KORONAVİRUSA YOLUXANLARIN SAYI - CANLI STATİSTİKA

Gülnarə Kərimova 1.2 milyard dolları Özbəkistana qaytarır

Gülnarə Kərimova 1.2 milyard dolları Özbəkistana qaytarır
10:53
25.06.2019
7357
Dünya
A
Özbəkistanın keçmiş prezidenti İslam Kərimovun böyük qızı Gülnarə Kərimova 1.2 milyard dolları dövlətə qaytardığını, ölkədən xaricdəki pullarını da büdcəyə qaytarmaq istədiyini bildirib.

 “Ölkə.Az” xəbər verir ki, Özbəkistanın paytaxtı Daşkənd yaxınlığındakı bir həbsxanada cəzasını çəkən Kərimova qızı İmanın sosial şəbəkədəki səhifəsi vasitəsilə yazılı açıqlama verib.

Son dövrlərdə çox dəyişdiyini, özünü təmizə çıxarmaq üçün cəhd etmədiyini qeyd edən Kərimova “Xalqımdan, məni başa düşən və hörmət edən bütün insanlardan üzr istəyirəm” yazıb. Kərimova bildirib ki, büdcəyə qaytardığı pulların Özbəkistanın inkişafına təsir edəcəyinə inanır.

“Ölkədəki 1.2 milyard dollarlıq sərmayə çoxdan mənim nəzarətimdən çıxaraq dövlət büdcəsi üçün işləyir. İsveçrədə dondurulan hesabımdakı pul isə sadəcə mənim həll edə biləcəyim bir iş deyil. Bu pulu digər ölkələr də tələb edir. Mən vəkilimlə 131 milyon dolların geri gətirilməsi üçün əlimizdən gələni edirik. 555 milyon dollarlıq məbləğ üçün də işə başlamışıq. Sağlamlığımla bağlı problemlərim var. Əməliyyat lazımdır və bunun üçün prezident Şevket Mirziyoyevə müraciət etmişəm”, - deyə Kərimova əlavə edib.

Gülnarə 2017-ci ildə Özbəkistan məhkəməsi tərəfindən korrupsiya, rüşvət, fırıldaqçılıq, ticarət və gömrük qanunlarını pozma və digər maddələrlə ittiham edilərək 10 il müddətinə həbs cəzası alıb. Sonra dövlətə vurduğu ziyanı ödəməklə cəzası 5 ilə endirilib və həbs cəzası verilib. Amma mart ayında məhkum edildiyi ev həbsi şərtlərini pozduğu üçün həbsxanaya göndərilib. 

Hikmət Həsənov 
Ölkə.Az

ŞƏRH YAZ
0

10 yaşlı məktəblinin selfi həvəsi faciə ilə bitdi

10 yaşlı məktəblinin selfi həvəsi faciə ilə bitdi
10:43
Bu gün
856
Dünya
A
Effektli selfi çəkmək istəyi növbəti dəfə faciə ilə nəticələnib. Bu dəfə 10 yaşlı məktəbli həyatını itirib.

5-tv.ru-nun məlumatına görə, hadisə Rusiyanın Leninqrad vilayətində baş verib.

Üçüncü sinif şagirdi olan məktəbli körpüdə dəmir yollarının fonunda şəkil çəkdirmək istəyib. Riskli selfi uğursuzluqla nəticələnib, uşaq yıxılıb.

Hadisə yerinə axtarış-xilasetmə bölməsinin əməkdaşları cəlb olunub. Məktəbli ağır vəziyyətdə xəstəxanaya çatdırılıb. Lakin həkimlərin səyinə baxmayaraq, onun həyatını xilas etmək mümkün olmayıb, uşaq aldığı travmalardan həyatını itirib. /oxu.az

ŞƏRH YAZ
0

Mətbəxdə səs eşitdi, ayının hücumuna MƏRUZ QALDI

Mətbəxdə səs eşitdi, ayının hücumuna MƏRUZ QALDI
04:46
Bu gün
1404
Dünya
A
ABŞ-ın Kolorado əyalətində film səhnəsinə bənzər hadisə yaşanıb.

‘’Ölkə.Az’’ xəbər verir ki, dostunun evində ailəsi ilə birlikdə yaşayan Dave Chernosky gecə yarısı mətbəxdən səsin gəlməsi ilə birlikdə dəhşətli mənzərə ilə qarşılaşıb. Mətbəxdə boz ayı ilə qarşılaşan Dave ayının hücumuna məruz qalıb. Yaralanan kişi daha sonra hadisə barədə danışaraq ‘’Uşaqlarım evin birinci mərtəbəsində öz otaqlarında yatmışdılar. Ayının uşaqlarım olan otaöa getməsinin qarşısını almaq istədim. Səs-küy salaraq ayını qaraja doğru aparmaq istədim. Ayı səsdən qorxduğu üçün mənə hücum etdi’’ sözlərini deyib. Xəstəxanaya yerləşdirilən Davenin yanağına, qulağına, çənəsinə və boynuna tikişlər atılıb. Ayı isə xüsusi keyidici silahla vurularaq baytarlıq məntəqəsinə aparılıb.

Mutfaktan gelen sese yönelen adam, karşılaştığı ayının saldırısına uğradı

Ölkə.Az

ŞƏRH YAZ
0
BAĞLA