Günəş sistemində yeni kəşf
Alimlər Günəş sistemində yeni kəşfə imza atıblar.
"Ölkə.Az" xəbər verir ki, Mars və Yupiter planetləri arasındakı asteroid qurşağında quyruqlu ulduz xüsusiyyətlərinə malik və bir-birlərinin orbitində dövr edən iki səma cismi müşahidə edilib. Qeyd edək ki, bu səma cismləri bu vaxta qədər müşahidə edilməmişdi.
Alimlər "Hubble" teleskopu vasitəsilə səma cisimlərini müşahidə ediblər. Quyruqlu ulduz xüsusiyyətlərinə malik, eyni kütlə və böyüklüyə sahib iki asteroid 100 km-lik məsafədən bir-birlərinin orbitində dövr edirlər. Asteroidlərə "288P" adı verilib.
Alimlərin fikrinə görə, asteroidlər 5 min il əvvəl yaranıb.
Hikmət Həsənov
Ölkə.Az