Günün qoroskopu: ətrafdakılarla necə ünsiyyət qurduğunuza diqqət yetirin

Günün qoroskopu: ətrafdakılarla necə ünsiyyət qurduğunuza diqqət yetirin
00:32
18.05.2017
143
Maraqlı
A
Ölkə.Az Milli.Az-a istinadən dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir.

Qoç - gün karyera, əmlak və maliyyə ilə bağlı sevindirici məlumatlarla zəngin olacaq. İndi diqqəti qarşıya qoyulmuş məqsədə çatmaq üçün cəmləşdirmək lazımdır. Çoxdandır can atdığınız şeyi əldə edə bilərsiniz. İşgüzar əlaqələri möhkəmləndirmək, yeni müttəfiqlər tapmaq imkanını əldə verməyin. Kiminləsə birləşməklə öz imkanlarınızı əhəmiyyətli şəkildə genişləndirə bilərsiniz.

Buğa -  uzaq qohumlarınızdan yazşı xəbərlər gələcək. Çoxdankı arzularınız çin ola bilər. Həyat potensialı yüksək olacaq və özünüzü yaxşı hiss edəcəksiniz.

Əkizlər - kifayət qədər çətin, eyni zamanda çox vacib gündür. Mətanət nümayət etdirin, illüziyalar qurmayın. Əsl döyüşçü olduğunuzu cöstərməyin əsl vaxtıdır. İşgüzar əlaqələr xüsusilə ehtiyat tələb edir. Təəssüf ki, düşmən, özü də nüfuzlu düşmən qazanmaq riski var.

Xərçəng - səbrli davranın. Özünüzü qorumalısınız. İstənilən imkandan xoş istirahət üçün istifadə edin və səhhətinizlə məşğul olmağı unutmayın.

Şir - bu gün bir növ mövsümlərarasıdır. Müsbət tendesiyalar "postu təhvil verib", mənfilər isə hələ tam gücü ilə özlərini göstərməyiblər. Hadisələrin inkişafı daha çox sizdən və baş verənlərə münasibətinizdən asılıdır. Nəyisə dəyişmək istəyirsiniz? Dəyişin.

Qız - ətrafdakılarla necə ünsiyyət qurduğunuza diqqət yetirin. Bu gün çoxları sizin zarafatlarını başa düşməyə, iradlarınızdan inciyə bilər. Eyhamlardan, ikibaşlı ifadələrdən uzaq olun.

Tərəzi - əlverişli, həftənin ən yaxşı günlərindən biridir. Müsbət tendesiyaların güclü təsiri həyatın demək olar ki, bütün sahələrində hiss olunur.

Əqrəb - işdə müvəffəqiyyət qazanmaq olar. Həm sınanmış müttəfiqlər, həm də yeni partnyorlarla əməkdaşlıq məhsuldar olacaq. Bir yerdən başqa yerə köçmək, avadanlıqları dəyişdirmək, yeni işə başlamaq üçün münasib gündür.

Oxatan - işgüzar fəallıq axşamadək yüksəkdir. Gün məzmunlu, hadisələrlə zəngin olacaq. Yalnız Şirlər, Əqrəblər, Dolçalar və Balıqlar üçün yorğunluq ehtimalı var. Bu bürclərin nümayəndələri özlərini gözləməli, iş vaxtından artıq işləməkdən və günün ikinci yarısında iş görüşlərindən imtina etməlidirlər.

Oğlaq - hansısa nəzərəçarpan nailiyyətlərlə yadda qalmasa da, pis gün deyil. İşdə münaqişənin yetişdiyini hiss edəcək və hamının maraqlarını nəzərə almaqla, ondan yayınmaq üçün üsul tapacaqsınız. Sərfəli sövdələşmə mümkündür. Bu sövdələşmədən əldə edəcəyiniz gəlir sizə çoxdankı arzunuzu həyata keçirməyə imkan verəcək.

