Günün qoroskopu: işlərinizdə yalnız uğura və ya bəxtə bel bağlamayın

Günün qoroskopu: işlərinizdə yalnız uğura və ya bəxtə bel bağlamayın
01:22
11.01.2018
4902
Maraqlı
A
Ölkə.Az Milli.Az-a istinadən dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir.

Qoç - yaxın ətrafınızdakı insanlarla ünsiyyətdə qaba və yalnız özünü düşünən insan təsiri bağışlamayın. Fikir ayrılıqları və ixtilaflar həllini tələb edən məsələnin ertələnməsinə səbəb olmamalıdır. Görəcəyiniz işlə bağlı ilkin təəssürat sizi aldatmasın. Sifarişi və ya tapşırığı yaxşıca araşdırın. Günün ikinci yarısında səhvlərdən yayınmaq və sürətli işləmək üçün yaxşı imkanlar yaranacaq. Ailə münasibətlərini möhkəmləndirə bilərsiniz. Sevdiyiniz insanla bağlı durum sizdə narahatlıq yaratmamalıdır. Problemlərin çözümü zəhmət və vaxt tələb edir. Tanışlarınız arasında sonradan yaşamınıza təsir edə biləcək insan var.

Buğa - kommunikativ bacarıqlarınız və məharətiniz yüksək səviyyədə olmalıdır. Ehtiyac duyduğunuz məlumatı almaq və informasiyadan hali olmaq üçün fəndgir, hiyləgər olun. Sizdən nələrisə gizlətməyə çalışan insanı diqqətlə müşahidə edin. Bu adama hansı problemlərin təsir etdiyini, onun nəyi aktual saydığını araşdırın. Günün ikinci yarısında yaxınlarınızla təmaslarda, sevdiyiniz insanla münasibətlərdə alicənab, qayğıkeş olun. Ailə məsələləri ilə bağlı dürüst qərar qəbul etmək asanlaşacaq. İnandığınız insanlarla məsləhətləşin.

Əkizlər - situasiya dayanıqlı deyil. Qeyri-stabillik sizi narahat etməsin, təbdən çıxarmasın. Başladığınız işi mütləq şəkildə başa vurun. İşlərinizdə dəstək almaq üçün peşəkar əlaqələrinizi yada salın. Günün ikinci yarısında tərəfdaşlar və müttəfiqlərlə vəziyyəti müzakirə edin. Adi günlərlə müqayisədə şəxsi münasibətlərdə normallaşma müşahidə olunacaq. Qarşılıqlı anlaşmaya nail olmaq mümkündür. Xroniki xəstəliyiniz varsa, ağrılarınız yaranacaq. Axşam saatlarında səhhətinizdə problemlər istisna deyil.

Xərçəng - karyeranız və peşəkar inkişafınızın asılı olduğu insanlarla açıq danışın. Dediklərinizə onların anlayışla yanaşmaları ehtimalı az deyil. Dəstək və ya yardım ala bilərsiniz. İşgüzar danışıqlar pis keçməyəcək. Uzun zamandan bəri tanıdığınız tərəfdaşlarla danışıqlar günün ikinci yarısında pis keçməyəcək. Şəxsi həyat və münasibətlərlə bağlı məsələləri nəzərdən keçirəndə diqqətli olun. Sevdiyiniz insanla açıq söhbət ünsiyyətin normallaşmasına xidmət edəcək.

Şir - inandığınız insanlarla tərəfdaşlığı və əməkdaşlığı bərpa etmək üçün əlverişli gündür. Belə əlaqələr peşəkar fəaliyyət prosesindəki situasiyanın yaxlaşdırılması, müsbət təmayüllərdən yararlanma və habelə uzunmüddətli planların inkişafı baxımından zəruridir. Günün ikinci yarısında avantüralara qapılmayın, düşünülməmiş addımlar atmayın. Kimisə aldatmağa çalışmayın. Yaxınlarınızla təmaslarla yanaşı, yeni tanışlıqlar üçün də yaxşı zamandır. Axşam saatlarına yaxın yaşam arealında qayda yaradın. Şəxsi sənədlərinizlə bağlı situasiyanı çözün.

