Gündə 1 fincan qəhvə içmək üçün — 10 SƏBƏB

Gündə 1 fincan qəhvə içmək üçün
14:17
10.11.2017
3161
Maraqlı
A
Qəhvənin faydalarını saymaqla bitməz. Xüsusən də müxtəlif xərçəng növlərinə müsbət təsiri var.

"Ölkə.Az" bir fincan qəhvənin sağlamlığımız üçün faydalarını təqdim edir.

1.İdmandan sonra daha az ağrı hiss etməyə kömək edir


Araşdırmalara əsasən idmandan 1 saat əvvəl 1 fincan qəhvə içən insanların daha uzun müddət idman hərəkətləri ilə məşğul ola bildiyini göstərir. Qəhvənin tərkibindəki kofein idman vaxtı əzələləri yorğun və narahat edici hala gətirən kimyəvi maddələrin qarşısını ala bilir. 


2.Ömrünüzü uzadır


İngiltərəli mütəxəssislərin fikrinə görə gündə 3 fincaan qəhvə içmək ömrü uzatmağa kömək edir. Başqa bir araşdırma nəticələrinə əsasən, qəhvə erkən ölüm riskini zaldır. "İnternal Medicine" jurnalında yayımlanan məqaləyə əsasən, qəhvə qaraciyər xəstəlikləri riskini azaldır, qan dövranı problemi və həzm sistemi ilə bağlı xəstəliklərə də kömək edir.

3.Ağız xərçəngi riskini azaldır


Gündə 4 fincan qəhvə içən insanın siqaret çəkib çəkmədiyindən asılı olmayaraq, ölümcül ağız xərçəngi riskinə yoluxma riski yarı-yarıya azalır. Amerikanın Xərçəng Dərnəyi araşdırmaçıları hər gün qəhvə içməyin ağızda və boğazda yaranan şişlərə qarşı qoruyucu təsirə malikdir. 

4.Arıqlamağa kömək edir

Qəhvənin tərkibində metabolizmaya təsir edən bir neçə maddə var. Bunlara xlorojenik turşusu adı verilən və təbii olaraq yaranan bir maddə də daxildir. Bu maddə karbonhidratların yavaş əmilməsinə kömək edir. Bir tədqiqatın nəticələrinə əsasən, qızardılmış qəhvə çəyirdəklərindən hazırlanan yaşıl qəhvə bağırsaqdan sovrulan şəkər miqdarını və vücudun yağ axma sürətini azaltdığı məlum olub.

5.Qəbiz probleminə qarşı yaxşı vasitədir


Qəhvənin tərkibindəki kofein bağırsaqlara müsbət təsir edir və qəbizlilik probleminin qarşısını alır.

6.Təbii ağrıkəsicidir


Londondakı "Goldsmiths College" tədqiqatçıları müəyyən ediblər ki, qəhvə içmək ağrıları azaldır.

7.Baş ağrısına müsbət təsir edir


Tədqiqatlar müəyyən edib ki, aspirin ilə kofeinin qarışığı başağrısını daha tez kəsir. Kofein bir çox ağrıkəsicinin sovrulmasını sürətləndirir. Tədqiqatlar göstərir ki, kofein müxtəlif dərmanların təsirini 40 faiz artırır.


8.Astmanı azaldır

Kofein astma xəstələrinin daha rahat nəfəs almasına kömək edə biləcək bronxial genişlədici kimi təsir edir. Ağ ciyərlərdəki hava yollarını açmağa və bu sayədə xırıltılı nəfəsalma, öskürək və nəfəs darlığı kimi astma simptomlarını zəiflədir.


9.Demansiya xəstəliyi riskini azaldır

Tədqiqatlar göstərir ki, qəhvə içmək yaddaşı möhkəmləndirir. İlıq qəhvə isə Alzheimer xəstəliyi riskini 20 faiz azaldır. Gündə 3-5 fincan qəhvə içən insanlarda demansiya xəstəliyinə yoluxma riski 20 faiz azalır.

10.Qaraciyəri qoruyur

Qəhvə içmək qaraciyər xərçənginin qarşısını alır. Tədqiqatlara görə, gündə sadəcə 1 fincan qəhvə içən insanlarda da qaraciyər xərçənginə yoluxma riski 20 faiz azalır. Gündə 2 fincan qəhvə içmək isə, bu riski 35 faiz azaldır.

Hikmət Həsənov
Ölkə.Az

 

ŞƏRH YAZ
0

Almaniyada gənclər bu polis qadının onu həbs etməsini istəyir — Fotolar

Almaniyada gənclər bu polis qadının onu həbs etməsini istəyir
21:33
18.11.2018
7534
Maraqlı
A
Almaniyada qadın polis sosial şəbəkədə paylaşdığı görüntülərlə diqqət çəkib.

