Günün qoroskopu: səhhətinizlə bağlı problem riski var

Günün qoroskopu: səhhətinizlə bağlı problem riski var
00:43
23.08.2017
11
Maraqlı
A
Ölkə.Az Milli.Az-a istinadən dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir.

Qoç - təhlükəsizliyinizə və işinizin səlis yerinə yetirilməsinə fikir verin. Hadisələrin bir qismini nəzarətdə saxlayın. Məntiqli olun, soyuqqanlı və təmkinli davranın.
Emosiyalara uymayın, avantür təkliflərə aldanmayın. Problemlərə reaksiyanı qeyri-emosional səviyyəyə salın. İşin məhsuldarlığı yüksək olacaq. Lakin ifrat dərəcədə çalışmayın.
Səhhətinizlə bağlı problem riski var.
Yardım və ya qayğı təklif olunursa, inadkarlıq etməyin. İşin "zəif həlqə"sini nəzarətdə saxlayın.
Yeni maraqlar üçün yaşam arealında gərəkli məkan yaradın.

Buğa - günün ilk yarısından etibarən bir çox işlərin öhdəsindən gələ bilərsiniz. Tələskənliyə yol verməyin, vurnuxmaların fiqurantına çevrilməyin. İşgüzar əlaqələri intensivləşdirin. 
Günün ikinci yarısında işdə rəhbərlik təmaslarda səbrli olun, təmkinli davranın. Dostlarla, dəyərli insanlarla ümumi işləri müzakirə etmək olar.
Mübahisəli məsələləri gündəmə gətirsəniz, qarşı tərəfin mövqelərini də nəzərə alın.
Axşam saatlarında alış-verişə yollanmaq olar.

Əkizlər - məntiqlə davranın, radikal qərarlar qəbul etməyin. Həddən ağır iş görərək özünüzü yormayın. İfrat yorğunluq bir çox xəstəliklərin mənbəyidir.
Rasionunuza fikir verin. İşlə bağlı məsələlərin həllində aktiv olun.
Günün ikinci yarısında rutin işlər təcili çözümünü tələb edir. Sevdiyiniz insanla ciddi söhbəti təxirə salın. Bu gün münasibətləri ayırd etmək üçün əlverişli zaman deyil.
Anlaşılmazlıq və mübahisə riski az deyil.

Xərçəng - yaxın ətrafınıza, yaşam arealınıza diqqət yetirin. Ağıllı və fəndgir davranın, ehtiyatı əldən verməyin.
Qüvvələrinizi bərpa etməyə çalışın. Bunun üçün təmrinləri və ya prosedurları müəyyənləşdirin.
Yeni informasiya alına bilər. Bu xəbər işlərin gedişatında, işgüzar tərəfdaşlarla münasibətlərdə dəyişikliklər yarada bilər.
Başlanmış prosesi dayandırmağa can atmayın, çünki niyyətiniz reallaşmayacaq.
İşdə kiçik, amma önəmli detalı aşkarlayın. O detal və ya ünsür işi tamamlamağa, onu mənalandırmağa imkan verir.
   
Şir - hisslərinizə uyaraq düşünülməmiş addımlar atmayın. Günün emosional fonu sizdən rasional və praqmat davranış tələb edir. Həddən artıq aktiv olmayın. Zərurət varsa, tempi bir qədər aşağı salın.
Günün ikinci yarısında şəriklər və ya tərəfdaşlarınızdan biri sizə sürpriz edə bilər. Gözlənilməz hadisələrə hazır olun. Situasiyanın ani dəyişkliklərindən faydalanın.
Axşam saatlarında gəzintiyə çıxın.

Qız - ünsiyyətdə qarşılıqlı maraqları ön plana çəkməyin. Kompromisslərə meylli olun. Əhvalınız və səhhətiniz imkan verirsə, daha çətin işlərə başlamaq olar. Fəaliyyətinizdə ciddi, əhəmiyyətli dəyişikliklər olmayacaq. Rutin işləri ənənəvi qaydada yerinə yetirin.
Günün ikinci yarısında ailə üzvlərindən birinin təcili yardıma, dəstəyə ehtiyacı yaranacaq. Ona kömək edin, laqeyd davranmayın.
Sizə dəyər verən insanlarla münasibətləri korlamayın.
Axşam saatlarında internetdə çox vaxt keçirməyin.