Qız - yaranan problemlər arasında ən təxirəsalınmaz həll tələb edəni müəyyənləşdirin və onu çözməyə başlayın. Yaxşı hazırlaşın. Həll prosesi yüngül olmayacaq. Biliklərinizi sistemləşdirin, xeyli əvvəl öyrəndiyiniz məsələləri yada salın. Daha təcrübəli insana yardım üçün müraciət edə bilərsiniz. Günün ikinci yarısında münasibətlərdə səmimiyyət, rahatlıq müşahidə olunacaq. Yeni tanışlıqlar istisna deyil. Ümumi maraqlarınızın olduğu insanla və ya xoş xatirələrinizin bağlı olduğu adamla qarşılaşa bilərsiniz. Stressə əsir olmayın.

Tərəzi - özünüzdən bədgüman olmasanız, başladığınız işi uğurla bitirə bilərsiniz. Fəaliyyətinizin mənasız və ya sonucsuz olacağını düşünməyin. Sədlərlə maneələr yaransa belə, layihəni yarımçıq qoymayın. Problemlərin əksəriyyəti kiçikdir. Onları böyütməyin. Günün ikinci yarısında yeni tanışlıq istəyirsinizsə, dəvət aldığınız məkana yollanın. Yaxın ətrafınızdakı insanlarla yanaşı, sizi tanımayan insanda da özünüzlə bağlı xoş təəssürat yarada bilərsiniz. Axşam saatlarını sevdiyiniz insana həsr edin.

Əqrəb - yaşanan situasiya, ilk növbədə, öz problemlərinizin həllini tələb edir. Eqoizmin sağlam səviyyəsi sizinlə yanaşı, yaxın ətrafınızdakı insanlar üçün də xeyirlidir. Çətinlikləri aradan qaldırandan sonra dəyər verdiyiniz insanlara yardım edə bilərsiniz. Günün ikinci yarısında maksimal fəallıq göstərin. İzafi emosiyalar sevdiyiniz insanla münasibətlərin korlanmasına, hətta qarşıdurma və ya münaqişəyə səbəb ola bilər. Situasiya yetərincə gərgindir. Ən sadə məsələlərlə bağlı yaxınlarınızla dil tapmaq çətinləşir. Axşam saatlarında gəzintiyə çıxmağı unutmayın.

Oxatan - banal və cansıxıcı məsələlərin həlli sizdə narazılıq yaratmasın. Rutin işlərin öhdəsindən gələrək yeni layihənin icrasına başlayın. Etibarsız metodlar seçməyin. İşlərə yetərincə diqqət ayırmasanız, kobud səhvlər istisna deyil. Günün ikinci yarısında bir zamanlar tərəfdaş və ya müttəfiq olduğunuz insanla qarşılaşacaqsınız. Yaxınlarınızla münasibətlərinizdə mübahisəli vəziyyət yaranacaq. Ailə üzvlərinizə təzyiq göstərməyin, öz fikrinizi zorla qəbul etdirməyə can atın. Haqlısınız, amma insanlara pressinq tətbiq etməyin. Axşam saatlarında normal istirahət edin.

Oğlaq - günün ilk yarısından etibarən cari məsələlər və rutin qayğılar vaxtınızı alacaq. Çoxdan bəri hazırladığınız planı reallaşdırmaq üçün aktiv olun. Şansları dəyərləndirin, imkanlardan istifadə edin. Sınanmış tərəfdaş və ya etibarlı həmkarın yardımlarından istifadə edin. Onlarla birlikdə çalışaraq yarımçıq işləri bitirin. Köhnə münasibətləri bərpa etmək üçün günün ikinci yarısı münasibdir. Axşam saatlarında dostlarla görüşmək, xatirələrə dalmaq olar. Bununla yanaşı, ötən problemlərdən biri yada düşəcək. Səhhətinizə fikir verin.

