Günün qoroskopu: qətiyyətli və təşəbbüskar olun

Günün qoroskopu: qətiyyətli və təşəbbüskar olun
00:31
25.09.2017
520
Maraqlı
A
Ölkə.Az milli.Az-a istinadən dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir

Qoç - dostlarla ünsiyyət və birgə fəaliyyətin intensivləşdirilməsi üçün yaxşı gündür. İşləmək əvəzinə düşünməyə və xəyallara üstünlük verməyin. Fəaliyyətinizə bir qədər ara verin, amma istirahət uzun çəkməsin. İşgüzar səfərlər üçün əlverişli vaxtdır.

Evdən uzaqda əlverişli alış-veriş edə bilərsiniz.

Qohumlarınız arasında bir şəxsin təcili yardıma ehtiyacı var. Köməyinizi əsirgəməyin. Məsləhətlərin sayını artırmayın. Əks təqdirdə ətrafınızdakı şəxslərdə qıcıq yarada bilərsiniz.

Buğa - yaranmış problemlərin həllini uzatmayın. Cari məsələlərin çözümündə diqqətli olun, sayıq davranın. Yaxınlarınızdan biri ilə münasibətlərdə problemlərin formalaşması istisna deyil. Mübahisəli məsələlərdə qarşılıqlı anlaşmaya nail olun. Mühüm söhbəti daha əlverişli saydığınız vaxtadək ertələməyin.

Günün ikinci yarısında önəmli görüş və ya danışıqlar ola bilər. Yaxın ətrafınızdakı insanlarla ünsiyyətdə intonasiyanın xüsusi əhəmiyyəti var. Bədgüman və şübhəli olmayın. Neqativ sözlər durumu daha da ağırlaşdıra bilər.

Əkizlər - həftənin ən uğurlu günlərindən biri deyil. Cəhdləriniz və əməyinizin məhsuldarlığı planlarınızın reallığından asılıdır. Diqqətli olun, emosiyalara qapılmayın. Yaxın ətrafınızdakı insanlardan biri etimadı doğrultmaya bilər.

Rutin işlərdən usanma, yaradıcılıq durğunluğu da istisna deyil. İşgüzar sənədlərdə, yazışmalarda kobud səhvlərə yol verməyin. Axşam saatlarına yaxın yola çıxsanız, gecikmələr və təxirəsalmalar istisna deyil. Eyni vaxtda bir neçə işə başlamağa çalışmayın. Əks təqdirdə ifrat yorğunluğa qapıla bilərsiniz.
 

Xərçəng - təmkinli və sayıq olun. Düşünülməmiş addımlar atmayın. Radikallıq, aqressivlik zamanı deyil. Səbrli davranın. Cari işləri və rutin problemləri həll etmədən irəliləmək mümkün deyil. Ona görə də yarımçıq işlər qoymayın. Əks təqdirdə sabahkı gündə görüləsi işlərin sayı artacaq.

Günün ikinci yarısında maraqlı işlər olacaq. Alış-verişdə bədxərclik etməyin. Maliyyə vəsaitinizin qədrini bilin. Pulları xərcləmək əvəzinə yığın. Qətiyyətli olun, kiçik problemlərin qarşısında geri çəkilməyin.

Şir - günün ilk yarısında əhvalınız pisləşə bilər. Neqativ hisslərin əsiri olmayın. Kiçik diskomfort sizi təbdən çıxarmasın. Yaxın ətrafınızdakı insanları narahat edən məsələlərin fərqinə varın. Situasiyaya maksimum dərəcədə uyğunlaşın.

Günün ikinci yarısında fəaliyyət və yaşam arealını qaydaya salın. Dəyər verdiyiniz insana ünvanladığınız iradların sayını artırmayın. Yaşananlarda sizin günahınız da var.

Qız - həmkarlar və işgüzar tərəfdaşlarla bir sıra məsələləri həll etmək, münasibətləri rəvanlaşdırmaq üçün əlverişli gündür. Gün asan deyil. Lakin vaxtınızı hədər itirməsəniz, məhsuldar ola bilər. Diqqət və sayıq davranış tələb edən işlər müxtəlifdir.

Onları həll edə bilərsiniz. Müstəqil şəkildə düşünməli, hərəkət etməli və suallara cavab tapmalı olacaqsınız.

