Günün qoroskopu: emosiyalarınızı cilovlayın, münaqişədən yayının

Günün qoroskopu: emosiyalarınızı cilovlayın, münaqişədən yayının
00:20
09.01.2018
5576
Maraqlı
A
Ölkə.Az Milli.Az-a istinadən dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir.

Qoç - başladığınız işin təfərrüatlarına və detallarına ciddi fikir versəniz, uğur əldə edə bilərsiniz. Layihələrinizin keyfiyyətli, hətta mükəmməl olmasına çalışın. Təmkinli davransanız, işgüzar münasibətlərinizdə irəliləyişlər yaşanacaq. Günün ikinci yarısında başqalarının dediklərinə, tənələrə və iradlara fikir verməyin. Tənqid əhvalınızı korlamamalıdır. Subaysınızsa, yeni tanışlarla təmaslar zamanı diqqətli olun. Pərişanlığa qapıla bilərsiniz.

Buğa - qarşınıza qoyduğunuz məqsədləri dəqiqləşdirin, hədəfləri konkretləşdirin. Peşəkar fəaliyyət sahəsində uğurlara nail olmaq və rəqibləri üstələmək üçün qətiyyətli olun. Yaxşı nəticələrə nail olmaq üçün səylə, zəhmətlə işləmək lazımdır. Səbrli, zəhmətkeş olun. Tənbəllik etməyin. Günün ikinci yarısında özlərini sizə rəqib sayan adamlarla ehtiyatlı davranın. Hissləriniz prosesə mane olmamalıdır. Yaxın ətrafınızdakı insanların emosiyalarını nəzərə alın. Həmkarlar, sadəcə, tanışlar və yaxınlarınızla təmaslara fərq qoymağı bacarın.

Əkizlər - bundan sonrakı işinizdə istifadə edə biləcəyiniz məlumatları əldə etməyə çalışın. Kommersiya fəaliyyəti ilə məşğul olanlar üçün əlverişli zamandır. Sərfəli anlaşmalara nail ola bilərsiniz. Bir şərtlə ki, belə anlaşmadan əvvəl təfərrüatlı və ciddi danışıqlar olub. Günün ikinci yarısında yaxınlarınızla münasibətlərin birgə əməkdaşlığa yüksəlməsinə çalışın. Zövq, adət və ya gələcək planlarla bağlı müzakirələr dartışmalara çevrilməməlidir. Axşam saatlarında dincəlməyə çalışın.

Xərçəng - yarımçıq qalmış işləri başa vurun. Proses darıxdırıcı və cansıxıcı təsir bağışlasa da, dayanmayın, ruhdan düşməyin. Enerjiniz azdır. Tənbəlliyə və süstlüyə qapılmayın. Layihə və sifarişləri vaxtında reallaşdırmağa çalışın. Günün ikinci yarısına işdə rəhbərliyin tənqid, qınaq hədəfinə çevrilməyin. Səfər uğurlu olacaq. Amma heç bir halda yolda nə isə almayın. Axşam saatlarına yaxın əks cins mənsubunun qəlbini qırmayın. Sevdiyiniz insanla səmimi, qayğıkeş davranın.

Şir - günün ilk yarısında maliyyə məsələlərinin çözülməsi prosesində ehtiyatlı davranın. Alış-verişdə çox pul xərcləməyin. Hər hansı əşyanın gərəkli olub-olmaması ilə bağlı şübhələr varsa, o əşyanı almayın. İş yerinin dəyişdirilməsi və ya başqa yerə köçməklə bağlı qəti qərar verməyə tələsməyin. Günün ikinci yarısında maraqlı fikirlərə malik insanlarla xoş saatlar keçirə bilərsiniz. Dostlarla görüş, romantik təmaslar üçün yaxşı zamandır. Yeni tanışlıqlar istisna deyil. İlkin təəssürata aldanmayın - ilk dəfə gördüyünüz insanla bağlı qənaətlərinizdə yanıla bilərsiniz.

Qız - ani hisslərin əsirinə çevrilməsəniz, problemlərin sayı azalacaq. Situasiya paradoksal hal alsa da, soyuqqanlı olun. Yaxın ətrafınızdakı insanların tələblərini qulaqardına vurmayın. Özünüzə nəzarəti itirməyin. Günün ikinci yarısı təlatümlü saatlar vəd edir. Enerjinizi konstruktiv məcraya yönəldin, rəqibləri üstələməyə can atın. Yaxınlarınızın istəklərini anlayın. Onların hərəkətlərinin motivlərini və səbəblərini araşdırın. Soyuqqanlı olun. Əks təqdirdə dəyər verdiyiniz insanla mübahisələr istisna deyil.

Tərəzi - yaxın ətrafınızdakı insanların davranışlarına emosional reaksiya verməyin. Yaranan situasiyaların məğzini anlamağa çalışın. Yeni problemlər yaranmasa, onlar formalaşmayacaq. Özünüzü pis hiss edirsinizsə, psixoloji durumunuza diqqət yetirin. Günün ikinci yarısında hisslərin burulğanında çaşıb qalmayın. Səhhətinizə fikir verin. Yaxınlarınızın və ailə üzvlərinizin xərclərinə diqqət yetirin. Büdcəyə diqqət yetirin, qənaət yollarını tapın. Sağlam məntiqlə hərəkət edin. Dəyər verdiyiniz insanların ehtiyaclarını unutmayın. Axşam saatlarında gəzintiyə çıxmaq olar.

