Günün qoroskopu: ətrafınızdakı olayları laqeydliklə müşahidə etməyin

Günün qoroskopu: ətrafınızdakı olayları laqeydliklə müşahidə etməyin
00:27
04.08.2017
44
Maraqlı
A
Ölkə.Az Milli.Az-a istinadən dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir.

Qoç - İntellektual və enerji səviyyənizin yüksəlməsindən ailənizin maraqlarının təminatı üçün bəhrələnin. Hisslərinizi paylaşmağa tələsməyin. Əzmli, qətiyyətli olun. Yaşananlar sizi çaşdırmasın.

Hadisələrin ən uğursuz məcrasına hazır olun.

Günün ikinci yarısında danışıqlarda sayıq olun. Əks təqdirdə qarşı tərəflə kəskin mübahisə edə bilərsiniz. Diqqətinizi işə yönəldin. Romantik görüşü ertələyin.

Sabaha indidən hazırlaşın.

Buğa - Situasiyanı sizə gərəkli istiqamətdə inkişaf etdirmək üçün stereotiplərdən qurtulun. Qarşı tərəfin əhvalını anlayın, emosiyaları hiss edin. Durum qəflətən dəyişə bilər.

Qarşınıza qoyduğunuz məqsədə çatmaq üçün lazımi vasitələrdən istifadə edin.

Günün ikinci yarısında işlərin emosiyalarla həllinə imkan verməyin. Yaxşı intuisiya diqqətə layiq məsələlərin həllində yardımçınız olacaq. Gələn informasiyalara fikir verin. Maraqlı ideyalar istisna deyil.

Rasional olun. Mövqelərinizi möhkəmləndirin.

Axşam saatlarında əylənin, gəzintiyə çıxın.

Əkizlər - Dediklərinizi yanlış anlamamalıdırlar. Vəziyyət yönünü qəflətən dəyişir. Bir istiqamətdə hərəkəti çoxdan planlaşdırsanız da, yeni xəbərlər və gözlənilməz məlumatlar gündəmə başqa işləri gətirəcək. Ətrafınızdakı insanlarla təmaslar niyyətinizə təsir edəcək.

Hadisələrə təsir imkanlarına malik insan günün ikinci yarısında sizə yardım edəcək. Təsadüfi nüanslar əhvalınıza pis təsir etməməlidir. Diqqətiniz dağınıq olmasın.

Axına qarşı üzməyin. Yanınızdakı insanlara qarşı ifrat tələblərə söykənən mövqe tutmayın. Yardım istəyən insana kömək edin. Ailə üzvlərinizin qayğınıza ehtiyacı var.

Səhhətinizin qeydinə qalın.

Xərçəng - Emosional əlaqələri yenidən dəyərləndirin. Maliyyə münasibətlərini təftiş edin. Əlavə işlərə boyun olmayın, düşünülməmiş addımlar atmayın. İntuisiyanızı dinləyin. Riskli əməliyyatlara qatılmayın, kateqorik bəyanatlar verməyin.

Günün ikinci yarısında virtual təmaslar, informasiya axtarışı, yenilik arayışları gözləntilərinizi doğruldacaq.

Axşam saatlarını pəhrizə, rasionun nizamlanmasına həsr etmək olar. Harasa yollanmaq fikriniz varsa, münasibətlərdə tamahkarlıq etməyin. Eyni vaxtda bir neçə iş görmək mümkün deyil.

Şir - Tələsmədən, aramla çalışın. Gərginlik səviyyəsi nə qədər artsa da, cari məsələləri nə qədər tez başa vurmaq istəsəniz də, təmkinli olun. Sizə deyilənlərə diqqətlə qulaq asın. Vəziyyəti müşahidə edin. Konkret situasiyadan asılı olaraq qarşı tərəflə əlaqələri yeniləmək mümkündür.

