Günün qoroskopu: hadisələrin inkişaf məcrasını müşahidə edin

Günün qoroskopu: hadisələrin inkişaf məcrasını müşahidə edin
01:00
10.11.2017
1143
Maraqlı
A
Ölkə.Az Milli.Az-a istinadən dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir

Qoç -  Tələsik hadisələrin yaşanacağı gün olduğundan görmək istədiyiniz işlər arasında ən önəmlisini müəyyənləşdirin. Çoxlu söhbətlər olacaq. Gerçəkdən də, mühüm informasiya gələ bilər.
Səhər saatları səfər üçün əlverişli deyil.
Günün ikinci yarısı vəziyyət normallaşmağa başlayacaq, axşam saatları isə artıq ciddi işlərlə məşğul olmaq mümkündür.
Şəxsi münasibətlərdə məqsəd və istəklər üst-üstə düşəndə hər şey alınacaq.

Buğa - İdeyalar və faydalı fikirlər çox olacaq, amma işin təşkil edilməsi, diqqətin cəmlənməsi ilə bağlı problemlər yaranacaq. Çox iş görməyə çalışmayın, həyatın adi ritmini və axarını saxlayın. 
Yeni işə başlamaq fikriniz varsa, onun çox səy və qüvvə tələb edəcəyini bilin.
Rəğbət hissinə bel bağlamayın, sözə inanmayın.

Əkizlər - Diqqət, təşəbbüs və çox çalışmağı tələb edən iş tapın. Mövqeyinizi nümayiş etdirmək və ya qorumaq niyyətiniz olacaq. Lakin bunu yalnız işinizin maraqlarını təmin etmək üçün etdiyinizə dəqiq əmin olandan, güclü arqumentlərə yiyələnəndən sonra edin.
Şəxsi münasibətlərdə münaqişələr yarana bilər. Ailədə vəzifə və işlərin bölüşdürülməsi, hərəkət azadlığı ilə bağlı fikir ayrılığı istisna deyil.
Səmimi olun, aqressiv davranmayın.

Xərçəng - Günü ailə üzvlərinizə və özünüzə həsr edin. Böyük dəyişikliklər olmayacaq və sizdən də əlahiddə səylər tələb edilməyəcək. Sakit və monoton çalışın, işlərinizdə qayda yaradın. Bu gün problemlər ciddi şəkildə hiss olunmasa da, sizi qane edəcək həll variantı tapılmayacaq.
İzafi emosionallıq və hissiyyat sakitlik, hərəkət, diqqət və qayğı tələb edir.
Ailə üzvlərinizin qayğıları ilə maraqlanın, onlara yardım edin, dinləyin. Emosional himayə ən gözəl yardımdır.

Şir - Hadisələrin axarına mane olmayın. Problemlər öz-özünə həllini, suallar da cavablarını tapacaq. Yeni perspektivlər yarana bilər. Münasibətlərdə ikili standartları və ya tərəfdaşınızın, iş yoldaşınızın sizi aldatmağa çalışdığını hiss edəcəksiniz. Qəti qərar verməyə tələsməyin.
Yaxın ətrafınızdakı insanlar bu gün asan, dolayı yollar aramağa, gərginlik və işdən yayınmağa çalışacaqlar. Ən mühüm məsələ və problemlərin həllinə çalışın. Ailədəki bir işlə mühüm məşğul olmaq ehtiyacı yaranacaq. Heç nəyi köklü şəkildə dəyişməyin. Səylərinizi maddi baxımdan nəticə və ya formal sonucun əldə olunmasına yönəldin.

Qız - Günün ilk yarısında fəal olun, çətinliklərdən çəkinməyin. Səfər, gəzinti, danışıqlar və müzakirələr üçün əlverişli gündür. 
Bol emosiyalar olacaq. Yaxın ətrafınızdakı insanlar və ailə üzvləri ilə münasibətləri dəyərləndirin, anlaşılmazlıq və fikir ayrılıqlarının yaranmasına münbit şərait yaratmayın.
Yardıma ehtiyac duyan insana kömək edin.

Tərəzi - Bir yerdə dayanmadığınız, ətalətdə olmadığınız üçün bu gün sizi mükafatlandıracaq. Mənəvi əhəmiyyət kəsb edən hadisə baş verəcək. Ola bilər ki, nədənsə əl çəkəsiniz, hansısa məsələdə güzəştə gedəsiniz. Yaranacaq yeni vəziyyət sizi məcradan çıxaracaq. Yeni işlərə başlamayın. Amma faydalı məlumatlar və informasiya aldığınız bütün kanalları açıq saxlayın.
Kiməsə yardım edərək cavab reaksiyası ala bilərsiniz. Hadisələrə aşkar və sərt təsir etməyə çalışmayın. Ola bilər ki, yaşanan situasiyada başqa adamın marağı sizdən daha çoxdur.