Dolça - işlərinizdə yalnız uğura və ya bəxtə bel bağlamayın. Situasiya qəlizləşdiyindən perspektiv layihələri təxirə salaraq rutin, banal məsələlərlə məşğul olmaq zərurəti yaranır. Sənədləşdirmədə yanlışlıqlar və səhvlər olarsa, əlavə çalışmalı olacaqsınız. Nikbin olun, depressiyaya düşməyin. Günün ikinci yarısında yaxınlarınız və ailə üzvlərinizlə dil tapmaq çətindir. Məişət məsələləri və ən xırda məqamlar ailə üzvləri ilə münasibətlərinizə mənfi təsir etməməlidir. Narahat olmayın, problemi həll etmək mümkündür. Axşam saatlarında vəziyyət normallaşacaq.

Balıqlar - adi günlərlə müqayisədə daha passiv mövqe tutmayın. Süstlük və tənbəllik etməyin. Peşəkar fəaliyyət sahəsində irəliləyişlər üçün məsləhətə və ya göstərişə ehtiyacınız var. Yaxın ətrafınızdakı insanlardan biri sizə yardım etməyə hazırdır. Günün ikinci yarısında iş maraqlı olarsa, gəlir və ya mənfəət belə, sizi az maraqlandıracaq. Axşam saatları romantik münasibətlər üçün əlverişlidir. İlk dəfə qarşılaşdığınız insanla bağlı təəssüratlarınızda yanılmayın. Bu tanışlığı davam etdirməyə dəyib-dəymədiyini düşünün.

Ölkə.Az

ŞƏRH YAZ
1

Azərbaycana gələn BƏƏ rezidentlərinin sayı iki dəfə artıb

Azərbaycana gələn BƏƏ rezidentlərinin sayı iki dəfə artıb
15:24
Bu gün
2937
Maraqlı
A
İyul ayında vizaların hava limanlarında rəsmiləşdirilməsi rejimi tətbiq edildikdən sonra növbəti iki ay ərzində Azərbaycana səfər edən BƏƏ rezidentlərinin sayı iki dəfə artıb və bu sayın gələcəkdə daha da artacağı gözlənilir.

"Ölkə.Az" AzərTac-a istinadən xəbər verir ki, bu barədə Azərbaycanın Dubay və Şimal Əmirliklərindəki baş konsulu Cavidan Hüseynov nüfuzlu ingilisdilli “Gulf News” qəzetinə müsahibəsində deyib. Məqalədə, viza qaydalarının sadələşməsindən sonra Azərbaycanın BƏƏ rezidentlərinin səyahət ediləsi məkanlar siyahısına əlavə olunduğu qeyd olunub.

C.Hüseynov müsahibədə bildirib ki, vizaların hava limanlarında rəsmiləşdirilməsi proseduru bu yay 26 iyul tarixindən etibarən başlanıb. Sözügedən rejim tətbiq edilməyə başlandıqdan sonra BƏƏ-dən Azərbaycana səfər edən turistlərin sayında ikiqat artım müşahidə olunur.

O deyib: “Hazırda BƏƏ rezidentləri asanlıqla Azərbaycana səfər edə bilər və ölkəmizə olan turist vizalarını Bakıda, eləcə də Azərbaycanın digər bölgələrində yerləşən hava limanlarından əldə edə bilərlər. Əksəriyyətli Dubayda olmaqla, BƏƏ-də təxminən 7 min azərbaycanlı yaşayır. Onların təqribən 10 faizi dövlət sektoru, xüsusən enerji sektorunda, digərləri turizm, təhsil, xidmət və ya media kimi müxtəlif sektorlarda çalışır, bəziləri də şəxsi bizneslə məşğuldurlar. Azərbaycandan BƏƏ-yə ərzaq məhsulları, meyvə, tərəvəz, çərəz, avtomobil hissələri və daxili yanma mühərrikləri ixrac edilir. BƏƏ-dən Azərbaycana isə elektrik cihazları, nəqliyyat vasitələri, yedək parçalar, kimyəvi məhsullar, sürtkü yağları, tikinti materialları və aksesuarları və borular idxal edir”.

