“Günahı ərəblərdə yox, özümüzdə axtarmalıyıq” — Adil Əliyev

“Günahı ərəblərdə yox, özümüzdə axtarmalıyıq”
18:25
12.08.2017
59
Ölkə
A
"Ərəblər turist kimi səfər etdikləri ölkələrin qayda-qanunlarına, milli-mənəvi, əxlaqi dəyərlərinə hörmətlə yanaşmaqla bərabər, orada böyük vəsait xərcləyirlər, onların dövlət büdcəsinə, iqtisadiyyata müəyyən qatqıları olur” .

"Ölkə.Az" xəbər verir ki, bu barədə millət vəkili Adil Əliyev sosial şəbəkədə yazıb. Deputat son günlər Azərbaycana gəlmiş ərəb turistlərlə bağlı sosial şəbəkələrdə geniş müzakirə aparıldığını, xüsusilə də onların Bakının "Tarqovı” adlanan məkanında guya özlərini apara bilməmələri, kimlərəsə söz atmaları və s. ciddi polemikaya səbəb olduğunu vurğulayıb: "Əlbəttə ki, hər bir şəxsin, o cümlədən, xarici vətəndaşların, turistlərin olduqları ölkənin qayda-qanunlarına, milli-mənəvi, əxlaqi dəyərlərinə hörmətlə yanaşması olduqca vacibdir. Amma burada bir məqamı diqqətə çatdırmaq istəyirəm. Ərəblər dünyanın, demək olar ki, bütün ölkələrində, həmçinin inkişaf etmiş Avropa ölkələrində mövcuddurlar. Onlar turist kimi səfər etdikləri ölkələrin qayda-qanunlarına, milli-mənəvi, əxlaqi dəyərlərinə hörmətlə yanaşmaqla bərabər, orada böyük vəsait xərcləyirlər, onların dövlət büdcəsinə, iqtisadiyyata müəyyən qatqıları olur.

Necə olur ki, inkişaf etmiş ölkələrdə ərəb turistlərdən narazılıq edilmir, "qadınlarımıza söz atdılar, sataşdılar” kimi giley-güzarlar eşidilmir, amma Azərbaycanda müəyyən şəxslər ərəblərə qarşı fəal kampaniya aparırlar? Onlar qarşılarına çıxan hər qadına söz atırlarmı? Kimsə ərəblərdən polisə şikayət edibmi? Əgər bu suallara cavab yoxdursa, deməli, problemi ərəblərdə deyil, özümüzdə axtarmaq lazımdır”.

ŞƏRH YAZ
0

Bir mənzilin bir neçə nəfərə satılmasının qarşısı alınacaq — YENİ MEXANİZM

Bir mənzilin bir neçə nəfərə satılmasının qarşısı alınacaq
13:32
Bu gün
509
Ölkə
A
Azərbaycanda bir mənzilin bir neçə şəxsə satılmasının qarşının alınması məqsədi ilə hazırlanan qanun layihəsinin detalları açıqlanıb.

"Ölkə.Az" Report-a istinadən xəbər verir ki, Mülki Məcəllənin 144-cü (Daşınmaz əmlakın dövlət reyestri obyektlərinə dair sərəncam verilməsi haqqında müqavilələrin notariat qaydasında təsdiqlənməsi) maddəsinin 144.2-1-ci bəndi yeni redaksiyada verilir. Bəndə əsasən, sərəncam verən tərəfin sərəncam hüququnun və öhdəliklərinin, eləcə də əmlakın mövcud yüklülüyünün daşınmaz əmlakın dövlət reyestrində yoxlanılması məqsədilə “Notariat haqqında” qanuna uyğun olaraq notariuslarla daşınmaz əmlakın dövlət reyesteri arasında məlumat və sənəd mübadiləsi imkanı, o cümlədən notariusların daşınmaz əmlakın dövlət reyestrinə elektron qaydada birbaşa çıxışı təmin edilməlidir.

144.3-cü bnədə əsasən, notarius daşınmaz əmlak üzərində sərəncam verilməsinə dair müqaviləni təsdiqlədikdən dərhal sonra onu elektron formada informasiya sistemləri vasitəsilə və təsdiqlənmiş yazılı formada sifarişli poçt göndərişi vasitəsilə daşınmaz əmlakın dövlət reyestrinə göndərməlidir. Belə müqavilə ondan irəli gələn mülkiyyət və digər əşya hüquqlarının daşınmaz əmlakın dövlət reyestrində qeydiyyatının aparılmasına dair ərizə hesab olunur və həmin müqavilə əsasında müvafiq hüquqlar dövlət qeydiyyatına alınır.

Məcəllənin 144.5-cü bəndi də yeni redaksiyada verilir. Belə ki, Daşınmaz əmlaka mülkiyyət hüququ əmlakın fiziki cəhətdən bölünməsini nəzərdə tutmayan, lakin yaranacaq ümumi paylı mülkiyyətdə payların nisbətini faizlə müəyyənləşdirən bölünmə planı əsasında bölünə bilər. Mülkiyyətçi tərəfindən tərtib edilən belə bölünmə planı müvafiq icra hakimiyyəti orqanının müəyyən etdiyi qaydada təsdiq edildikdən sonra mülkiyyətçinin bölünmə nəticəsində yaranan payların hər birinə mülkiyyət hüququ daşınmaz əmlakın dövlət reyestrində qeydə alınır.

