Gülnarə Kərimova 1.2 milyard dolları Özbəkistana qaytarır

Gülnarə Kərimova 1.2 milyard dolları Özbəkistana qaytarır
10:53
25.06.2019
7000
Dünya
A
Özbəkistanın keçmiş prezidenti İslam Kərimovun böyük qızı Gülnarə Kərimova 1.2 milyard dolları dövlətə qaytardığını, ölkədən xaricdəki pullarını da büdcəyə qaytarmaq istədiyini bildirib.

 “Ölkə.Az” xəbər verir ki, Özbəkistanın paytaxtı Daşkənd yaxınlığındakı bir həbsxanada cəzasını çəkən Kərimova qızı İmanın sosial şəbəkədəki səhifəsi vasitəsilə yazılı açıqlama verib.

Son dövrlərdə çox dəyişdiyini, özünü təmizə çıxarmaq üçün cəhd etmədiyini qeyd edən Kərimova “Xalqımdan, məni başa düşən və hörmət edən bütün insanlardan üzr istəyirəm” yazıb. Kərimova bildirib ki, büdcəyə qaytardığı pulların Özbəkistanın inkişafına təsir edəcəyinə inanır.

“Ölkədəki 1.2 milyard dollarlıq sərmayə çoxdan mənim nəzarətimdən çıxaraq dövlət büdcəsi üçün işləyir. İsveçrədə dondurulan hesabımdakı pul isə sadəcə mənim həll edə biləcəyim bir iş deyil. Bu pulu digər ölkələr də tələb edir. Mən vəkilimlə 131 milyon dolların geri gətirilməsi üçün əlimizdən gələni edirik. 555 milyon dollarlıq məbləğ üçün də işə başlamışıq. Sağlamlığımla bağlı problemlərim var. Əməliyyat lazımdır və bunun üçün prezident Şevket Mirziyoyevə müraciət etmişəm”, - deyə Kərimova əlavə edib.

Gülnarə 2017-ci ildə Özbəkistan məhkəməsi tərəfindən korrupsiya, rüşvət, fırıldaqçılıq, ticarət və gömrük qanunlarını pozma və digər maddələrlə ittiham edilərək 10 il müddətinə həbs cəzası alıb. Sonra dövlətə vurduğu ziyanı ödəməklə cəzası 5 ilə endirilib və həbs cəzası verilib. Amma mart ayında məhkum edildiyi ev həbsi şərtlərini pozduğu üçün həbsxanaya göndərilib. 

Hikmət Həsənov 
Ölkə.Az

ŞƏRH YAZ
0

Almanlar Leninqrad blokadasına görə Rusiyaya bu qədər təzminat ödəyəcək

Almanlar Leninqrad blokadasına görə Rusiyaya bu qədər təzminat ödəyəcək
08:06
Bu gün
150
Dünya
A
Leninqrad blokadasının aradan qaldırılmasının 75-ci il dönümü ilə əlaqədar Almaniya Rusiyaya 12 milyon dollar (təxminən 20 milyon manat - red.) təzminat ödəyəcək.

Almaniya tərəfinin “Humanitar jest” adlandırdığı kompensasiyanın gəlirləri İkinci Dünya müharibəsi veteranlarının Sankt-Peterburqda müalicə aldığı xəstəxananın yenilənməsinə və Neva çayı üzərində rus-alman ictimaiyyəti nümayəndələrinin görüşünün təşkili üçün nəzərdə tutulan mərkəzin tikintisinə sərf olunacaq.

“Kommersant” nəşri məlumat verir ki, məbləğin böyük hissəsi hər il 35 min veteranın müalicə aldığı hospitalın yenilənməsinə xərclənəcək.

Sazişin gələn həftənin əvvəlində imzalana biləcəyi qeyd olunur.

Qeyd edək ki, Böyük Vətən müharibəsi zamanı indiki Sankt-Peterburq şəhəri alman-fin qoşunları tərəfindən 872 gün mühasirədə olub.

ŞƏRH YAZ
0

Korona virusu bu BAZARDAN YAYILIB

Korona virusu bu BAZARDAN YAYILIB
01:50
Bu gün
946
Dünya
A
Çində yayılan korona virusunun Vuhan əyalətindəki dəniz məhsulları bazarında satılan heyvanlardan yayıldığı deyilir.

''Ölkə.Az'' xəbər verir ki, Çində korona virusuna 830 nəfər yoluxub, 25 nəfər isə bu virusdan həyatını itirib. Virusun əlamətləri adi qripin əlamətlərindən fərqlənməyərək hava yolu ilə insanlara keçir. Qonşu ölkələrə belə yayılan virusun bazarda satılan yabanı heyvanlardan keçdiyi deyilir. 31 dekabrda Huanan bazarında satılan heyvanlarla təmasda olan 27 insanda ölümcül virus aşkarlanıb.

Belə ki, yarasanın, ilanın, koalanın, canavarın, timsahın, satıldığı bazar virus aşkarlandıqdan sonra bağlanıb. 

Qeyd edək ki, korona virusunun yarasa şorbasından yayıldığı iddia edilmişdi.

Ölkə.Az 

ŞƏRH YAZ
0
BAĞLA