xəbər verdiyi qardaşları və qardaşı oğlunun da olay yerinə gələrək E.A.-nı döydükləri iddia edilir.

Qadın, qardaşıları və qardaşı oğlu saxlanılıb. Qadın günahını etiraf etsə də, qohumları zərərçəkəni döymədiklərini deyiblər. 

ŞƏRH YAZ
0

Basketbolun əfsanəsi faciəvi şəkildə öldü — FOTO

Basketbolun əfsanəsi faciəvi şəkildə öldü
01:15
Bu gün
428
Dünya
A
Əfsanəvi basketbolçu Kobe Brayant vəfat edib.

TMZ-nin məlumatına görə, onun ölümünə səbəb helikopter qəzası olub.  

Qeyd edək ki, dünyaca məşhur olan idmançının 41 yaşı vardı.

ŞƏRH YAZ
0
BAĞLA