Əqrəb - qətiyyətli davranın, mühüm işlərin çözülməsini və problemlərin həllini ertələməyin. Hadisələrə təsir imkanlarına malik insanlarla münasibətləri intensivləşdirin. Həmin insanlardan dəstək ala bilərsiniz. Günün ikinci yarısında əldə edəcəyiniz məlumatlar önəmli işin görülməsinə rəvac verəcək. Sevdiyiniz insanla münasibətlərinizdəki problemləri müzakirə edin. Ailədəki mühiti normallaşdırın, harmoniyaya nail olmağa çalışın. Problemlərin obyektiv səbəblərini tapana qədər sakitləşməyin. Ailə üzvləri ilə təmaslarda güzəştlərə meylli olun.

Oxatan - günün ilk yarısından etibarən yarana biləcək kiçik problemləri süni şəkildə böyütməyin. Nikbin olun ki, sizi təbdən çıxara bilməsinlər. Çoxdan bəri başladığınız işi tamamlayın, yeni layihələrə start verin. Günün ikinci yarısı alış-veriş üçün münasib deyil. Hətta arzuladığınız nəsnənin satın alınması sizdə razılıq, məmnunluq hissi yaratmayacaq. Yaxınlarınızın hərəkətlərində adi günlərdə fikir vermədiyiniz məqamlar indi münaqişəyə səbəb olmamalıdır. Qarşılıqlı iradlara yol verməmək üçün güzəştlərə hazır insan təsiri bağışlayın. Sərt və qaba davranmayın.

Oğlaq - əsas işləri günün ilk yarısında başa vurmağa çalışın. Diqqətinizi yalnız ən önəmli məqamlara yönəldin. Bir ünsürü önə çəkərək digər məsələləri arxa plana salmayın. Çoxlarının sizə ehiiyacı var və bu səbəbdən də gün ərzində sizi işdən tez-tez ayıracaqlar. Günün ikinci yarısında sevdiyiniz insanla təmaslarda diqqətli olun. Yaxın ətrafınızdakı insanlar bu gün daha kövrək, daha tələbkardır. Bəzi iradları eşidəndə aqressivləşməyin. Məişət qayğılarını və ailədəki problemləri vaxtında həll edin. Emosiyalarınızı cilovlayın, münaqişədən yayının.

Dolça - maliyyə məsələləri və yaxın gələcəklə bağlı tələsik qərar verməyin. Situasiyada dəyişikliklər olacaq. Uzun müddətdən bəri, zəhmətlə hazırladığınız planlara yeniliklər edin. Önəmli tədbiri, görüşü və ya danışıqları ertələməyiniz məsləhətdir. Günün ikinci yarısında hadisələrin axarı istədiyiniz kimi olmayacaq. Təsəvvürləriniz dəyişə bilər. Yaşananların laqeyd, apatik müşahidəçisi olmayın. Bəzi problemlər göründükləri qədər ağır və təhlükəli deyil.

Balıqlar - günün ilk yarısında alacağınız xəbərlər planlarınızı dəyişəcək. Reallığı nəzərə alın. Diqqətinizi önəmli məqamlara yönəldin. Eyni vaxtda bir neçə işi görmək çətindir. Əks təqdirdə başladığınız işlərdə uğursuzluğa düçar olacaqsınız. Günün ikinci yarısı alış-veriş üçün münasib deyil. Axşam saatlarına yaxın səhhətinizin qeydinə qalın. Mənasız risklər etməyin. Yaxınlarınızla münasibətlərə dəyər verin, sizi sevən insanlarla acı danışmayın. Ailədə harmoniyanı qoruyun.

Ölkə.Az

ŞƏRH YAZ
0

Qurban kəsib qanını niyə alnımıza sürtürük? — ARAŞDIRMA

Qurban kəsib qanını niyə alnımıza sürtürük?
13:06
Bu gün
1918
Maraqlı
A
Qurban kəsilən zaman bir çox insan heyvanın qanını əsasən də uşaqların alnına sürtür. Görəsən bu adətin İslamla əlaqəsi varmı?

“Ölkə.Az” bu gün bu sualın cavabını araşdıracaq.

Qeyd etmək lazımdır ki, qurban kəsilən heyvanın qanını alnımıza və ya digər orqanlarımıza sürtməyin dinlə heç bir, yəni İslam dini ilə bağlı heç bir əlaqəsi yoxdur. Belə bir adəti Məhəmməd Peyğəmbər də qadağan edib. Bəs bu adət haradan yaranıb?

Sirr deyil ki, Anadoludan Azərbaycana vaxtilə köç edən türk tayfaları olub. Eyni zamanda Azərbaycandan da bu ərazilərə köçlər olub. Orta əsrlərdə Anadolu və Azərbaycan daim qaynayıb-qarışıb.