Baş konsul xüsusi vurgulayıb ki, bu ilin sonunda iki ölkə arasında ticarətin təşviqi məqsədilə Dubayda Azərbaycanın ticarət ofisinin rəsmi açılış mərasimi baş tutacaq. Onun sözlərinə görə, ticarət nümayəndəsi artıq təyin olunub və ofis artıq fəaliyyət göstərir və bu yeni addım Azərbaycan məhsul və mallarının BƏƏ-də təşviqinə yönəlib.

C.Hüseynov əlavə edib ki, Dubay Ticarət və Sənaye Palatasının statistikasına əsasən, 2017-ci ildə Azərbaycanla ticarət dövriyyəsi, təxminən, 221 milyon ABŞ dolları həcmində olub. O, ümidvardır ki, iki ölkə arasında mövcud olan “səmimi, yaxın və mehriban münasibətlər” səbəbindən, sözügedən rəqəm bu il daha da artacaqdır.

Diplomat qeyd edib ki, 2018-ci il BƏƏ dövlətinin qurucusu Şeyx Zayed bin Sultan Əl Nəhyanın 100 illik yubileyi ilə əlaqədar “Zayed İli” kimi qeyd olunur. Bu il, həmçinin Azərbaycan üçün də əlamətdardır. Belə ki, 2018-ci ildə Azərbaycanda Azərbaycan Xalq Cümhuriyyətinin qurulmasının 100 illiyi qeyd olunur.

“1918-ci ildə Azərbaycan Xalq Cümhuriyyətinin təsis edilməsi xalqımız üçün tarixi və əlamətdar bir hadisədir. Azərbaycan Xalq Cümhuriyyəti Şərqdə və müsəlman dünyasında ilk parlamentli demokratik respublika olub. 23 ay yaşamasına baxmayaraq, bu dövrdə xeyli işlər görülüb. Həmin müddətdə bir çox islahatlar aparılıb”, - deyə C.Hüseynov bildirib.

“Belə islahatlardan biri irq, cins, etnik və dini mənsubiyyət ayrımı olmadan bütün əhaliyə seçki hüququnun verilməsi olub. Bu Avrasiya ölkəsi qadınlara kişilərlə eyni siyasi hüquq verən ilk müsəlman ölkəsi olub. Həmin dövrdə, həmçinin Bakı Dövlət Universiteti yaradılıb, bütün təhsil müəssisələrində tədris Azərbaycan dilində aparılmağa başlanıb.

Diplomat Prezident ilham Əliyevin bu ili Azərbaycanda “Xalq Cümhuriyyəti İli” elan etdiyini diqqətə çatdıraraq vurgulayıb ki, ölkəmizdə və dünyanın hər yerində Cümhuriyyətin 100-cü ildönümünü qeyd edilir və bu gün Azərbaycan beynəlxalq arenada öz mövqelərini gücləndirir. “Bir sözlə, mən fəxrlə deyə bilərəm ki, ölkəmiz öz müstəqilliyini əldə etdikdən sonra bir çox nailiyyətlər əldə edib və güclü dövlətə çevrilib”, - deyə C.Hüseynov vurğulayıb.

Ölkə.Az

ŞƏRH YAZ
0

Dövlət qurumlarının bürokratik tələblərinə görə geri çəkilməyin...

Dövlət qurumlarının bürokratik tələblərinə görə geri çəkilməyin...
00:44
Bu gün
4551
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - Enerjili, iradəli, qətiyyətli olun. Məqsədyönlü hərəkət və fəaliyyət üçün uğurlu zamandır. İmkanlarınızı və potensialınızı obyektiv dəyərləndirin.

Vədlərə aldanmayın, şirnikləndirici təkliflərə inanmayın.

Günün ikinci yarısında yaranacaq problemlərin optimal həll yollarını arayın. Bütün maneələri və sədləri dəf edə biləcəksiniz.

Əvvəlcədən planlaşdırdığınızdan da artıq işlər görə bilərsiniz. Fiziki işdə xeyir var. İdmanla məşğul olun.

