Günəş sistemində 9-cu planetlə bağlı — Alimdən ŞOK AÇIQLAMA

Günəş sistemində 9-cu planetlə bağlı
21:25
18.10.2017
84
Maraqlı
A
Astronomlar elmdə inqilaba səbəb olan kəşfə imza atıblar.

“Ölkə.Az” xəbər verir ki, uzaq kosmos və qalaktikaların doğulmasını müşahidə edən alimlər 6 yeni qalaktika kəşf ediblər. Çin, Amerika və Çili alimlərindən ibarət cəmiyyətin alimləri altı yeni qalaktika kəşf ediblər. Kosmik obyektlər Böyük Partlayışdan 550-800 milyon il sonra formalaşıb. Alimlər Serro-Tololo və Las-Kampanas observatoriyalarında işləyiblər.

Bundan başqa, NASA Günəş sistemində doqquzuncu planetin olduğuna aid məlumatlar əldə etdiyini açıqlayıb. Məlumatlara əsasən, 9-cu planetin Yerdən 10 dəfə böyükdür.

Açıqlamada deyilir: “Günəş sisteminin qaranlıq uclarında uzaq kütlələrdəki orbitləri əyən və bütün günəş sistemini bir tərəfə əyən bir planet gizlənir. Dünyadan on dəfə böyük olan və Neptunun Günəşə olan uzaqlıq məsafəsindən 20 dəfə böyük məsafədə yerləşən doqquzuncu planet haqqında məlumat əldə etmək çox çətindir”.

Azərbaycanlı alimlər isə hələlik bu sahədə araşdırmaların aparıldığını bildirirlər. AMEA Şamaxı Astrofizika Rəsədxanasının direktoru Namiq Cəlilov “Ölkə.Az”a açıqlamasında bildirdi ki, alimlərin inqilaba səbəb olan kəşfi Xabll teleskopu vasitəsilə həyata keçirilib. Onun sözlərinə görə, bu teleskopun çox yaxşı göstəriciləri var və imkan verir ki, kainatda baş verən qamma şüalarında alışmaları tutsunlar.

“Bu teleskop vasitəsilə yeni qalaktikaları kəşf ediblər”, - deyə azərbaycanlı alim bildirib.

N.Cəlilov deyir ki, Günəşdə 9-cu planet də yeni kəşflərdən biridir: “Günəşin kənarında kiçik kütləli cisimlərdən ibarət bir qovşaq var. Həmin qovşağa yaxın böyük bir cisim aşkarlanıb. Hazırda bu barədə diskusiya gedir. Hələlik həmin planetin dəqiq yeri deyilmir. Lakin onun mövcudluğu haqqında müzakirələr aparılır”.

Yerdən 10 dəfə böyük olması barədə deyilənlərə gəlincə, ekspert deyir ki, bunu hələlik dəqiq demək mümkün deyil: “Hələlik bu sahədə çoxlu araşdırılmalar aparılmalıdır. Onun kütləsi müəyyən edilməlidir. Bu fərziyədir ki, həmin planet yerdən nə qədər böyük ola bilər. Onu deyə bilərəm ki, bu kifayət qədər böyük planet deyil. Əgər belə olsaydı, biz onu müşahidə edə bilərdik. Ola bilər ki, orbiti böyük olduğu üçün görə bilməmişik”

Ziya Səccad
Ölkə.Az

ŞƏRH YAZ
0

Nəhəng asteroid planetimizə yaxınlaşır

Nəhəng asteroid planetimizə yaxınlaşır
17:23
Bu gün
1181
Maraqlı
A
"Phaethon" asteroidi dünyaya yaxınlaşır.

 "Ölkə.Az" xəbər verir ki, nəhəng asteroid 17 dekabr tarixində planetimizin yaxınlığından keçəcək.

5 kilometrlik asteroid Yerdən 10 milyon km aralı keçəcək. Bundan başqa asteroidin yaxınlaşması "Geminid" meteor yağışı ilə müşayət ediləcək. Meteor yağışı isə 13-14 dekabr tarixlərində hətta teleskopsuz da müşahidə edilə biləcək.

Elm xadimləri bildirir ki, asteroid əvvəllər daha böyük olub. Sonradan bir neçə dəfə Günəşə yaxınlaşdığı üçün parçalanıb.

Astronomlar qeyd ediblər ki, astreoid planetimiz üçün heç bir təhlükə kəsb etmir.

Hikmət Həsənov
Ölkə.Az

ŞƏRH YAZ
0

"WhatsApp”da yenilik

16:14
Bu gün
1290
Maraqlı
A
"WhatsApp” messenceri yeniliyə hazırlaşır.

 "Ölkə.Az" xəbər verir ki, 2013-cü ildən istifadəyə verilən səsli mesaj funksiyasında 4 ildir ki, heç bir ciddi dəyişiklik edilməyib. Şirkət artıq bu funksiya üzərində işləyərək yeniliklər etməyə hazırlaşır.

Əldə edilən məlumata əsasən səsli mesaj göndərmək istəyən şəxs düyməni sıxanda mikrofon düyməsi əvəzinə yeni interfeyslə qarşılaşacaq. Yarım saniyədən sonra isə düyməni sıxıb saxlamağa ehtiyac qalmayacaq. "WhatsApp” isifadəçisi istədiyi səsli mesajı göndərə biləcək. Yəni bu funksiyanın mahiyyəti ondan ibarətdir ki, əvvəllər səsli mesaj göndərmək üçün mikrofon düyməsini sıxıb saxlamaq lazım idi. Yeni interfeys hesabına isə buna ehtiyac qalmayacaq. İstifadəçi səs mesajı göndərə-göndərə digər ismarıclara da baxa biləcək.

Amma bu funksiyada da məhdudiyyətlər var. Fasiləsiz səsyazma zamanı şəkil və video izləmək, başqa söhbət bölmələrinə keçmək, ismarıcı çap etmək mümkün olmayacaq. Sadəcə səs göndərilən şəxslə olan ismarıcları izləmək mümkün olacaq. Əks halda səs yazısı avtomatik olaraq silinəcək.

Hikmət Həsənov
Ölkə.Az

ŞƏRH YAZ
0
BAĞLA