Qədim dövrlərdə qurban kəsmək ibadət edən insan və ya insanların Tanrıya nəyisə təqdim etmək, həsr etmək mənasına gəlirdi. Qurban dualarla edilən dini bir ayindir. Qurbanlar ya hədiyyələrlə qanlı, ya da qansız olaraq iki yerə bölünüb. Məsələn, buğdanın ilk məhsulundan hazırlanan undan çörək və digər məmulatlar bişirilir, Tanrı heykəlinin önündəki kürsüyə qoyularaq yandırılırdı. Kürsüyə süd də axıdılırdı. Beləcə, ilk məhsuldan Tanrıya da hədiyyə edilirdi. Bu, qansız qurbanlar idi.

Qanlı qurbanlar isə canlı olanlardır. Qurbanlıq heyvanlar çiçəkdən hazırlanan çələnglərlə bəzədilir, üzlərinə və gözlərinə çiçək suyu, gülab kimi müqəddəs sular sürtülür, kürsüdə rahib və köməkçisi tərəfindən kəsilirdi. Kəsilən heyvanın qanı bir qaba toplanır, kürsüyə və inanclı insanların üzərinə tökülürdü. Məhz Anadoluda, Azərbaycanda uşaqların alnına qurban qanı sürtmək adəti buradan qalıb.

Adətə əsasən, Tanrının gücü alına sürtülən qanla birlikdə o insana keçir.

Göründüyü kimi bu adətin İslam dini ilə heç bir əlaqəsi yoxdur.

Hikmət Həsənov
Ölkə.Az

ŞƏRH YAZ
0

Hər kəsin gözündən yayınır — Təyyarədə insanı xilas edən 8 addım

Hər kəsin gözündən yayınır
10:21
Bu gün
3267
Maraqlı
A
Təyyarəyə bu gün minməyən adam tapılmaz. Amma təyyarələrin bir çox xüsusiyyətləri barədə ən kiçik təsəvvürümüz belə yoxdur.

“Ölkə.Az” xəbər verir ki, bu günə qədər fərqinə varmadığımız, gözümüzdən yayınan 8 xüsusiyyət insan həyatını xilas edə bilər.

Pəncərə dəliyi: Təyyarənin daxilindəki təzyiq ilə çöldəki təzyiq çox fərqlidir. Kabinadakı təzyiqi sərnişinlər üçün normal səviyyədə saxlamaq üçün təyyarə pəncərələri çöl, orta və iç olmaqla üç hissədən ibarətdir. Orta və çöl təbəqə arasında bir boşluq var. Bu isə təzyiqi normallaşdırmağa kömək edir.


Qanad qarmağı: Bir çox təyyarənin qanadında sarı qarmaqlar var. Bu qarmaqlar qanadların üzərindən xilasedici qayığa təxliyə zamanı istifadə edilir. Suya batan təyyarədən sərnişinlər bu ip vasitəsilə qayığa minə bilərlər.


Balta: Hər təyyarədə balta olmalıdır. Balta təyyarələrdə kokpitdə başlayan yanğın zamanı paneli qıraraq çıxmaq üçün nəzərdə tutulub.


Çıxışların yanındakı qulplar: Təyyarədə bir çox insan çıxışa yaxın oturmaq və ayaqlarını rahat uzatmaq üçün can atar. Amma çıxışın yanındakı qulplar nə üçündür? Bu qulplar təxliyə zamanı heyətin təhlükəsizliyi üçündür. Panika vaxtı insanların bir-birini itələməsi və heyətin təxliyə bitmədən təyyarədən ayrılmaması üçün bu qulplar nəzərdə tutulub.


Qara üçbucaqlar: Bir çox təyyarədə olan bu qara üçbucaqlar təyyarə havalanmadan əvvəl uçuş heyətinin qanadları ən yaxşı görə biləcəyi və nəzarət edə biləcəyi nöqtələrdir.


Cooper Vane: Bu kiçik parça uçuş zamanı pilləkənlərin açılmasının qarşısını alır. 1972-ci ildə “DB Cooper” adlı bir hava qulduru “Boeing 727” təyyarəsi Oreqon səmasında uçarkən pilləkənləri açaraq paraşütlə tullanıb. Bu səbəbdən pilləkənlərin açılmasının qarşısını alan hissə Cooper Vane adlandırılıb.


Köməkçi enerji mənbəyi: Köməkçi güc mənbəyinin məqsədi əsas mühərriki işə salmaqdır. Eyni zamanda təyyarə havaya qalxmadan və yerə enmədən əvvəl də elektrik sistemini köməkçi mənbə işə salır.


Kül qabı: Təyyarələrdə siqaret çəkmək qadağandır. Amma hər təyyarədə külqabının olması məcburidir. Bunun səbəbi isə hava yolu şirkətlərinin sərnişinlərə etibar etməməsidir. Çünki əsasən təyyarə tualetlərində siqaret qaydası pozulur. Külqabı isə tualetlərin yanında olur.


Hikmət Həsənov
Ölkə.Az

ŞƏRH YAZ
0
BAĞLA