“Ölkə.Az” xarici KİV-ə istinadən xəbər verir ki, 31 yaşlı Adrienne Koleszar instaqramdakı şəkilləri izləyiciləri tərəfindən maraqla qarşılanıb. Düzgün bədən quruluşuna malik Adriennenin fotoları yüz minlərlə bəyəni toplayır. Hətta bəzi insanlar "Sənə aşiq oldum", "Əgər məni saxlayacaqsansa, sürət həddini pozmağa hazıram", "Nə olar məni həbs et" kimi qəribə şərhlər də yazırlar.

Ölkə.Az

ŞƏRH YAZ
0

Asılı olduğunuz insanla görüşməyin...

Asılı olduğunuz insanla görüşməyin...
01:32
18.11.2018
24635
Maraqlı
A
"Ölkə.Az" Milli.Az-a istinadən günün qoroskopunu təqdim edir:

Qoç - hadisələrin axarı sakitlik və təmkin tələb edir. Yeni məlumatlar əldə edin, maraqlandığınız predmetlə bağlı informasiya toplayın. Dedi-qodu etməyin, qeybətə varmayın. Başqasını müzakirə edəndə sərt danışmayın.

Günün ikinci yarısı səyahət və ya uzaq səfərlər üçün deyil. Yolda xoşagəlməz hadisə baş verə bilər. Anlaşılmazlığın münaqişəyə çevrilməsinə imkan verməyin. Axşam saatlarını dostlarla keçirin. Uzun münasibətlər qura biləcəyiniz insanla qarşılaşa bilərsiniz.

Buğa - günün işlərini əvvəlcədən planlaşdırın. Mühüm olayı unutmayın. Diqqətsizlik ciddi problem yarada bilər. Sadəlövh olmayın, deyilən hər sözə inanmayın. Biznes və maliyyə məsələləri ilə bağlı müzakirələrdə huşyar olun.

Günün ikinci yarısında perspektivlərinizi bir daha dəyərləndirin. Aldığınız məlumatları müstəqil qiymətləndirin. Şübhəli məsləhətlərə inanmayın.

Alış-veriş etmək olar. Amma parfümeriya, bahalı geyim, aksessuar almağa dəyməz. Yaxınlarınızdan birini hədiyyə ilə sevindirin.

Axşam saatlarını səs-küylü məclisdə keçirməyin.

Əkizlər - ünsiyyət müsbət emosiyalar bəxş edəcək. Mübahisələr etməyin, münaqişələrdə diplomatik davranın. Yeni layihələrə başlamaq olar. Genişmiqyaslı işə start verilərsə, diqqətli davranın.

Günün ikinci yarısında bilik və bacarıqlarını nümayiş etdirmək şanslarından yararlanın. İntellektinizi göstərin. Sözlərinizə qulaq asacaqlar.

Şəxsi münasibətlərdə ciddi dəyişikliklər istisna deyil. Sevdiyiniz insan sizə görə dəyişmək istəmir. Təmasları normallaşdırmağa çalışın.

Axşam saatlarında yeni görüş, yeni tanışlıq olacaq.

Xərçəng - maliyyə məsələləri ilə diqqətlə maraqlansanız, yaxın ətrafınızdakı insanlardan birinin sizi aldatdığını, fırıldaqçılıq etdiyini görəcəksiniz. İntriqanın mərkəzinə düşəcəksiniz. Sizdən informasiya mənbəyi kimi istifadə etmək istəyəcəklər.

Günün ikinci yarısında marionetkaya çevrilməmək üçün müxtəlif fikirləri, fərqli mövqeləri dəyərləndirin, alternativləri nəzərdən keçirin. Əlavə məlumat almaq üçün bütün mövcud imkanlardan yararlanın.

Axşam saatlarına yaxın kimsə əməli və ya zahiri görünüşü ilə sizə təsir edə bilər. Stilinizi, davranış modelinizi dəyişməyin. Sakit şəraitdə qüvvənizi bərpa edin.

Şir - gün ərzində görəcəyiniz işləri əvvəlcədən nizamlayın, planlaşdırın. Mümkün qədər çox iş görməyə, bu zaman ifrat yorğunluğa düçar olmamağa çalışın. Aktiv olun, yeni tapşırıqları və sifarişləri yerinə yetirəcək potensiallı insan təsiri bağışlayın.

Əməllərinizdə ardıcıl olun. Eqoist, təşəxxüslü, ən başlıcası isə impulsiv olmayın.

Günün ikinci yarısında kəskin dəyişikliklər planlaşdırmayın. Özünüzə sadiq qalın. Başqasının təcrübəsindən yararlanın. Ətrafınızdakı insanların belə situasiyada necə hərəkətlər etdiklərini müşahidə edin.

İmici, yaşayış yerini və ya peşəkar fəaliyyət sahəsini radikal dəyişməyə dəyməz. Yaxınlarınızla təmaslarda qayğıkeş olun. Öz fikrinizi mütləq həqiqət saymayın. Ucadan danışmayın.