Yaxın ətrafınızdakı insanlarla münasibətlər normal olacaq. Haqlı olduğunuzu sübut etməyə lüzum yoxdur. İdeyalarınız rəğbətlə qarşılanacaq.

Qətiyyətli və təşəbbüskar olun.

Tərəzi - işgüzar məsələlərin həlli üçün uğurlu gündür. Yaşam potensialının səviyyəsi yüksəkdir, enerjiniz və ruhi qüvvəniz çoxdur. Uğura nail olmaq üçün bütün komponentlər var.

Yeni, çətin və mürəkkəb işlər peyda olur. Fəqət, çəkinməyin və narahat olmayın: həmin işlərin öhdəsindən gələcəksiniz. Məqsədə doğru qətiyyətlə irəliləyin. Hansısa şəxs, hadisə və ya nəsnə sizə mane olmamalıdır.

Köçmək, təmirə başlamaq, şəraiti dəyişmək olar.

Əqrəb - aqressiv, davakar olmayın. Sərt danışıqlar zərər verə bilər. Güzəştlərə meylli olun. Açıq hücum heç də həmişə qələbənin rəhni deyil. Kobud taktika, izafi sərtlik qarşı tərəfdə də qeyri-adekvat davranışa səbəb olacaq.

Günün ikinci yarısında dəyər verdiyiniz insanlarla münasibətlərdə düşünülmüş taktikaya üstünlük verin. Riskli sövdələşmələrdən və anlaşmalardan uzaq olun.

Qanunsuzluq təsiri bağışlayan əməliyyatlar heç bir xeyir verməyəcək.
 

Oxatan - günün ilk yarısında işlərdə çətinliklər yaranacaq. Ən kiçik uğurun önəmi artacaq. Texniki detallar və təfərrüatlar hədəfə doğru irəliləyişinizi çətinləşdirə bilər.

Diqqətli olun, bədxahların məkrli planlarına aldanmayın.

Günün ikinci yarısında səhhətinizə fikir verin. Orqanizminizdəki kiçik ağrı sonradan ciddi fəsad yarada bilər.

Yarımçıq işləri tamamlamadan yeni layihəyə başlamayın.

Oğlaq - günün ilk yarısında qarşınıza qoyduğunuz məqsədə çatmaq üçün maksimal sürət və intensivliklə çalışın. Ən yaxın insanlardan biri sizi sərt tənqid edə bilər. Sizi narahat edən məsələni çözmək üçün təcrübəli, bilikli insanla məsləhətləşin.

Günün ikinci yarısında qohumlardan və ya dostlardan biri sizdən yardım istəyə bilər.

Bütün hallarda situasiyanın mozaikalarını ayrıd etməyə çalışın. Profiliniz üzrə mütəxəssisləri işə cəlb edə bilərsiniz. Fəaliyyətinizin effektiv olmasına çalışın.

Axşam saatlarını açıq havada keçirin.

Dolça - günün ilk yarısında yaxın ətrafınızdakı insanlarla ünsiyyətdə çətinliklər yaranacaq. Davranışınıza nəzarət edin. Həmkarlarınız sizinlə danışıqlarda izafi kəlmələr söyləyə bilərlər.

Günün ikinci yarısında yeni təmaslar və əlaqələr qurmaq olar. Yaranmaqda olan münaqişənin böyüməməsi üçün qarşı tərəfin əsla xoşlamadığı mövzulara toxunmayın.

Daşınmaz əmlak, maliyyə və ya texniki avadanlıqlar, vasitələrlə bağlı məsələnin həllini bir qədər ertələyin.

Axşam saatlarını dostlarla keçirin.

Balıqlar - günün ilk yarısı asan olmayacaq. Cari problemlərin həllində ciddi çətinliklərlə qarşılaşa bilərsiniz. Hətta ən adi, "alışdığınız" məişət problemlərinin çözümündə yeni maneələr və sədlər yaranacaq. Aktiv olun, süst davranmayın.

Günün ikinci yarısında yolda problemlər yarana bilər. Nəqliyyat vasitəsində texniki nasazlıq, marşrutun nəzərdə tutulmamış dəyişikliyi istisna deyil. Adi günlərdən fərqli olaraq intellektual fəaliyyətdə çətinliklər yaranacaq. İşdə həmkarlar və rəhbərliklə təmaslarda diqqətli, eyni zamanda nəzakətli olun.