Dolça - günün emosional fonu əlverişlidir. Bir müddət əvvəlki narahatlıq və həyəcanı unuda biləcək və müsbət ahəngə köklənəcəksiniz. Əvvəllər dostluq etdiyiniz və romantik münasibətdə olduğunuz adamlara özünü xatırlatmaq üçün pis gün deyil.

Balıqlar - həyat potensialınız yüksək olduğundan, bir neçə işlə eyni vaxtda məşğul olmaq lazım gəlsə də, yorulmayacaqsınız. Sevgi məsələlərində bəxtiniz gətirəcək.

ŞƏRH YAZ
0

Yaddaşı gücləndirən və evdə yetişdirə biləcəyiniz 6 BİTKİ

Yaddaşı gücləndirən və evdə yetişdirə biləcəyiniz 6 BİTKİ
15:12
Bu gün
1190
Maraqlı
A
Evdə asanlıqla yetişdirə biləcəyiniz bir çox bitki beyinə və yaddaşa müsbət təsir edir. “Ölkə.Az” bu bitkilərdən bəzilərinin siyahısını oxucuları ilə bölüşür.



Nanə

Nanənin təkcə qoxusu beyin funksiyasına və zehinə müsbət təsir edir. Evinizdə təzə və quru nanə yarpaqları asa bilərsiniz. İş masasına bir bardaq nanə çayı qoya bilərsiniz. Bundan başqa nanə salat, duzlu yeməklər və şirniyyata da əlavə edilir.

 

Adaçayı
Adaçayı Altsheymer xəstəliyinin müalicəsində və yaddaşın gücləndirilməsində təsirlidir. Bu bitkini çay kimi dəmləyib gündəlik içmək mümkündür. Otağa quru və ya yaş adaçayı yarpaqları qoyun. Qoxusu yaddaş funksiyalarını inkişaf etdirir.

 

Sarıkök

Müntəzəm olaraq sarıkök istifadə etmək orqanizmə çox faydalıdır. Məsələn, yüksəlmiş enerji səviyyəsi, sakitçilik və stress səviyəsinə təsir edir. Sarıkökü təzə-tər istifadə etmək lazımdır. Sarıkökü qara istiot ilə qarışdırıb qəbul etmək qana müsbət təsir edir. Bundan başqa yağlı yeməklərlə də istifadə etmək məsləhətdir.

 


Kəkotu
Kəkotu beyindəki anti oksidan səviyyəsini, omega-3 yağını artırır. Ən xoşladığınız qidalara və yeməklərə kəkotu əlavə edin. Eyni zamanda bitki çayı kimi də dəmləyib içmək, qara çaya əlavə edib içmək də olar.

 


Zəncəfil
Zəncəfil yaddaş funksiyası və diqqəti inkişaf etdirir. Bundan başqa Parkinson xəstəliyi kimi qocalığa xas xəstəlik risklərini də azaldır. Çay və ya qaynanmış suya zəncəfil əlavə edin. Bundan başqa şorba və şirniyyatda da geniş istifadə edilir.

 

Lobya
Kifayət qədər lobya qəbul etmək yaşlandıqca ortaya çıxan əqli geriləmənin qarşısını alır. Tam yetişməmiş lobyanı doğrayıb, duzlayıb yemək olar. Quru lobyadan isə şorba, salat və digər yeməklər hazırlamaq mümkündür.

Hikmət Həsənov
Ölkə.Az

ŞƏRH YAZ
0

Ramazanda ürək və qan təzyiqi xəstələrinə 5 XƏBƏRDARLIQ

Ramazanda ürək və qan təzyiqi xəstələrinə 5 XƏBƏRDARLIQ
10:45
Bu gün
5792
Maraqlı
A
Sağlamlığın oruca mane olub-olmadığına həkim qərar verir.

