Gün ərzində mindən çox fişəng və pirotexniki vasitə aşkarlandı

Gün ərzində mindən çox fişəng və pirotexniki vasitə aşkarlandı
19:25
16.12.2017
1590
Hadisə
A
Tovuz Gömrük İdarəsinin əməkdaşları təkcə bir gün ərzində dörd fakt üzrə 1103 ədəd fişəng və 33 qutu pirotexniki vasitənin qaçaqmalçılıq yolu ilə ölkə ərazisinə gətirilməsinə cəhdin qarşısını alıblar.

"Ölkə.Az" xəbər verir ki, Dövlət Gömrük Komitəsindən Trend-ə verilən məlumata görə, mülki dövriyyəsi məhdudlaşdırılan, istifadəsi yüksək səs-küylə müşayiət olunan və insan sağlamlığına mənfi təsir göstərən bu malların hamısı idarənin "Sınıq Körpü" gömrük postunda Gürcüstandan gələn Azərbaycan vətəndaşlarının idarə etdiyi minik avtomobillərində aşkar edilib.

Bütün faktlarla bağlı araşdırma aparılır.

ŞƏRH YAZ
2

İnternetdə tanış olduğu qadını evə gətirdi — SOYULDU

İnternetdə tanış olduğu qadını evə gətirdi
00:19
Bu gün
552
Hadisə
A
Aralarında qadın da olan dstə üzvləri quldurluq və hədə-qorxu ilə tələb etməkdə ittiham edilir. Bakı Ağır Cinayətlər Məhkəməsində quldurluqda və hədə-qorxu ilə tələb etmədə təqsirləndirilən dəstə üzvlərinin məhkəməsi başlayıb. Maya Qasımova, Orxan Hüseynov, İsrafil Kərimov, Elçin Osmanov və Seyidsara Heydərovanın cinayət işi hakim Fikrət Qəribovun sədrlik etdiyi kollegiyanın icraatındadır.

"Ölkə.Az" bizimyol.info-ya istinadən xəbər verir ki, prosesdə təqsirləndirilən şəxslərin anket məlumatları dəqiqləşdirilib, baxış iclası yanvarın 23-nə təyin edilib.

Hadisə 2018-ci il yanvarın 25-də Yasamal rayonunda baş verib. Rayon ərazisindəki mənzillərdən birində Muxtar Məmmədovun əl-ayağını yapışqanlı lentlə stula bağlayaraq döyüb, cibindəki 150 manatı və mobil telefonu götürüblər. Yasamal rayon polis idarəsi 27-ci polis bölməsi əməkdaşlarının əməliyyat-axtarış tədbirləri nəticəsində bu əməli törətməkdə təqsirli bilinən dəstə üzvlərindən Orxan Hüseynov "isti izlər"lə saxlanılıb, digərlərinin isə şəxsiyyətləri müəyyən edilib.

Daha sonra dəstənin digər üzvləri - M.Qasımova, İ.Kərimov, E.Osmanov və Şabran rayon sakini S.Heydərova da saxlanılaraq istintaqa cəlb ediliblər.

Araşdırmalarla məlum olub ki, Bakı şəhər sakini M.Məmmədov internet vasitəsilə tanış olduğu Maya adlı qadınla saat 21 radələrində həmin evə gəlib. Bundan, təxminən, 30 dəqiqə sonra mənzilə daxil olan üç maskalı şəxs Muxtarın əllərini və ayaqlarını yapışqanlı lentlə stula bağlayaraq döyüb, cibindəki 150 manatı və mobil telefonu götürərək Maya ilə birlikdə mənzilin qapısını arxadan bağlayıb gediblər.

M.Məmmədov yapışqanlı lent sarğılarını açaraq eyvana çıxıb və ətrafdakıları köməyə çağırıb.
Polis əməkdaşları əməliyyat-axtarış tədbirlərinə başlayıb, quldurluğu törətməkdə şübhəli bilinən 4 nəfərin şəxsiyyəti qısa zamanda müəyyən edilib.

Ölkə.Az

ŞƏRH YAZ
0

Bakıda güclü küləyin törətdiyi fəsadlar — Dağıntılar var + FOTOLAR

Bakıda güclü küləyin törətdiyi fəsadlar
23:10
17.01.2019
1770
Hadisə
A
Bakıda güclü külək bir sıra fəsadlar törədib.

"Ölkə.Az" "Report"a istinadən xəbər verir ki, paytaxtın güclü külək bəzi yerlərdə işıq dirəklərini, reklam lövhələrini aşırıb, habelə ağacları kökündən qoparıb. Bir sıra yerlərdə ağaclar avtomobillərin üstünə aşıb. 

Kəskin hava şəraiti hətta bəzi yerlərdə yol qəzalarına da səbəb olub. Belə ki, nəqliyyat vasitələri idarəetmədən çıxaraq aşıb. Külək bir sıra yerlərdə evlərin damını qoparıb.

Qeyd edək ki, hazırda ölkə ərazisində yağıntılı hava şəraiti müşahidə olunur, dağlıq və dağətəyi rayonlarda qar yağır. Açıq dənizdə dalğanın maksimal hündürlüyü 9,3 metrə çatıb. 

Ölkə.Az

ŞƏRH YAZ
0
BAĞLA