Axşam saatlarında əylənə bilərsiniz.

ŞƏRH YAZ
0

Misirdə tarixi kəşf — FOTOLAR

Misirdə tarixi kəşf
18:14
Bu gün
939
Maraqlı
A
Arxeoloqlar Misirdə nəhəng qədim bir bina kəşf ediblər.

“Ölkə.Az” xəbər verir ki, bu barədə ABŞ-ın “AP” agentliyi məlumat yayıb.

Arxeoloqlar Misirin paytaxtı Qahirənin 20 km-liyində yeni kəşfə imza atıblar. Mit Rahine kəndindəki kəşfdə böyük bir Roma hamamı və dini ayinlər üçün də bir otaq tapılıb.

Misirli rəsmi Mustafa Vəziri binanın qədim Misirin paytaxtı Memfisdən yadigar qaldığını təxmin etdiklərini bildirib.

Qeyd edək ki, Memfis eramızdan əvvəl 3100-cü ildə inşa edilib.

Hikmət Həsənov
Ölkə.Az

ŞƏRH YAZ
0

Naringinin ağ liflərini atmayın — BU XƏSTƏLİKLƏRİN DƏRMANIDIR

Naringinin ağ liflərini atmayın
17:10
Bu gün
1301
Maraqlı
A
Payız fəslində ən çox yeyilən meyvələrdən biri də naringidir.

“Ölkə.Az” xəbər verir ki, C vitamini ilə zəngin olan naringi xərçəngdən diabetə qədər bir çox xroniki xəstəliyə qarşı faydalıdır.

Naringi immunitet sistemini gücləndirir. 1 stəkan naringi dilimində gündəlik lazım olan C vitamininin yarısından çoxu var. C vitamini sağlam dəri və toxumaların yaranması və fəaliyyəti üçün vacibdir. Eyni zamanda immunitet sistemini gücləndirir, ürək-damar xəstəlikləri riskini azaldır.

C vitamini ilə ağ ciyər, döş, qida borusu və mədə xərçəngi kimi bəzi xərçəng növlərinin qarşısını almaq olur. C vitamini orqanizmdə kollagen sintezi üçün də çox vacibdir.

Kollagen yaraların sürətlə sağalmasını təmin edir. C vitamini eyni zamanda digər qidalarla qəbul edilən dəmir mineralının da sovrulmasını təmin edir.
Naringinin tərkibində olan A vitamini göz sağlamlığı sağlam sümük və hüceyrə böyüməsi üçün vacibdir. Bundan başqa naringinin tərkibindəki beta kriptoksantin də iltihabın qarşısını alır.

Naringinin tərkibindəki ağ liflər çox faydalıdır. Tərkibində potasium bol olduğu üçün qan təzyiqini aşağı salır. Qanı təmizləyir, damarların sağlamlığını qoruyur, ürək-damar xəstəliklərinə qarşı faydalıdır.

Naringinin tərkibindəki B vitamini DNA və RNA-nı bərpa edir, yeni hüceyrələrin yaranmasını dəstəkləyir. Flavonoidlər sərbəst radikalları neytrallaşdırır. Nobiletin flavonoidi köklüyün qarısını almağa, diabetlə savaşmağa və xolesterolu azaltmağa kömək edir. Naringinin tərkibindəki tangeritin adlı digər flavonoid isə yağlı qara ciyər xəstəliyi və damar sərtləşməsinin qarşısını alır. Bu meyvənin tərkibində olan folat xərçəngə səbəb ola biləcək DNA dəyişikliklərinin də qarşısını alır.

Naringinin tərkibindəki hesperidin kollagen istehsalı üçün C vitamini ilə birlikdə hərəkətə keçir. Bu meyvə dərmanlar, çirkli hava, xəstəliklər, siqaret çəkmək, kimyəvi məhsullar, UV şüalanmasının mənfi təsirlərini azaldır.

Naringidəki ağ liflər immunitet sistemini gücləndirir, yaddaşı inkişaf etdirir.

Hikmət Həsənov
Ölkə.Az

ŞƏRH YAZ
0
BAĞLA