“Ölkə.Az” xəbər verir ki, qan təzyiqinin nəzarət altında olması və istifadə edilən dərmanlar oruc tutmaq mövzusunda müəyyənləşdirici faktorlardır. Bəzi qan təzyiqi yüksək olan xəstələr gündə bir neçə dəfə dərman qəbul edir, bəziləri isə 5 müxtəlif dərmana ehtiyac duyurlar. Oruc tutanda bu dərmanların bəziləri vaxtlı-vaxtında qəbul edilmədiyi üçün xəstədə mənfi təsirlərə səbəb ola bilər. Bu səbəbdən ürək və qan təzyiqi olan xəstələr bu məsələlərə diqqət yetirməlidirlər.

İsti havalar

Bu il Ramazan ayında havalar isti keçir. Xroniki xəstəlikləri olan şəxslər üçün oruc tutmaq problemdir. Yüksək qan təzyiqi olan xəstələr müntəzəm dərman qəbul etməlidirlər. Amma dərman qəbulunun həkim tərəfindən planlaması həyata keçirilsə, oruc tutmaq mümkündür. Amma bəzi qrup xəstələr isə oruc tutmamalıdır.

Qan təzyiqi dərmanı sidikqovucudursa, bol miqdarda su için

Bəzi dərmanlar sidikqovucu təsirə malikdir. Bu xəstələr tez-tez sidiyə getdikləri üçün maye itkisi baş verir. Bu isə xəstənin orqanizmində suyun azalma prosesini sürətləndirir. Mayenin azaldığını nəzərə alaraq sahurda bol miqdarda su və maye qəbul edin.

Böyrək və ürək xəstəliyi olanların oruc tutması çətindir

Oruc tutan bəzi xəstələrdə ciddi problemlər ortaya çıxar. Söhbət böyrək və ürək xəstəliyi olanlar qrupundan gedir. Böyrək və xüsusilə ürək çatışmazlığı olan xəstələr qidalanma və maye qəbul etmə məsələsinə diqqət etməlidirlər. Bu ilin Ramazan ayı isti günlərdə olduğu üçün bu xəstələr üçün oruc tutmaq problemlərə səbəb ola bilər. Su qəbul etmək bu xəstələr üçün çox vacibdir.

Gün ərzində bir neçə dəfə qan təzyiqi ölçülməlidir

Sidikqovucu dərman qəbul etməyən, yüksək qan təzyiqi uzun müddət nəzarət altında olan və əlavə xəstəliyi olmayan şəxslər Ramazanda bəzi qaydalara rayət etməklə oruc tuta bilərlər. Bu xəstələr gün ərzində bir neçə dəfə qan təzyiqini ölçdürməli, havanın çox isti olduğu günorta saatlarında çölə çıxmamalıdırlar. Əgər küçəyə çıxıblarsa, yüngül, tərlətməyən pambıqdan hazırlanmış paltar və günəşdən qoruyan papaq istifadə etməli, sahur və iftarda kifayət qədər maye qəbul etməlidirlər. Yüksək qan təzyiqi nəzarət altında olmayan və əlavə xəstəlikləri olan şəxslər oruc tutmaya bilər.

Qan təzyiqi xəstələri duza diqqət etməli

Ramazan ayında ürək və qan təzyiqi olan xəstələr qidalanmaya xüsusi diqqət yetirməlidirlər. Bu tip xəstələr duzlu qidalardan qaçmalıdırlar. Çünki duz bu tip xəstələr üçün böyük problemlərə səbəb ola bilər. Normal sağlam insanın gündəlik duz təlabatı 4-5 qramdır. Amma bəzən 15-20 qram və daha çox duz qəbul edənlər də var. Belə olduğu halda, xüsusən də ürək və qan təzyiqi xəstəliyi olan şəxslər maksimum duzdan uzaq durmalıdırlar.

Hikmət Həsənov

Ölkə.Az

 

 

 

 

 

 

 

 

 

 

 

 

 

 

 

 

 

ŞƏRH YAZ
0
BAĞLA