Günün ikinci yarısında fəaliyyət müstəvisində sürətlənmə olacaq. Uğurlu şəraitdən yararlanın, ən ağır problemlərin asan və rahat həllərinin mümkünlüyünü təkzib etməyin. Qarşılıqlı fəaliyyətə xüsusi ehtiyac duyulur.

Səhhətinizə fikir verin. Valideynlərinizin könlünü alın.

Qız - Günün ilk yarısında problemləri həll etmək, yeni oriyentir və ya maraq dairəsi seçmək olar. Təklifləri diqqətlə qiymətləndirin, saf-çürük edin. Çətinliklərə rəğmən, irəliləməyə çalışın.

Cari fəaliyyətinizin yeni, alternativ yanaşmaya ehtiyacı var. Gəlirlər və perspektiv sizi təmin etməməlidir. Mənasız ümidləri və boş xəyalları unudun, yeni layihədə, işdə, münasibətlərdə özünüzü sınayın.

Axşam saatlarında sizə rəğbət bəsləyən insanı dinləyin. Hadisələri əsla tələsdirməin. Mühüm məsələlər təhlil ediləndə qarşı tərəfin də maraqlarını dərk etməyə can atın.

Tərəzi - Münasibətlərin yeni mərhələsidir. Yaşamınızdakı bir neçə istiqamətdə hərəkətlərin fəallaşmağa ehtiyacı var. İşdə və şəxsi münasibətlərdə aqressiv olmayın. Etiraf və açıq danışıq gözləməyin. Yanınızdakı insanlar hansısa izahata ehtiyac duymadan çalışacaqlar.

Günün ikinci yarısında situasiyanın təfərrüatlarını anlayın. Diqqət mərkəzində olacaqsınız. Tərəfdaşlar və şəriklərlə münasibətlərdə maliyyə məsələlərinə xüsusi diqqət ayırın. İndiyədək latent durumda qalan mövzular bu gün aktualdır.

Qənaətcil olun.

Əqrəb - İntensiv fəaliyyət, zəhmət tələb edən zamandır. Danışıqlar, planlaşdırma, işlərin bölüşdürülməsi pis alınmayacaq. Əlavə işlər cazibədar təsir bağışlasa da, onları ertələyin. Əks halda mühüm situasiya üzərində nəzarət imkanlarını itirəcək, önəmli işi yarımçıq qoymalı olacaqsınız.

Günün ikinci yarısı ümumən pozitivdir. Sizi maraqlandıran xəbərləri əldə etməyə çalışın. Dəyər verdiyiniz insanların qayğısına qalın. Yardımlarınız unudulmayacaq.

Axşam saatlarında açıq havada mümkün qədər çox vaxt keçirin. Təəssürat və fikir mübadiləsi ola bilər.

Oxatan - Müstəqil şəkildə, kənar təsirlərə uymadan çalışmaq üçün əlverişli zamandır. Cari işlərlə məşğul olun. Geriləmə hiss olunan yerdəki çətinliyi aradan qaldırın. Münasibətlərdə ifrat emosionallığa varmayın.

Günün ikinci yarısı yaxın gələcəklə bağlı perspektivlərin müəyyənləşdirilməsi zamanıdır. Gərəkli informasiyaları toplayın, zəruri görüşlərlə bağlı vədələşin. İlkin razılaşma səbatlı deyilsə, yeni layihəyə başlamayın. Özünüzü çox yormayın.

Səhhətinizə fikir verin, normal tonusda olun.

Axşam saatlarında normal istirahət edin.

Oğlaq - İctimai fəaliyyət üçün pis gün deyil. Ticarət və xidmət sahəsində çalışırsınızsa, irəliləyişə nail olacaqsınız. Rutin məsələlərin həllində nizam yaradın. Sənədləşdirmədə, ailə büdcəsinin həllində sayıq olmaqla yanaşı, yaxınlarınızın dediklərinə qulaq asın.

Günün ikinci yarısında fəaliyyət arealını nizama salın.