Layihədə bildirilib ki, hazırki qanunvericilik tikintisi başa çatmayan binaların tərkib hissələrinin (mənzillərinin) alqı-satqısı, həmin binalarda mənzil əldə edən şəxslərin mülkiyyət hüquqlarının qeydiyyatı ilə bağlı məsələləri dəqiq tənzimləmədiyinə görə bu sahədə xeyli çatışmazlıqlar, o cümlədən mənzillərin eyni zamanda bir neçə şəxsə satılması və.s kimi sui-istifadə halları yaranır.

Qanun layihəsi Milli Məclisin plenar iclasına tövsiyə olunub.

ŞƏRH YAZ
0

Azərbaycan Alpaqut Federasiyası qanvermə aksiyası keçirdi — FOTO

Azərbaycan Alpaqut Federasiyası qanvermə aksiyası keçirdi
12:45
Bu gün
1870
Ölkə
A
Azərbaycan Alpaqut Federasiyasının (AAF) rəhbərliyi, məşqçi və idmançı heyəti talassemiyadan və hemofiliyadan əziyyət çəkən insanlar üçün yardım məqsədi ilə Mərkəzi Qanvermə Bankında qanvermə aksiyası keçirib.

"Ölkə.Az" xəbər verir ki, aksiyada federasiyanın prezidenti Aqil Acalov, birinci vitse prezident Qüdrət Nuriyev, vitse prezident Nuranə Şıxəliyeva, “Aypara” sistemi üzrə koordinator Elşən Məmmədov və 30-a yaxın idmançı iştirak edib. AAF-nın prezidenti Aqil Acalov bildirib ki, bu kimi aksiyalar birinci dəfədir keçirilmir və demək olar ki, ənənə şəklini alıb.

”Federasiyamız hər il bənzər sosial layihələri təşəbbüskar olaraq reallaşdırır” - deyə qeyd edən Aqil Acalov həmçinin bildirib ki, bu, xeyriyyəçilik məqsədi ilə yanaşı cəmiyyətdə maarifləndirmə işini aparmağa istiqamətləndirilmiş aksiyadır: “Biz istəyirik ki, cəmiyyətimiz hər zaman talassemiya və hemofiliyadan əziyyət çəkən insanların yanında olsunlar, onların talehlərinə biganə yanaşmasınlar. Fürsətdən istifadə edərək, hər kəsi belə sosial layihələrdə iştirak etməyə səsləyirik. Çünki bu eyni zamanda bizim vətəndaşlıq və insaniyyətlik borcumuzdur”.

AAF-ın vitse prezidenti Nuranə Şıxəliyeva də bildirib ki, bu cür sosial layihələrin keçirilməsi, xüsusilə talassemiya və hemofiliyadan  əziyyət çəkən insanlar üçün bu kimi təşəbbüslərin reallaşdırılması vacibdir.

“İlk növbədə, vətəndaş olaraq düşünürəm ki, talassemiya və hemofiliyalı insanlar üçün belə kampaniyaları tez-tez keçirməliyik. Çünki bu gün dünyada bu xəstəliklərdən əziyyət çəkən insanlar kifayət qədərdir” - deyə bildirən Nuranə Şıxəliyeva həmçinin qeyd edib ki, Azərbaycan dövləti istər talassemiyadan, istərsə də digər xəstəliklərdən əziyyət çəkən insanlar üçün çox böyük işlər görür, uğurlu səhiyyə məqsədli proqramlar icra edilir:

“Bizlər isə hər zaman dövlətimizin yanında olaraq, vətəndaşlıq borcumuzu layiqincə təmsil etməliyik, öz təşəbbüslərimizlə fəallığımızı artırmalı, xeyriyyəçilik məqsdədlərimizi davamlı olaraq həyata keçirməliyik. Hazırkı aksiyamız da məhz bu istiqamətə yönəlib və AAF gələcəkdə də həmin fəaliyyətini uğurla davam etdirməyi qarşısına məqsəd qoyub”.

Federasiyanın birinci vitse prezidenti Qüdrət Nuriyev də bu kimi aksiyalarda iştirak etməkdən məmnunluq hissi duyduğunu deyib.

“Verilən hər bir qan bir xilas mənbəyidir” - deyə qeyd edən Qüdrət Nuriyev əlavə edib ki, bənzər təşəbbüsslərdə iştirak etmək hər kəsin vətəndaşlıq borcu olmaqla yanaşı, həm də humanizmə verdiyi dəyər olmalıdır: “Bu baxımdan, aksiyamıza qoşulan hər kəsə minnətdarlığımızı bildiririk”.

ŞƏRH YAZ
0
BAĞLA