Günün qoroskopu: tanımadığınız insanların əməllərinə görə məsuliyyət daşımayın

Günün qoroskopu: tanımadığınız insanların əməllərinə görə məsuliyyət daşımayın
01:05
10.01.2018
3726
Maraqlı
A
Ölkə.Az Milli.Az-a istinadən dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir.

Qoç - səmimi, nikbin və gülərüz olmağa çalışın. Yaxın ətrafınızdakı insanlar bunu sezəcəklər. Maraqlı tanışlıqlar və yeni əlaqələr zamandır. Sizi usandıran, mənfi emosiyaların yaranmasına səbəb olan insanla təmasları kəsin. Günün ikinci yarısında ötən həftədən yarımçıq qalan işi başa vurun. Dəvət aldığınız tədbirə qatılın. Emosiyalarınıza nəzarət edin. Axşam saatlarını xoş hisslər əldə etmək üçün dəyər verdiyiniz insanlarla keçirin.

Buğa - əlverişli və yaxşı gündür. Peşəkar fəaliyyət müstəvisində uğur əldə edə bilərsiniz. Ən yaxşı məziyyətlərinizi göstərin, bacarıqlarınızı nümayiş etdirin. Yaradıcılıqla məşğul olmaq mümkündür. Təxəyyülünüzdən bəhrələnin. Günün ikinci yarısında məşğul olacağınız iş uğurla müvəffəqiyyətlə yanaşı, müsbət emosiyalar da vəd edir. Maraq və mövqeyinizi bölüşən insanlarla tanışlıq istisna deyil.

Əkizlər - fikir və mövqelərinizi aqressiv şəkildə açıqlamağa tələsməyin. Situasiyanı sonadək araşdırın. Yaxın ətrafınızdakı insanlar radikal mövqeyinizi bölüşməyəcəklər. Səhhətinizə fikir verin. Günün ikinci yarısında problemlərin öhdəsindən gələ biləcəksiniz. Əhvalınız pis deyil. Yaxınlarınızın haqsız iradları ilə razılaşmaq çox çətindir. Ailədəki ab-havaya fikir verin, aqressiv olmayın. Güzəşt gərəkdirsə, sərtliyə lüzum yoxdur.

Xərçəng - günün ilk yarısında mühüm məqamlardan birini nəzərdən qaçırmayın. Uzunmüddətli planlar üçün o qədər də əlverişli zaman deyil. Davranşınıza nəzər salın. Fəaliyyət modelini situasiyaya uyğun olaraq dəyişməlisiniz. Günün ikinci yarısında olayları dəqiq qiymətləndirməyi bacarın. Yaxınlarınızla çoxsaylı fikir ayrılıqları və təmas problemləri yaratmayın. Vəziyyətdən çıxış yolu əlinizdədir. Acığınızı çıxmağa adam aramayın.

Şir - qəfil xəbər, mühüm informasiya planlarınızda dəyişikliklərə səbəb olacaq. Qeyri-adi insanla görüş istisna deyil. Səfərə yollanarkən yaxşı hazırlaşın. Fürsətləri dəyərləndirin. Hüquqlarınız tapdanırsa, kimsənin qarşısından geri çəkilməyin. Günün ikinci yarısında sevdiyiniz insanın qəlbini qırmayın. Sakit, rəvan tərzdə danışın. Yeni ünsiyyət stili pis deyil. Axşam saatlarını ən yaxın insanlarla keçirin.

Qız - yeni texnologiyalar və vasitələrin öyrənilməsi, təcrübənin əxz edilməsi xeyirlidir. Mənfəət əldə edərək əlavə gəlir mənbəyinə yiyələnə bilərsiniz. Yaxın ətrafınızdakı insanlarla ünsiyyətdəki kiçik problemlərdə paradoksal olsa da, xeyir var. Çünki maneələrlə sədləri dəf edərkən strategiyanı dəyişə bilərsiniz. Əhvalınızın yaxşılaşdırılması və qüvvənizin bərpası üçün normal qidalanın. Rasionunuza fikir verin. Yaxınlarınızın qeydinə qalın. Adi günlərdən fərqli olaraq indi bunun üçün daha çox səbəb var. Axşam saatlarında normal istirahət etməyə çalışın.