Münasibətlərinizdə spontanlığa ehtiyac duyulur.

Buğa - Hissiyyatınıza inanın. İntuisiyanız əsasında hərəkət edə bilərsiniz.  Kənardan məsləhətlərə çox qulaq asmayın. Onların əksəriyyətinin reallıqla heç bir əlaqəsi yoxdur. Məntiqli və soyuqqanlı olun.

Günün ikinci yarısında ideyalarınızdan birini reallaşdırmağa başlayın. Vaxtınızı fövtə verməyin, mənasız işlərlə məşğul olmayın.

Yeni əməkdaşlığa başlamaq üçün əlverişli zamandır. Tərəfdaşlarla münasibətlərdə müəyyən nüansları konkretləşdirmək zamanıdır.
Axşam saatlarında bütün işləri unudaraq istirahət edin.

Əkizlər - Qarışıq, mürəkkəb gündür. Həllini tələb edən məsələlərin, problemlərin sayı sürətlə artacaq. Uzun müddətdən bəri çözülməmiş qalmış mübahisəli məsələnin nizamlanması ilə məşğul olun. Amma bununla belə, problemlərin miqyasını süni şəkildə böyütməyin.

Günün ikinci yarısında maneələrin aradan qaldırılmasında astagəllik etməyin. Dövlət qurumlarına baş çəkməyi təxirə salmayın. Başladığınız işləri yarımçıq qoymayın.

Dəyər verdiyiniz insanla münasibətləriniz sınağa çəkiləcək.

Axşam saatlarında gəzintiyə çıxın.

Xərçəng - Tərəfdaş və şəriklərlə münasibətləri təftiş etməyin zamanıdır. Yalnız özünü düşünən insanlardan uzaq durun.

Mənafelərinizi başqalarının maraqlarına qurban verməyin.

Zərurət yaranarsa, sərt davranın.

Günün ikinci yarısında yeni əlaqələr yaradın. Mövcud təmaslar arasında qeyri-effektiv olanları dayandırın. Ballastdan, irəliyə doğru hərəkətinizi əngəlləyən yükdən qurtulun.

Ünvanınıza sərt iradların və tənqidlərin səslənəcəyinə hazır olun. 

Axşam saatları romantik anlar vəd etmir. Hisslərin etirafına tələsməyin. 

Şir - Sayıq və ehtiyatlı olun. Yaranan çətinlikləri araşdırmamış həllə başlamayın. Yaşananların aydın mənzərəsinə nail olmaq üçün biliklərinizdən faydalanın. Obyektiv olun, hisslərə qapılmayın.

Günün ikinci yarısında hadisələrin mahiyyətini anlayın. Yeni tərəfdaş və ya dost qazana bilərsiniz. 

Dəyər verdiyiniz insanlarla təmaslarda eqoistlik etməyin.

Səmimiyyət bir çox problemləri aradan qaldıra bilər.

Axşam saatlarında ailəvi istirahəti seçin.

Qız - Qüvvənizə əmin olun, şübhələrə qapılmayın. Ən ağır işin öhdəsindən asanlıqla gələ bilərsiniz. Məqsədlərə çatmaq üçün effektiv fəaliyyətə ehtiyac duyulur. Maraqlı sifariş və ya tapşırıq olarsa, cari işləri unutmayın. Rutinlikdən qaçmaq mümkün deyil.

Günün ikinci yarısında çalışdığınız kollektivdə zəhmətkeş, səmimi insan olun. Mübahisələrə qatılmayın, əlavə münaqişələr yaratmayıvn.

Gündəlik qayğıların həllində qeyri-ordinar həllərdən yararlana bilərsiniz. 

Qarşı tərəfin ideyalarına və istəklərinə daha çox vaxt ayırın.

Tərəzi - Çevik, mütəhərrik olun. Praqmatizmi unutmayın, emosiyalara uymayın. Ciddi irəliləyişə nail olmaq istəyirsinizsə, zəhmət çəkməli, problemləri həll etməlisiniz. Qarşınıza qoyduğunuz məqsədə çatmaq üçün imkanlarınızdan maksimum yararlanın.