Tərəzi - mənəvi və fiziki sağlamlığın vəhdətinə nail olun. Çalışdığınız şəraitin rahat, yeni planların reallaşdırılması üçün əlverişli olmasına can atın. Var qüvvənizlə işləyirsinizsə, nəticənin də məntiqi olmasına can atın.
Günün ikinci yarısında işdə rəhbərliklə danışıqlarınızın təfərrüatlarını həmkarlarınıza danışmayın. Şəxsi məsələlərdə tərəfdaşın qayğılarını və fikirlərini nəzərə alın.
Laqeyd, soyuqqanlı, eqoist olmayın.

Əqrəb - istənilən, hətta ən kiçik işlərdə fayda və mənfəət arayın. Hadisələri tələsdirməyin. Etdiyiniz seçimi dərhal açıqlamayın. Ev işləri və ailə tədbirləri üçün əlverişli zamandır.
Yeni işə və ya fəaliyyət sahəsinə maraq yarana bilər.
Günün ikinci yarısında yeni ideya və fikirlərinizi yaxın ətrafınızdakı insanlarla bölüşə bilərsiniz.
Axşam saatlarında aktiv istirahəti seçin.

Oxatan - günün ilk yarısından səs-küydən, qarmaqarışıqlıqdan uzaq olun. Əhvalınızı poza biləcək insanlardan uzaq durun. Dəyər verdiyiniz insanlarla birgə fəaliyyətə üstünlük verin. 
Günün ikinci yarısında xidməti səlahiyyətlərinizi yerinə yetirərkən yaxın perspektivi düşünün. 
Axşam saatlarını sevdiyiniz insanla keçirin. Münasibətlərdə harmoniya yaradın.

Oğlaq - günün ilk yarısından etibarən aqressiv olmayın. Dəyər verdiyiniz insanlarla normal davranın. Kollektiv fəaliyyətdə fayda var. Çətin durumlarda təmkinli davranın, emosiyalara qapılmayın. 
Günün ikinci yarısında qəliz vəziyyətlərin həlli çox asandır. Küsülülərin barışma şansı var. Köhnə problemləri asanlıqla həll edə bilərsiniz.
Axşam saatlarını ailə üzvlərinə həsr edin.

Dolça - gərgin, ağır və mürəkkəb intellektual fəaliyyət üçün yararlı zamandır. Önəmli qərarlar qəbul edəndə tələskənliyə yol verməyin. Yeni layihəyə başlamaq üçün münasib zaman olsa da, situasiyanı tam dəqiqliklə qiymətləndirin.
Təşvişə düşməyin. Vurnuxmalara aldanmayın.
Günün ikinci yarısında xüsusi diqqət və ehtiyatlı davranış tələb edən məsələlərdə yüz ölçüb, bir biçin. Axşam saatlarında yaxınlarınızla ünsiyyətdə anlaşılmazlıqlar yarana bilər. Ailə üzvlərinə yetərincə vaxt ayırın.
Stressdən mütləq şəkildə qurtulun.

Balıqlar - günün ilk yarısından etibarən yaxın ətrafınızdakı insanlarla və qohumlarınızla münasibətlərdə gərginlik yarana bilər. Yaşlı qohumların, ailə üzvlərinin dediklərini dinləyin. Məsləhətləri qulaqardına vurmayın.
Günün ikinci yarısında problemlərin həllinə yaradıcı yanaşın. Tapşırıq və sifarişləri vaxtında, keyfiyyətlə yerinə yetirin. Cari öhdəlikləri unutmayın. 
Axşam saatlarını dostlarınızla keçirin. Səs-küylü məclis əhvalınıza mənfi təsir edəcək.

ŞƏRH YAZ
0

Yaxşı yuxu üçün qəbul edilməli — QİDALARIN SİYAHISI

Yaxşı yuxu üçün qəbul edilməli
15:25
Bu gün
1406
Maraqlı
A
Yuxusuzluq müasir insanın ən çox qarşılaşdığı problemlərdən biridir.

Bu məsələdə əsas günah payı stresin üzərinə düşür. Məhz stress insana dərin yuxuya dalmağa mane olur. Alimlər müəyyən ediblər ki, əgər düzgün qidalansaq, yuxusuzluq probleminin öhdəsindən gələ bilərik. 