Ailə üzvləri sizi problemlərin həllindən yayındıra bilərlər. Məqsədə çatmağın optimal yollarını fikirləşin.

İnsanların gur olduqları toplantılardan yayının.

Dolça - Ətrafınızdakı olayları laqeydliklə müşahidə etməyin. Gələn xəbərləri diqqətlə araşdırın. Zahiri görünüşünüzə fikir verin. Çətin problemi dostlarla birlikdə həll etmək olar. Yeniliklər zamanıdır. Cari işlərdəki sədlərlə maneələri dəf edə bilərsiniz.

Günün ikinci yarısında qarşılıqlı fəaliyyətdə xeyir var. Zahiri görünüşə fikir verin. Qətiyyətli olsanız, cari işlərdə gözləntilərdən artığına nail ola bilərsiniz.

Axşam saatlarına yaxın daxili gərginlikdən qurtulmaq üçün laübəli məsələlərə aydınlıq gətirin, sizi pərişan edəcək suallara cavab arayın. İrəliləmək üçün bütün vasitələrdən və imkanlardan istifadə edin.

Balıqlar - Səciyyəvi çətinlikləri həddən ziyadə emosional qəbul etməyin. Maliyyə itkiləri, elektron qurğulardan birinin sıradan çıxması istisna deyil. Mümkün qədər diqqətli olun. Dövlət qurumlarının nümayəndələri ilə danışanda məğlubiyyətçi mövqe tutmayın.

Günün ikinci yarısında yaxınlarınız və ailə üzvləriniz işlərinizdə sizə dəstək verəcəklər. Uzaq yerdən gəlmiş insanla sıx ünsiyyət qurmağa dəyməz.

Məkrli planın, avantüranın qurbanına çevrilməyin.

ŞƏRH YAZ
0

Gününüz necə keçəcək?

Gününüz necə keçəcək?
01:30
Bu gün
270
Maraqlı
A
"Ölkə.Az" Milli.Az-a istinadən günün qoroskopunu təqdim edir:

Qoç - Mədəniyyət, incəsənət və ya dinə maraq artacaq. Yarımçıq işləri bitirməyə cəhd göstərin. Tələsik qərarlar verməyin. Yeni, orijinal və maraqlı ideyalar yarana bilər. Səfər, səyahət uğurlu alınacaq.

Günün ikinci yarısında müstəqillik, asudəlik istəyi arta bilər. Öz maraqlarınızı ön plana çəkərək yaxınlarınızın mənafelərini qulaq ardına vursanız, ciddi problemlərlə qarşılaşacaqsınız. İxtilaf və mübahisə də ola bilər. Özünüzü ələ alın.

Axşam saatlarında stressdən qurtulun.

Buğa - Maliyyə, sığorta, vergi və əmlakla bağlı məsələlərin həlli üçün münasib zamandır. Yaxın gələcəklə bağlı strategiyanı müəyyənləşdirin. Nikbin olun, sağlam məntiqi unutmayın. Yaxın ətrafınızdakı insanlarla təmaslarda təşəxxüslü, eqoist insan təsiri bağışlamayın.

Okkultizm, paranormal olaylar barədə məlumatlara marağınız arta bilər.

Ailə işlərinə və məişət qayğılarına vaxt ayırın. Yaşam arealını qaydaya salın, səliqəli olun. Yaxınlarınızı sevindirin.

Axşam saatları ünsiyyət, qonaq qəbul etmək üçün əlverişlidir.

Əkizlər - Məhsuldar, əlverişli zamandır. Kreativ olun, yeni tərəfdaş və ya şəriklər qazanmağa çalışın. Cari layihələri başa vurmamış yeni işə başlamayın. Maddi durumunuzu yaxşılaşdırmaq üçün gəlir mənbələrinin sayını və formasını artırmağa can atın.

Günün ikinci yarısı maliyyə məsələləri və hüquqi işlər üçün əlverişli zaman deyil.