Qız - intuisiyanız iti olacaq, hissiyatınız artacaq. Təhlükənin gələ biləcəyi istiqaməti müəyyənləşdirməyə can atın. Alınan siqnalları qulaqardına vurmayın. Yaradıcılıqda uğurlar ola bilər. İstedadınızı göstərin.

Günün ikinci yarısı müqavilələr və maliyyə əməliyyatları üçün uğurludur.

Yaxın ətrafınız problemlərinizi müzakirə edəcək. Lakin kimsəyə imkan verməyin ki, sizə ağıl öyrətsin. Yaşam situasiyalarını ayıq müşahidə edərək qiymətləndirin.

Tərəzi - günün ilk yarısında yaxşı xəbərlər olacaq. Uzun müddət gözlədiyiniz məlumatı alacaqsınız. Başladığınız işdə və ya həll etməyə başladığınız məsələdə irəliləyəcəksiniz. Maddi rifah durumunuzu yaxşılaşdıra biləcək təklif alacaqsınız.

Günün ikinci yarısında özünüzü pis hiss etməyəcəksiniz. Yaxınlarınızla ünsiyyətə yetərincə vaxt ayırın. Axşam saatlarında açıq söhbət sevdiyiniz insanla münasibətləri yaxşılaşdırmağa imkan verəcək. Normal istirahət etməyə çalışın.

Əqrəb - uzunmüddətli planların reallaşdırılmasına başlamaq zamanıdır. Mühüm, önəmli xəbəri yolda, yaxud qeyri-adi yerdə ala bilərsiniz. Yetərincə çətin məqsədə çatmaq mümkündür. Bunun üçün qüvvəniz də var.

Günün ikinci yarısı yaxın ətrafınızdakı insanları diqqətlə müşahidə edin. Çətin zamanda bel bağlaya biləcəyiniz insanın dəstəyinə ehtiyacınız var.

Plan və ideyalarınızın heç də hamısını bəyənmirlər. Belə insanları nəyəsə inandırmağa çalışmayın. Axşam saatlarında romantik görüş sizi sevindirə bilər.

Oxatan - xatirələrə dalmaq, ötənlərlə yaşamaq zamanı deyil. Bütün işləri başa vurmağa tələsməyin. Əks təqdirdə ifrat yorğunluğa düçar ola bilərsiniz. Maraqlı insanlarla təmaslarda olun. Dəvət aldığınız tədbirdən qalmayın.

Yaxşı tanımadığınız insanlarla günün ikinci yarısında tam səmimi olmayın. Sirlərinizi açmayın. İkiüzlü, saxtakar insanlar sizi aldada bilərlər.

Müxtəlif təmaslar və əlaqələrdə, həqiqətən də, maraqlı insanla tanış ola bilərsiniz.

Axşam saatlarını evdən kənarda keçirmək məsləhətdir.

Oğlaq - hadisələrdə qəfil dönüş, maraqlı tanışlıq, yeni görüş ola bilər. Yenilikləri əxz edin, aldığınız informasiyalardan yararlanın. Çoxdan bəri müşahidə etdiyiniz insanın kim olduğunu anlamağa çalışın.

Adekvat söhbət və ya danışıqlar biznesdə yaxşı nəticələr əldə etməyə imkan verəcək.

Günün ikinci yarısında həkim yanına yollanmaq fikriniz varsa, tənbəllik etməyin. İşgüzar fəaliyyət çevrənizdə maraqlı insanla qarşılaşacaqsınız.

Axşam saatlarını evdən çox da uzaqda olmamaq şərtilə istirahətdə keçirin.

Dolça - ağır fiziki iş və ya inadkar zəhmət tələb edən sahələrdə fəaliyyət o qədər də uğurlu deyil. Mürəkkəb hesablamaların başa çatdırılmasını daha əlverişli zamanadək təxirə salın. Yeni tanışlarla ünsiyyətdə faydalı nəsnələr əldə edə bilərsiniz.

Günün ikinci yarısında qısamüddətli səfər, kiçik işgüzar ezamiyyətlər sərfəli olacaq. Əlavə gəlir mənbələri tapmağa cəhd göstərin.

Müxtəlif insanlarla ünsiyyətdə olun. Qarşı tərəfi dediklərinizə inandırmağınız gərəkdir.

Balıqlar - sözləri təhrif etməyin, intriqa və yalanlara əl atmayın. Uzun müddətdən bəri məşğul olmaq istədiyiniz işlərin ön plana çıxmaları istisna deyil. Onları yenidən ertələmək mümkün deyil.

Günün ikinci yarısı sövdələşmə, müqavilə və anlaşmalar üçün münasib deyil. İşdə rəhbərliklə, yaxud da asılı olduğunuz insanla görüşməyin. İzafi hissiyatı ifrata çatdırmayın.

Yaxınlarınız yaşam tərzini bəyənməyəcək, sizi yenə sərt tənqid edəcəklər. Ailədə münasibətlər gərginləşəcək. Mübahisə, hətta münaqişə istisna deyil.

Ölkə.Az

ŞƏRH YAZ
0
BAĞLA