Tərəzi - təxirəsalınmaz həll tələb edən maliyyə məsələlərini çözün. Problemlərin mənşəyini, səbəblərini anlamadan nə öz vəsaitinizlə, nə də başqasının pulları ilə rasional davrana bilməyəcəksiniz. Nikbin olsanız daha çox iş görə bilərsiniz. Axmaq insanların iradlarına fikir verməyin. Günün ikinci yarısında mənəvi prinsiplərinizi madiyyata qurban verməyin. Şərəfli, amma yoxsul həyat ləyaqətsiz, lakin “normal” yaşamdan qat-qat üstündür. Pulu elə qazanın ki, sizi tanıyanlar tanışlığa peşman olmasınlar. Axşam saatlarında istirahət edin.

Əqrəb - yaxınlarınızdan birinin istəyi və tələbi təəccüb doğurur. Sağlam məntinq və arqumentlər problemin həlli üçün kompromis tapmağa imkan verəcək. Texniki avadanlıqla, məişət əşyaları ilə ehtiyatlı olun. Günün ikinci yarısında yaxın ətrafınızdakı insanlardan birinin bədxah münasibəti stress vəziyyəti yaranacaq. Yaxşı bələd olmadığınız mövzularda dartışmaya qatılmayın, mübahisələr etməyin. Axşam saatlarına yaxın mənfi təmayüllərin təsiri azalacaq. Açıq havada gəzintiyə çıxın.

Oxatan - günün ilk yarısında yaxın ətrafınızdakı insanlardan biri ilə münasibətlərinizi aydınlaşdırmağa çalışmayın. Populyar olmaq üçün naqis addım atmayın. Birmənalı dəyərləndirilə bilməyəcək sözlər söyləməyin. Yerinə yetirə bilməyəcəyiniz vədlər verməyin. Günün ikinci yarısında yaxınlarınızın ehtiyac və tələbatlarını unudaraq istəklərinizi yerinə yetirməyə çalışmayın. Hadisələr maliyyə durumunuza, büdcənizə təsir edə bilər. Axşam saatlarında əhvalınız korlana bilər.

Oğlaq - günün ilk yarısında aktivliyinizi bir qədər azaldın. Maraqlandığınız işlərlə məşğul olun. Maliyyə çətinlikləri yaranarsa, planlaşdırılmış alış-verişdən imtina edə bilərsiniz. Hüquqlarınızı qoruyun. Günün ikinci yarısında yaxınlarınız sizdən dəstək istəyəcəklər. Vaxtınızı və maraqlarınızı başqalarının mənafelərinə qurban verməyin. Axşam saatlarına yaxın həddən artıq ehtiyatlı olun. Travma riski istisna deyil.

Dolça - təxəyyülünüzü işə salın, problemlərin həllinə yaradıcı yanaşın. Vaxtınızı fövtə verməyin. Diqqətli olun. Səhvlərinizin fəsadları çox ağır ola bilər. Sözlərinizə fikir verin. Düşünülməmiş addımlar atmayın. Günün ikinci yarısında kiçik detallara fikir verin. Tələblərinizin irreal təəssürat yaratmasına imkan verməyin. Yaxınlarınızla ünsiyyətdə bəzi problemlər yarana bilər. Aqressiv və sərt davranışınız münaqişəyə səbəb olmasın. Axşam saatlarında enerji potensialınız yüksək olsun. Emosional durum yuxusuzluq yarada bilər.

Balıqlar - aldığınız hər xəbərə, eşitdiyiniz hər məlumata inanmayın. Xəbərlərin əksəriyyəti yanlış ola bilər. Üstəlik, bəzi informasiyalar inandırıcı deyil. Tamamilə yad, tanımadığınız insanların əməllərinə görə məsuliyyət daşımayın. Günün ikinci yarısında işlərdə dönüş yaratmağa çalışın. Planlarda zəruri dəyişikliklər qaçılmazdır. Dəyər verdiyiniz insanların ehtiyaclarını nəzərə alaraq proseslərə müdaxilə edin. Elektrik avadanlığı ilə ehtiyatlı olun.