Yaxınlarınız istəklərinizi dəyərləndirməlidirlər. Qayğıkeş, səmimi olun. Ailə üzvləri ilə təmaslarda harmoniyaya səy göstərin. Səhhətinizin qeydinə qalın. İdmanla da məşğul ola bilərsiniz.

Xərçəng - Adi günlərdən fərqli olaraq görüləsi işlərin sayı çoxdur. Diqqətli olun, önəmsiz məsələlərə fikrinizi yayındırmayın. Danışıqlar və zənglər vaxtınızı almasın. Səhhətinizin qeydinə qalın.

Nəyisə təcili almaq istəyəcəksiniz.

Günün ikinci yarısında yaşanan olaylarla bağlı tələsik qərar verməyin. Fəaliyyət prosesini kontrol altında saxlayın.

Romantik görüş zamanı deyil. Kobudluq və aqressivlik sizi pəjmürdə edə bilər.

Rasionunuza fikir verin. Mədənizdə ağrılar istisna deyil.

Şir - Əmlak və maliyyə məsələlərinin çözümünə elə səhər saatlarından başlayın. Fəal olun, süst davranmayın. Rəqiblərin sizi qabaqlamalarına imkan verməyin. Yetərincə riskli kommersiya əməliyyatından gəlir əldə edə bilərsiniz.

Yaradıcılıqla məşğul olan insanlar üçün münasib zamandır.

Günün ikinci yarısında yaşam arealında yenilənməyə başlayın. Sirlərinizi kimsə ilə bölüşməyin. Əks təqdirdə şayiə və ya dedi-qodu obyektinə çevrilə bilərsiniz.

Axşam saatlarındakı tanışlıq xoş anlar vəd edir.

Qız - Günün ilk yarısında fiziki işlə məşğul ola bilərsiniz. Problemlərin həllinə yaradıcı yanaşın. Səfər və səyahət üçün əlverişli zamandır. Ətrafınızdakı insanlarla mübahisə etməyin. Fikir ayrılıqları və anlaşılmazlıqları asanlıqla aradan qaldırmaq olar.

Günün ikinci yarısında iradəli, cəsarətli olun. Ağır vəziyyətə düşmüş yaxınınıza yardım edin. Ailədəki münasibətlər harmonik olacaq.

Axşam saatlarında dostlar qonaq gələ bilərlər.

Tərəzi - Əvvəlcədən hazırladığınız planlar alt-üst ola bilər. Ruhdan düşməyin, bədbinliyə qapılmayın. Yeni problemlər həm də yeni təcrübə imkanıdır. Çevik, mütəhərrik olun. Ünsiyyətlərdən faydalanmağı bacarın.

Günün ikinci yarısında ailə işləri və məişət qayğılarının sayı artacaq. Münaqişələrə qatılmayın. Axşam saatlarında sakit şəraitdə istirahət etmək pis olmaz.

Normal istirahət etməyə çalışın.

Əqrəb - Maddi məsələlərlə bağlı problemlərin sayı artacaq. İşgüzar fəaliyyətinizdə hisslərə əsir düşməyin. Praqmat davranın. Bilik və bacarıqlarınızdan praktiki şəkildə yararlanın. Alış-verişdə bədxərclik etməyin.

Günün ikinci yarısında diqqətinizi önəmsiz məsələlər yayındırmasın. Eqoist olmayın. Çətin situasiyadan çıxış yolunu arayın. Yaxınlarınızla ünsiyyətdə səmimi davranın, onların qayğılarından hali olun. Nəyə ehtiyac duyduğunuzu dəqiq müəyyənləşdirin.

Oxatan - Günün ilk yarısında səyahətə yollanmaq, yola çıxmaq olar. Yeni yerlər yeni təəssüratlar vəd edir. Yaxın ətrafınızdakı insanların istəklərini anlayın, onları qayğılandıran məsələləri görməyə çalışın. Ünsiyyətdə olduğunuz insanlara fikir verin. Düşünülməmiş addımlar qanun pozuntusu ilə sonuclanmamalıdır.