Əqrəb -  Təlaşa düşməyin, narahat olmayın, kiminləsə münasibətləri tam aydınlaşdırmaq üçün uzun-uzadı mübahisələrə başlamayın. Mənəvi nəticəyə və ya cavaba razılaşın, hazır olun. Müəyyənlik hər şeydən yaxşıdır.
İnformasiya axtarışı, sorğu-sual, "körpülərin yaradılması"na ehtiyac duyulan informasiyanın axtarışı zərurəti yarana bilər.
Səhhətinizə fikir verin.

Oxatan - Davranış və sağlamlığınızın müdafiə sistemlərinə neqativ təsirlər olacaq. Sizin, habelə yaxın ətrafınızdakı insanların reaksiyaları qəfil, gözlənilməz ola bilər. 
Romantik istək və maraqlarınızı təxirə salın. İstirahətdə səmimi olun, işlərdə mövqeləri qoruyun.
İlk əvvəl iş barədə düşünün. 
Ümumi məqsədlər və hədəflərin varlığı ab-havanı yaxşılaşdıra bilər.

Oğlaq - Təmaslar, görüşlər və danışıqlar üçün çətin gündür. Emosional zəiflik, təəssürat çoxluğundan yorğunluq hiss edə bilərsiniz. Lakin gərginlik və yük azalmayacaq. Yaşamı asanlaşdırmaq üçün bəzi məsələləri həll edin. 
Kiminləsə manipulyasiya etməyə çalışsanız, öz torunuza düşərək önəmli, nüfuzlu adamın himayəsini itirə bilərsiniz.
Axşam saatlarında gözləntilərdən qurtularaq cari işlərlə məşğul olun, yaxınlarla təmas qurun.

Dolça - Əsəbi, gərgin, yaxın ətrafınızdakı insanlarla münasibətlərin aydınlaşdırılması cəhdlərinin ola biləcəyi gündür. Maliyyə problemləri və planlaşdırılmamış xərclər olarsa, eqoizminizin səbəbkar olduğunu təxminləyə bilərsinizmi? Ailə üzvləri və yaxınlarınız üçün yaxşı işlər görməyə çalışın, başqalarının çiyinlərinə yük qoymayın.
Öz işinizi özünüz görün.
Danışıqlar aparmalı olduğunuz və ya ünsiyyət saxlayacağınız insanların emosional durumunu dəyərləndirin, onların vəziyyətini nəzərə alın.
 
Balıqlar - Bu gün bəzi hadisələrin mahiyyəti bəlli olacaq, kurs müəyyənləşəcək, konkretlik əldə olunacaq. Bu gün sizə xoş əhval-ruhiyyə, istirahət və əyləncə vəd edir.
Xırdalıqlara diqqət yetirin. Sərtlik və mülayimlik, təsir və təzyiq arasında tarazlığı seçin.
Doğru qərarlar verərək yanlış yolla getməkdən uzaq durun.
Hadisələrin inkişaf məcrasını müşahidə edin. Sizi kimsənin qəflətən yaxalamasına imkan verməyin, baş verənlərdə sizə faydalı ola biləcək təfərrüatlar arayın.

ŞƏRH YAZ
1

Kiçik, amma cansıxıcı işlər az olmayacaq

Kiçik, amma cansıxıcı işlər az olmayacaq
01:03
Bu gün
1992
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - ədalət və haqların təminatı ilə bağlı problemlər ön plana keçəcək. İddialarınızla bağlı məqamları həll edin. Qohumlar, dostlar arasında mübahisələr olacaq.

Yaxın ətrafınızdakı insanlarla münasibətləri korlamayın.

Günün ikinci yarısında müzakirə zamanı hədsiz emosionallıq əlaqələrin kəsilməsinə səbəb olmamalıdır. Aqressiv, kobud olmayın.

Önəmli saydığınız məqamı danışıqlar yolu ilə çözə bilmirsinizsə, müzakirələri dayandırın. Məşğul olduğunuz işin təfərrüatlarına fikir verin, detalları nəzərdən qaçırmayın.

Buğa - böyük həcmli işlərə hazır olun. Günün ilk yarısından etibarən, çox yəqin ki, bir məsələnin həlli ilə məşğul olmaq gərəkdir. İkinci dərəcəli işləri təxirə salın. Yollarda xüsusilə diqqətli olun. 

Günün ikinci yarısında qəza vəziyyəti yaratmayın. Çalışdığınız sahədə qərarları təcili, təxirəsalınmaz şəkildə verin.