Ölkə.Az

ŞƏRH YAZ
0

Cənnəti vəd edən gizli təriqət — Həsən Sabbahın Ələmutdakı sui-qəsdçi ordeni

Cənnəti vəd edən gizli təriqət
11:30
Bu gün
805
Maraqlı
A
Əlamut qalası, Həsən Sabbah, Xaşxaşilər ordeni haqqında eşitməyən insan demək olar ki, az tapılar.

“Ölkə.Az” bu gün oxucularına Şərqin ilk terrorçu, sui-qəsdçi dini ordeni haqqında kiçik məlumat verəcək.

Cənnət vəd edərək mürid toplayan, ağıllı, zəkalı, gələcəyi görən bir lider idi Həsən Sabbah. Həsən Sabbah deyəndə tarixdəki ilk sui-qəsd və intihar qruplaşmasının qurucusu ağlımıza gəlir. Ələmut qalasının arxa baxçasında saxta cənnət yaradıb narkotik maddə verərək müridləri tora salan bir lider.

Həsən Sabbah kimdir sualına verilən cavablara baxanda müxtəlif fikir ayrılıqları görürük. Çünki məlumatlara baxsaq, Həsən Sabbah dini pis məqsədlərlə istifadə edən bir şəxs, bəziləri üçün isə ədalətli, bərabərliyi istəyən liderdir. Tarixi mənbələrdən, məqalələrdən Həsən Sabbah haqqında bəzi məlumatları “Ölkə.Az” oxucuları üçün topladıq.

Həsən Sabbah İsmaililər məzhəbinin Xaşxaşilər təriqətini yaradıb. Onun tam adı Həsən bin əli bin Məhəmməd bin Cəfər bin Hüseyn bin Sabbah əl-Hamaridir. Doğum tarixi dəqiq bilinmir. Bəzi mənbələrdə 1034, bəzilərində 1053 yazılır. İranın Qum şəhərində anadan olan Həsən qeyri-adi ağılı və bacarığı ilə erkən yaşlardan diqqət mərkəzində olub. 

17 yaşı olanda İsmaili məzhəbinin üzvü ilə tanış olub və bu tanışlıq onun əfsanəvi lider edəcək bir dönüş nöqtəsi olub. Bəzi mənbələrə görə, Həsən Sabbah Nizamilmülk və Ömər Xəyyamla eyni dövrdə oxuyub. Hətta bəzi mənbələrə görə bu üç şəxs sinif yoldaşı olub.

Nizamilmülk vəzir idi və Ömər Xəyyamın istəyi ilə Həsənə maaş verirdi. Amma bu, Sabbahı məmnun etmirdi. Çünki onun istəyi başqa idi. Bəzi mənbələrə görə isə 1055-ci ildə İranda Qum şəhərində dünyaya gəlmişdir. (Bəzi tarixçilərə görə bura Kufədən köç etmişdir.) Zamanın qabaqda gələn məktəblərində oxumaq şansı tapmışdır. Ailəsiylə birlikdə Rey şəhərinə getdiyində burada şiə inancının başçıları ilə təmas etmiş və Şiəliyi mənimsəmişdir. Dini işlərini inkişaf etdirmək üçün Fatimilerin hakim olduğu Qahirəyə getmişdir. İrana döndüyündə Səlcuqlu sarayında məşhur Böyük Səlcuqlu vəziri Nizamülmülkün əmrində işə başlamışdır.