Günün ikinci yarısında yeni təmaslar, danışıqlar və görüşlər olacaq. Rasionunuza fikir verin. Səhhətinizə ziyan vuracaq həddə çatası addımlar atmayın.

Axşam saatlarında intoksikasiya riski var.

Oğlaq - Yaradıcılıq fəaliyyəti üçün yaxşı gündür. Ünsiyyətdə aktiv olun. Kommunikativ imkanlarınızı artırsanız, yeni dostlar qazana bilərsiniz. Amoral, mənəviyyatsız insanlardan uzaq durun.

Günün ikinci yarısında yeni tanışlıqların perspektivi olmayacaq. Bir qədər tənha qalmaq, müstəqil fəaliyyət göstərməkdə xeyir var. Qətiyyət və iradə məhsuldar nəticələr verə bilər.

Macəra axtarışları, sərgüzəşt istəkləri ailə üzvlərinizlə aranızda problemlər yarada bilər. Romantik hisslərə aldanmayın. Sizdən sui-istifadə etmək istəyən var. Yalanlara inanmayın.

Dolça - Qarşınıza qoyduğunuz məqsədə sürətlə irəliləmək üçün yaranmış situasiyadan istifadə edin. Sosial statusunuzu yüksəldin, gərəkli insanlarla ünsiyyəti aktivləşdirin. Kollektiv fəaliyyət daha yaxşı nəticələr verə bilər. Yeni ideyalar və fikirlərin mübadiləsinə önəm verin.

Günün ikici yarısında problemlərin həllində sayıq olun. Yenilənmə pis deyil.

Axşam saatları dostlarla görüş, yeni ideyaların müzakirəsi üçün əlverişlidir. Romantik təmaslar istəyi varsa, tələsməyin.

Balıqlar - Kommersiya fəaliyyəti üçün əlverişli zamandır. Maraqlı ideyalardan birini reallaşdırmaq üçün imkanlar yaranır. İş yerlərində həmkarlarınızla kobud danışmayın, rəhbərliyin göstərişlərini yerinə yetirməyə çalışın.

Aqressivlik işlərə mənfi təsir edəcək.

Günün ikinci yarısında qayda və intizam məsələləri ön planda olmalıdır.

Axşam saatlarına yaxın əhvalınız pisləşə bilər. Xroniki ağrıların kəskinləşməsi istisna deyil. Romantik görüş və ya insanların gur olduğu tədbir üçün yaxşı zaman deyil.

Ölkə.Az

ŞƏRH YAZ
0

Buzdan Mersedes düzəltdi, yola çıxdı — FOTO

Buzdan Mersedes düzəltdi, yola çıxdı
01:15
Bu gün
413
Maraqlı
A
Sibirdə yaşayan rusiyalı 6 ton buzdan istifadə edərək “Mercedes G” 2018-ci il versiyasının işləyən surətini hazırlayıb.

“Ölkə.Az” xəbər verir ki, buzdan düzəldilən “Mercedes” -10 °C temperaturda işləyə bilir. Buzdan düzəldilən avtomobilin ən diqqətçəkici xüsusiyyəti onu sürməyin mümkünlüyüdür. Sibirdə yaşayan Vladislav Baraşenko tərəfindən hazırlanan avtomobil sponsor dəstəyi ilə işıq üzü görüb.

Rusiyada çox üstünlük verilən UAZ 469 kuzovuna oturdulan buz gövdəyə amartizatorlar, mühərrik, sükan idarəetməsi, əyləc sistemi və sərnişin bölməsi əlavə edilib.

Novosibirsk küçələrində sürülən avtomobilin uzun müddət istifadə edilməsi üçün temperatur -10 °C olmalıdır. Bu vəziyyətdə 20 gün boyunca əriyənədək sürülə bilən avtomobilin LED işıqlandırma sistemi də möhtəşəmdir.

Ölkə.Az

ŞƏRH YAZ
0
BAĞLA