Ailə üzvlərindən birinin problemi var. Həmin problemin çözülməsi çox vaxt apara bilər. Laqeyd olmayın.

Əkizlər - günün ilk yarısında hər şey yaxşıdır. Narahatlıq və nigaranlıq üçün heç bir səbəb yoxdur. Nəzərdə tutduğunuz layihəni reallaşdırmaq gözlədiyinizdən də asandır. Dostlar sizə yardım edəcəklər. Onlar problemlərin həllinin yeni variantını təklif edəcəklər. Ən yaxşı məziyyətlərinizi nümayiş etdirin.

Günün ikinci yarısı yeni tanışlıqlar üçün əlverişlidir.

Təxəyyülə qapılmayın, illüziyalara aldanmayın. Yaşanan olayları bədbin çalarlarda görməyin. Nikbin olun. Problemlərin həllində yaradıcı olun.

Axşam saatlarını əyləncəyə həsr edə bilərsiniz.

Xərçəng - mürəkkəb, qarışıq gündür. İntellektual yük fiziki işlərlə müşayiət olunacaq. Ciddi emosional sarsıntı istisna deyil. Diskomfort vəziyyətdə ruhdan düşməyin.

Günün ikinci yarısında maliyyə vəsaitinizin qədrini bilin. Biznes, karyera ilə bağlı önəmli qərarları verəndə tələsməyin. Alış-verişdə bədxərclik etməyin.

Məişət zəminində qarşıdurmaya, münaqişəyə ehtiyac yoxdur. Təmkinli davranın.

Şir - günün ilk yarısında çətinliklər az olmayacaq. Qarşınıza qoyduğunuz məqsəddən imtina etməyin. Hədəfə sürətlə çatmağı ağlınızdan da keçirməyin.

Qətiyyətli və iradəli olun, əzmkar davranın. İşin müqabilində əldə edəcəyiniz mükafat pis olmayacaq. Yaşlı qohumlarla ünsiyyətdə fayda var.

Kömək üçün müraciət edən insana yardım edin. Təcrübənizi bölüşməkdən çəkinməyin.

Günün ikinci yarısında maliyyə məsələlərini həll etməyə başlayın. İşgüzar intuisiyanız sizi yanıltmayacaq. Səfər və ya səyahət pis alınmayacaq. Evdən uzaqda yeni təəssüratlar istisna deyil.

Qız - yaxın gələcəkdəki perspektik işlərin bünövrəsini bu gün qoymaq gərəkdir. Keçdiyiniz yola nəzər salın, səhvlərin təkrarlanmaması üçün zəruri addımlar atın. Ənənəvi məşğuliyyəti yeniləmək, fərqli sahələrdə sınaq keçirmək olar.

Günün ikinci yarısında maraqlandığınız insan barədə az da olsa, məlumatlar əldə etməyə can atın. Belə kiçik eksperiment belə, dəyişikliklərə hazırlıq səviyyəsinizi aşkarlayacaq.

Yaxınlarınız sizə dəstək verəcəklər. Depressiyaya qapılmayın, ruhdan düşməyin.

Tərəzi - resurslarınızı olduğundan artıq qiymətləndirməyin. Can atdığınız məqsədə maksimal sürətlə irəliləmək üçün gərəkli variantlardan praqmatikcəsinə yararlanın. Əsas diqqəti aktual işlərin görülməsinə yönəldin. Bu işlərin nəticəsi prosesə təsir edir.

Günün ikinci yarısında eyni vaxtda bir neçə iş görməyin. Belədə diqqətsizlik və ehtiyatsızlıq ucbatından yanıla bilərsiniz.

Axşam saatlarını ailə üzvlərinə ayırın. Səmimi, qayğıkeş olun.

Əqrəb - yaxşı, rəvan, asudə gündür. İşdə həmkarlar və rəhbərliklə fikir ayrılıqları ola bilər. Cari işlərin, rutin proseslərin ciddi müdaxiləyə ehtiyacı yoxdur.

Günün ikinci yarısında təşəbbüslərinizi yaxın ətrafınızdakı insanlar sizi anlamayacaqlar. Əməyiniz yetərincə dəyərləndirilməyəcək. Dəyər verdiyiniz insanla əlaqələri sərinlətməyin.

Kiçik anlaşılmazlıqlar böyük mübahisələrə səbəb olmamalıdır.

Oxatan - səhər saatlarından etibatən tərəfdaşınızla problemlər yaratmayın. Həmkarlarla, şəriklərlə rəvan, normal münasibətlər qurun. Mübahisələri və fikir ayrılıqlarını qarşılıqlı anlaşma yolu ilə həll etməyə çalışın.