"Ölkə.Az" bu gün yuxudan əvvəl qəbul etməli olduğumuz qidaların siyahısını təqdim edir.
"National Geographic  Food" jurnalı bildirir ki, yuxusuzluğa qarşı mübarizə aparmaq üçün ilk növbədə şirniyyat də yağlı qidaları, kofein və spirtli içkiləri azaltmalıyıq.

Hind quşu əti
Hind quşunun əti yağlı olsa da, tərkibində triptofanın miqdarı kifayət qədər yüksəkdir. Bu maddə daha tez və sakit yatmağa kömək edir. Bu yaxınlarda aparılan tədqiqatın nəticələri məlum edib ki, cəmi 85 qram hind quşu əti dərin yuxuya getməyi təmin edir. Təbii ki, söhbət gec yeyilən şam yeməyindən gedir. Hind quşu əti kiçik və buğda bişirilən olmalıdır. Təbii ki, xörək duzundan istifadə etməyin. Çünki duz susuzluğa səbəb olur və yuxunu pozur.

Banan

Bananın tərkibində maqniumun miqadrı çoxdur. "Jurnal of Research and Medical Scienes" jurnalının məlumatına əsasən, yuxusuzluğa qarşı effektiv mübarizə aparır. Amma bananın kalorili qida olduğunu unutmayın. Əgər şam yeməyi əvəzinə banan qəbul etməyə qərar vermisinizsə, bunu yuxudan 1.5-2 saat əvvəl edin.

Tünd şokolad
Alimlər tünd şokoladın insan əhvalına müsbət təsir etdiyini çoxdan aşkar ediblər. Bu səbəbdən yuxudan əvvəl tünd şokolad qəbul etmək yaxşı yuxu görməyə səbəb olur. Amma yuxu ilə bağlı ciddi probleminiz varsa, başqa üsullardan istifadə edin. Çünki kofein yuxunu pozur. Kofein isə təkcə qəhvənin yox, çayın, kolanın və şokoladın tərkibində var.

Kivi
Məlum olub ki, bu meyvə belə məsələlərdə diqqətdən kənarda qalıb. Tədqiqatlar zamanı məlum olub ki, yuxudan 1 saat əvvəl iki kivi yeyən insanlar digərlərinə nisbətən daha tez yuxuya gedirlər (faiz miqdarı 35).

Məsələ burasındadır ki, kivinin tərkibində antioksidant, karotinoid, C və E vitaminlərindən başqa serotonin var. Bu maddə xoşbəxtlik hormonu adı ilə də tanınır və yuxusuzluq riskini azaldır.

Kəsmik
Yuxudan əvvəl yeməkdən imtina etmək sadəcə faydasız yox, eyni zamanda artıq çəkidən qurtulmağa çalışanlar üçün ziyanlıdır. Boş mədə ilə yatağa uzanmaqdansa, bir az kəsmik yemək daha məsləhətlidir. Birincisi, kəsmiyin tərkibində kazein var. Bu maddə gecə aclığından xilas edir. İkincisi, tərkibinə triptofan maddəsi var. Bu maddə isə tez və yaxşı yuxuya getməyə şərait yaradır.


Hikmət Həsənov
Ölkə.Az

ŞƏRH YAZ
0

Çində tapılan kəllə sümüyü elm aləmini alt-üst etdi

Çində tapılan kəllə sümüyü elm aləmini alt-üst etdi
09:22
Bu gün
10759
Maraqlı
A
40 il əvvəl Çində 260 min illik kəllə sümüyü tapılıb.

 "Ölkə.Az" xəbər verir ki, bir qrup alimin araşdırması müəyyən edib ki, təkamül Afrikadan yox, Asiyadan başlayıb.

Bir çox antropoloq və elm adamı insan növünün 200 min il əvvəl Afrikada meydana çıxdığına və 80 min insanın Afrikadan ayrılaraq dünyanın müxtəlif nöqtələrinə səpələndiyinə inanır. Amma Çində tapılan kəllə sümüyü elm aləmini alt-üst edib.

 Homo sapiens insan növünün atası olaraq tanınan homo erektus növünə aid kəllə sümüyü ilə bağlı çinli alim Xinzi Vu və amerikalı alim Şila Atreya bəşəriyyətin Afrikada yox, Asiyada yarandığını iddia edir.

Hikmət Həsənov
Ölkə.Az

ŞƏRH YAZ
1
BAĞLA