Gün eynəklərindən gələn təhlükə

Gün eynəklərindən gələn təhlükə
20:26
13.08.2017
40
Maraqlı
A
Yay mövsümündə gün eynəkləri insanların ən çox istifadə etdiyi aksesuarlardan birinə çevrilir.

Yay aylarında küçələrdə Çindən gətirilən ucuz gün eynəkləri ilə bağlı satış lövhələri peyda olur və insanlar bu eynəklərdən almağa böyük həvəs göstərirlər. Ancaq əksəriyyət bu ucuz eynəklərin onların gözləri və ümumi səhhətləri üçün ziyanlı olduğunun fərqində deyil.

Ölkə.Az Trend-ə istinadən xəbər verir ki, oftalmoloq-cərrah Azər Kərimov imkan daxilində belə ucuz eynəklərdən istifadə etməməyi tövsiyə edir.

A.Kərimov bildirib ki, ucuz qiymətə satılan eynəklərin şüşələrinin materialları orijinal eynəklərdəkindən fərqlidir: “Ucuz qiymətə satılan gün eynəklərinin optik şüşələri tam orqanik olmur, hansısa plastik materiallardan hazırlanır. Həmin eynəklərin şüşələrində xüsusi örtüklər və qatlar olmur. Bunlar olmadığına görə də həmin eynəklər orijinal eynəklərin verdiyi rahatlığı verə bilmir, işıq keçiriciliyi fərqli olur”.

Oftalmoloq-cərrah bildirib ki, ucuz qiymətə satılan eynəklərin şüşələrində şəffaflıq zəif olduğundan göz obyekti yaxşı fokuslaya bilmir: “Göz yaxşı fokuslaya bilməyəndə isə beyin 2-3 qat çətinliklə işləyir. Bu eynəklərlə bəzi adamlar deyə bilər ki, hansısa obyekti iki görürəm, bəzi adamlar da deyə bilər ki, ürəyim sıxılır və s. İşıq bir az zəif olan zaman həmin eynəklərdən istifadə göz üçün daha çətindir. Çünki bu eynəklərdə polaroid funksiyası yoxdur”.

Lakin A.Kərimov bütün hallarda gün eynəklərindən istifadənin vacibliyini vurğulayıb. Onun sözlərinə görə, ultrabənövşəyi şüalar gözlərə ucuz gün eynəklərindən daha çox zərər vurur.

ŞƏRH YAZ
0

"Satılıq gəlinlər"in acılarla dolu həyatı — FOTOLAR

14:19
Bu gün
416
Maraqlı
A
Böyük qıtlıq dövründə Şimali Koreyadan Çinə qaçırılaraq satılan qadınlar yaşadıqları çətin həyatı ilk dəfə dünya mətbuatına danışıblar.

"Ölkə.Az" xəbər verir ki, övladları üçün ağlayan qadınlar Çində həbs edilməkdən, Şimali Koreyaya qayıtdıqdan sonra isə işkəncəyə məruz qalmaqdan qorxurlar.

Qəzetin xəbərinə əsasən, 1990-cı illərdə baş verən qıtlıq dövründə on minlərlə qadın iş tapmaq vədi ilə Çinə qaçırılıb. Sonra isə bu qadınlar satılıb.

Çinin bir kənd evində 11 ildir əlil əri ilə yaşayan S.Y. qaçaqçıların onu sərhəddən keçirərək satdığını bildirir. Qonşuları onu qəbul etmir. Çin hökuməti tərəfindən deportasiya edilməkdən qorxan qadın Şimali Koreyada dəhşətli işkəncələrə məruz qalacağını qeyd edib. Qadın ən çox Şimali Koreyada qalan övladları üçün darıxdığını bildirir. Çinli ərindən uşaq doğmadan əvvəl intihar etmək istədiyini deyir: "Bura ilk gələndə bütün günü içirdim. Ağlımı itirəcəkdim. Çünki Şimali Koreyada qalan uşaqlarım üçün narahat idim".

Qaçaqçılardan 15 min Çin yuanına (4 min manata yaxın pul) alınan qadın ərindən şikayət etmir. Amma qaçırılaraq satılan hər qadının da belə şanslı olmadığını bildirir. Qadınların bir çoxu intihar edib. Bir çox qadın isə deportasiya edilərək işkəncələrə məruz qalmaqdan qorxduğu üçün bütün əziyyətlərə sinə gərir.

Hikmət Həsənov
Ölkə.Az

ŞƏRH YAZ
0

Yeni Zelandiyada müdhiş kəşf — 60 milyon illik skelet tapıldı

Yeni Zelandiyada müdhiş kəşf
13:07
Bu gün
590
Maraqlı
A
Yeni Zelandiyanın Hampden sahilində bir qayanın içində 60 milyon il əvvələ aid pinqvin skeleti tapılıb.

"Ölkə.Az" xəbər verir ki, tapılan skelet nəhəng pinqvinlərə məxsusdur.

1.77 sm boyu olan pinqvinlərin çəkisi 100 kq-a yaxın olub. Hazırda isə "imperator pinqvin"lərin boyu maksimum 1.20 sm-ə qədərdir.

Tədqiqatçılar bildirir ki, 60 milyon il əvvəl yaşayan pinqvinlərin dərisi ağ-qara yox, tünd qəhvə rəngli olub. Alimlər yeni kəşf edilən pinqvin növünə "Kumimanu Biceae" adı veriblər.

Ehtimal edilir ki, nəhəng pinqvinlər 20 milyon il əvvəl tarix səhnəsindən silinib.

Hikmət Həsənov
Ölkə.Az

ŞƏRH YAZ
0
BAĞLA