Günel “Space”dən getdi
Space TV-nin məşhur aparıcısı Günel Həsənzadə kanalla yollarını ayırıb.
"Ölkə.Az"ın qafqazinfo-ya istinadən verdiyi xəbərə görə, “Banu” verilişinin siması yeni sezonda sözügedən televiziyanın efirinə çıxmayacaq.
Həsənzadənin yeni iş yeri də məlum olub. Belə ki, teleaparıcı sentyabr ayından etibarən ARB TV-nin ekranında görünəcək. Onun proqramının adı isə hələlik məlum deyil.
Qeyd edək ki, Günel bir müddət əvvəl ARB-də yayımlanan “Gəlin danışaq” verilişindəki ailəsi və şəxsi həyatı barədə etirafları müzakirələrə səbəb olmuşdu.