Günün ikinci yarısında əvvəlki anlaşmalar və müqavilələrin pozulması istisna deyil. Nə isə deməzdən əvvəl yaxşı fikirləşin. Düşünüb-daşınmadan qəti qərar verməyin. Bəzi məsələlərin həllini ertələyin.

Axşam saatlarında diqqətli olun.

Oğlaq - çalışdığınız sahədə problemlər yaradacaq. Dəyər verdiyiniz insanlardan biri ilə fikir ayrılığı, mübahisə istisna deyil. Təmkinli, soyuqqanlı olun.

Emosiyaların köləsinə çevrilməyin. 

Günün ikinci yarısında, onsuz da, çətin vəziyyəti daha da ağırlaşdırmayın. Stress və gərginlikdən qurtulmaq üçün diqqətinizi işə yönəldin. Müzakirə olunan məsələlərdə ortaq məxrəcin əldə olunması üçün müəyyən güzəştlərə ehtiyac var.

Axşam saatlarında evdəki vəziyyət normallaşacaq.

Dolça - kiçik, amma cansıxıcı işlər az olmayacaq. Məişət qayğılarının sayı çoxdur. Qüvvə və potensialınızı yanlış dəyənləndirməyin ki, sonradan səhvlərin nəticələrini aradan qaldırmaq zərurəti ilə üzləşməyəsiniz.

Günün ikinci yarısında resurs qıtlığı, yorğunluq yeni işə başlamağa mane ola bilər. Yaxın ətrafınızdakı insanlardan biri sizə maneələr yaratmağa çalışır.

Beləsinin cəhdlərini dezavuasiya edin.

Təcrübəsiz, amma lovğa və təkkəbbürlü insanların "məsləhət"lərinə inanmayın. Yaltaqlardan uzaq durun.

Balıqlar - günün ilk yarısından etibarən proseslər gərgin və qarışıq olacaq. Çətinlikləri ənənəvi, adət etdiyiniz vasitələrlə həll etmək asan deyil. Bəzi mühüm məsələləri təxirə salmadan, dərhal çözmək gərəkdir. Maneələri dəf etmək üçün çox vaxt yoxdur.

Günün ikinci yarısında avadanlıq və texnikada problemlər yarana bilər. Yaxın ətrafınızdakı insanların sərt iradlarına, tənqidlərinə aqressiv reaksiya verməyin. Axşam saatlarında normal istirahət etməyə çalışın.

Ölkə.Az

ŞƏRH YAZ
0

“Ağdamlı Faiq” avtoxuliqanlığı təbliğ edir — VİDEO

“Ağdamlı Faiq” avtoxuliqanlığı təbliğ edir
23:42
21.07.2018
2179
Maraqlı
A
Özünü "Ağdamlı Faiq" kimi təqdim edən şəxs saxta profil vasitəsi ilə "facebook"un canlı yayımında avtoxuliqanlıq edir.

"Ölkə.Az" Xezerxeber.az-a istinadən məlumatına görə, o, canlı yayım zamanı avtomobillərin intensiv hərəkət etdiyi yola çıxaraq təhlükəli manevrlər etməyə başlayır. Üstəlik, saatda 160 kilometrdən artıq sürətlə gedərkən, özünün də dediyi kimi ''bir əlində telefon, bir əlində sükan'' olur.

O, bu hərəkətləri edə-edə izləyicilərinin suallarını da cavablandırır və özünə haqq qazandırmağa çalışır.

"Ağdamlı Faiq" bu hərəkətləri mütəmadi şəkildə etdiyini deyir. Açıq şəkildə avtoxuliqanlığın təbliği ilə məşğul olan şəxsin əsas izləyiciləri isə azyaşlılar və gənclərdir. Gənclərin suallarını cavablayan Faiq öz "məharətindən" ağız dolusu danışır. Hətta bir dəfə canlı yayımda qəza etdiyini də deyir.

Qeyd edək ki, bu görüntülər Ağdamda qeydə alınıb. Ümumiyyətlə isə, son dövrlər bu cür hallara tez-tez rast gəlinir. Özlərini avtoxuliqan zənn edənlər sosial şəbəkələrdə bu hərəkətlərini izləyiciləri ilə paylaşırlar və qanunsuz hərəkətlərini təbliğ edirlər.

Baş Dövlət Yol Polisi İdarəsindən bildirilib ki, bu görüntülər araşdırılacaq, rayon üzrə təhlükəsizlik kameralarına baxış keçiriləcək və qanun çərçivəvində bütün tədbirlər görüləcək.

Mövzu ilə bağlı daha ətraflı videomaterialı təqdim edirik:

ŞƏRH YAZ
0
BAĞLA