Günün ikinci yarısında həmkarlarınız sizdən yardım və ya məsləhət istəyəcəklər. Əla bələd olduğunuz sahədə ekspert kimi çıxış edə bilərsiniz. Nəzəriyyəyə aludə olsanız, sizi dinləməyəcəklər.

Spontan, aqressiv davranmayın.

Eqoist insan təsiri bağışlamayın.

Əqrəb - Cari işlərdə uğur əldə etmək imkanlarınız artır. Yeni layihəni və ya sifarişi uğurla reallaşdıra bilərsiniz. Qətiyyətli, iradəli olun. Mənasız söhbətlərə qatılmayın. Yaramaz insanlardan uzaq durun.

Günün ikinci yarısında rəqibləri üstələyin. Ümumiyyətlə, rəqabətdə bütün vasitələri məqbul sayan insanın dərsini vermək zamanı çatıb.

Mühüm xəbərin alınması, işgüzar məktubun gəlişi istisna deyil
Axşam saatlarında ünsiyyətdə anlaşılmazlıq və mübahisə yaranacaq.

Oxatan - İdarəetmə və iqtisadiyyat sahələrində biliklərinizi artırmalısınız. Yeni təcrübə əxz etməyə çalışın. Fəaliyyət sahəsindəki uğurlarınızı artırmaq istəyirsinizsə, soyuqqanlı olmalısınız. Sirlərinizi bölüşməyə tələsməyin. 

Günün ikinci yarısında situasiyaya uyğun hərəkət edin. Tələsik qərarlar verməyin. Yaxın ətrafınızdakı insanların abstrakt məsləhətlərinə qulaq asmayın. Konkret işlərin həlli ilə məşğul olun.

Sənədləşdirmədə diqqətli olun. Başa vurmadığınız işin bitdiyini sanmayın.

Sevdiyiniz insana axşam saatlarında hədiyyə verin.

Oğlaq - Birmənalı gün deyil. Çətinliklərin sayı artacaq. Bütün diqqəti işə yönəltmək gərəkdir. Dövlət qurumlarının bürokratik tələbləri sizi geri çəkilməyə vadar etməməlidir. İşdə nəzarət güclənəcək.

Günün ikinci yarısında sizdən az qala hər addım üçün hesabat tələb olunacaq. İşgüzar fəaliyyətlə şəxsi həyat arasında balans tapmaq gərəkdir. Axşam saatlarını dəyər verdiyiniz insana ayırın.

Pozitiv olun.

Dolça - İllüziyalara qapılmayın. Real işlərə üstünlük verin, xülyalardan qurtulun. Hadisələrə nəzarət etmək üçün zəruri rıçaqlara yiyələnməsəniz, olaylar əleyhinizə işləyəcək.

Yeni layihəyə başlayıbsınızsa, çətinliklər istisna deyil.

Günün ikinci yarısında kiçik maneələr və sədlər sizi usandırmamalıdır. Bədbinliyə qapılmayın. Nikbin olun.

Resurslarınıza yenidən nəzər salın, potensialınızı dəyərləndirin.

Şəxsi münasibətlərdə aktivliyi azaldın.

Yeni məlumatlar və informasiya əldə etməyə çalışın.

Balıqlar - Səhər saatlarından etibarən peşəkar fəaliyyətinizlə bağlı məsələləri həll etməyə çalışın. Xidməti səlahiyyətlər çərçivəsini aşmayın. Əlavə imkanlar aramayın. 

Günün ikinci yarısı sənədləşdirmə ilə bağlı işlər, hesabatların hazırlanması üçün əlverişlidir. Gərəkli məlumatları vaxtında əldə etmək üçün bütün vasitələrdən yararlanın. Qarşılıqlı əlaqələri gücləndirin. Həmkarlarla təmaslarda aktiv olun.

Dəyər verdiyiniz insanla ünsiyyətdə kreativlik nümayiş etdirin.

Ölkə.Az

ŞƏRH YAZ
0
BAĞLA