KORONAVİRUSA YOLUXANLARIN SAYI - CANLI STATİSTİKA

Güneldən daima pul istəyirdi — Bakıdakı qətlin təfərrüatı

Güneldən daima pul istəyirdi
09:00
12.09.2019
5020
Hadisə
A
Bakıda qonşuluqda yaşayan qadını başını kəsərək qətlə yetirən şəxs barəsində bəzi məqamlar üzə çıxıb.

"Ölkə.Az" xatırladır ki, hadisə sentyabrın 7-də, paytaxtın Sabunçu rayonu Bakıxanov qəsəbəsi ərazisində baş verib.

1988-ci il təvəllüdlü Xaləddin Hüseynov 35 yaşlı Günel Bağırovanın yaşadığı evə daxil olaraq onun başını kəsib.

Qeyd edilir ki, X.Hüseynov daha əvvəl Cinayət Məcəlləsinin 234-cü- maddəsi ilə, yəni narkotik vasitələrin qanunsuz dövriyyəsinə görə məhkum edilib. Bundan əlavə, o, narkoman kimi xəstəxanada qeydiyyatda olub və azadlığa çıxandan sonra köhnə vərdişlərindən əl çəkməyib.

İstintaq zamanı məlum olub ki, həyat yoldaşı həbsxanada olan G.Bağırova ilə Xaləddin arasında bir müddət əvvəl isti münasibətlər yaranıb. 

Cütlüyün münasibətlərinin pozulmasına səbəb 31 yaşlı Xaləddinin narkotik vasitələrdən asılılığı və daima Güneldən pul istəməsi olub. 

Sentyabrın 7-də gecə saatlarında narkotik vasitələrə tələbatın təsiri altında olan Xaləddin Günelin yaşadığı evə gələrək onunla söhbət etmək istədiyini bildirib. Bu zaman onlar arasında münaqişə baş verib və G.Bağırova Xaləddindən evi tərk etməsini istəyib.

Nəticədə X.Hüseynov bıçaqla qadının boğazına xəsarətlər yetirib. O, Günelin başını kəsdikdən sonra evi tərk edərək polis şöbəsinə gedib.

Faktla bağlı ilə cinayət işi başlanıb, araşdırmalar davam etdirilir. (Publika.az)

ŞƏRH YAZ
0

Şamaxıda güclü külək və leysan fəsadlar törədib

Şamaxıda güclü külək və leysan fəsadlar törədib
02:55
Bu gün
203
Hadisə
A
Şamaxı rayonunda güclü küləklə müşahidə olunan leysan kənd təsərrüfatının ayrı-ayrı sahələrinə ciddi ziyan vurub.

"Ölkə.Az" report-a istinadən xəbər verir ki, aramsız yağan yağışlar daha sonra kəskinləşərək leysana çevrilib. Digər tərəfdən də əsən güclü külək suyun axınına təkan verib.

Hektarlarla meyvə bağları su altında qalıb. Mal-qaraya və təsərrüfata ciddi ziyan dəyib. Sakinlərin dediyinə görə, təxminən 3 hektara yaxın qoz bağı, 21 hektar badam bağı tələf olub. Eyni zamanda ərazidə salınmış süni balıq gölü də leysan nəticəsində məhv olub və bu, xeyli sayda balıq tələfatına gətirib çıxarıb.

Udlu, Yekəxana və Poladları kəndləri istiqamətində insanların gediş-gəlişi ləngiyib. Avtomobil yolları, piyada keçidi üçün salınmış kiçikhəcmli körpülər su altında qalıb.

Sakinlər mövcud vəziyyətdən çox narahatdırlar və təbii fəalkətin bu şəkildə davam edəcəyi təqdirdə kənd təsərrüfatının bir çox sahəsinin ciddi şəkildə ziyan görəcəyini bildirirlər. Aidiyyəti qurumlar məsələdən xəbərdardır və onlar da öz növbəsində dəyə biləcək ziyanın qarşısının alınmasına çalışır.

ŞƏRH YAZ
0

Gəncədə baş verən qəzada ana və 2 yaşlı körpəsi xəsarət alıb

Gəncədə baş verən qəzada ana və 2 yaşlı körpəsi xəsarət alıb
23:58
15.07.2020
368
Hadisə
A
Gəncədə biri azyaşlı olmaqla iki nəfərin xəsarət alması ilə nəticələnən yol-nəqliyyat hadisəsi baş verib.

"Ölkə.Az" APA-ya istindən xəbər verir ki, iki avtomobilin toqquşması nəticəsində 2 nəfər - 33 yaşlı Qurbanova Xumar Misir qızı və onun 2 yaşlı oğlu Məmmədov Telman Tariyel oğlu xəstəxanaya yerləşdirilib.

Dərhal yaralılara lazımi tibbi yardım göstərilib, vəziyyətlərinin kafi olduğu bildirilir.

Faktla bağlı araşdırma aparılır.

ŞƏRH YAZ
0
BAĞLA