Bəzi iddialara görə Nizamülmülk, Ömər Xəyyam və Həsən Sabbah birlikdə eyni dövrlərdə tələbə və yaxın dost olduqlarına bağlı olmuşlar. Ömər Xəyyam, Həsən Sabbah və Nizamülmülk orta məktəbdə oxuyanda söz verirlər ki, əgər biri mövqe qazansa, o birilərini himayə etsin. Amma Həsən Sabbahla Nizamülmülk arasında olan münasibətin dostluğa heç bir dəxli yoxdur. Belə ki, Sabbah saraya gələndən bir az sonra Nizamülmülklə toqquşmalı olur. Məlumata görə, vergi və maliyyə işləri ilə tanış olan Həsən Sabbah bu qərara gəlir ki, çoxlu yeyinti və mənimsəmə var, bunları üzə çıxarsa, özünə yaxşı mövqe qazana bilər. O, saraya Nizamülmülkün təqdimatı ilə gəldiyindən böyük nüfuz qazanmışdı. Amma bu, Nizamülmülkdə qısqanclıq doğurur. Bir gün Sabbah sultanın qulağına çatdırır ki, maliyyə işlərində yoxlama aparmaq lazımdır. Təcrübəli Nizamülmülk yoxlamaya altı ay vaxt lazım olduğunu deyir. Həsən Sabbah isə iki həftə vaxta bu işi çözəcəyini bildirir. Hesabatın belə qısa müddətdə baş tutması Nizamülmülkün sonu demək idi. Ona görə o, yaxın adamlarını Sabbahın qrupuna daxil edir. Onlar hər şey haqda onu xəbərdar edir, sonra vərəqləri bir dəftərdən başqasına qoymaqla hər şeyi pozurlar. 

Hesabat günü məlum olur ki, hər şey alt-üstdür. Sabbah rüsvay olur və şahın hüzurundan qovulur. Bundan qeyzlənən Həsən əvvəl Misirə qaçır, sonra Ələmut qalasına çəkilir, gizli terrrorçu təşkilat yaradır və səlcuqilərə qarşı mübarizə aparır.

O, türklərlə mübarizə üçün çox orijinal metod seçir: elan edir ki, türklər Adəmdən əmələ gəlməyiblər. Onlar cindən törəyiblər və onlara xidmət edənləri öldürməklə cənnətə düşmək olar. O, Nizamülmülkə də “borclu qalmır”. Ömrünün qoca çağlarında vəzir onun göndərdiyi terrorçunun əli ilə öldürülür. Bu barədə sonra.. Lakin bu əfsanənin doğruluğuna dair hər hansı bir məlumat yoxdur. Digər tərəfdən Nizamülmülk ilə Həsən Sabbah arasında təxminən 30 illik yaş fərqi vardır. Digər tərəfdən bunun doğru ola bilməsi üçün üçünün də Nişapurda oxumuş olması lazımdır. Halbuki Həsən Sabbah təhsilini doğulduğu şəhər olan Qumda və daha sonra Reydə almışdır. Bu mövzuda maraqlı bir rəvayət də, Həsən Sabbahın, Ömər Xəyyamla bir söhbəti əsnasında Ömərin ona, “bu insanlar cənnət üçün yaşayırlar, ancaq onlara bir cənnət verə bilsən onları idarə edərsən ” sözündən bir strategiya çıxardığı istiqamətindədir.

Reydən ayrılan Sabbah İsfəhan, Azərbaycan, Silvan, Mesopotamiya, Suriya, Fələstindən keçərək Misirə gedir. 3 ilini İsmaililər məzhəbinin  mərkəzi olan Qahirədə keçirib. İsmaililik məzhəbi ilə yanaşı astronomiya, magiya, cəbr və bir çox elmlərə yiyələnir. Dövrün alimlərindən çox şey öyrənən Sabbah Şimali Afrikaya göndərilir. Sonra Suriyaya, oradan da İsfahana keçərək İsmaililər məzhəbini yaymağa çalışıb. Sabbahı Deyləm bölgəsi çox maraqlandırırdı. Yerli əhali İslamı qəbul etməmişdi və torpaqları işğal etmək çox çətin idi. Deyləmdə özü üçün qala axtaran Sabbah Ələmut qalasını görür. Qala onun tam axtardığı xüsusiyyətlər malik idi. Dar keçidləri olan qala Şahrud vadisi yaxınlığındakı qayaların təpəsində idi. Rəvayətə görə, Deyləm krallarından biri qalanı qartalı üçün inşa etdirib. “Aluh Amut” da tərcümədə qartal yuvası deməkdir.

Həsən Sabbah bəzi versiyalara görə, Alevi Mehdi adlı hökmdara aid qalanı müridlərindən birini göndərib və Ələmutdakı insanları öz tərəfinə çəkərək 1090-cı ildə qalanı ələ keçirib.

Başqa bir verisyaya görə isə Həsən Sabbah qalanın komandiri ilə bir dananın dərisini dolduracaq torpaq əvəzində razılığa gəlib. Dananın dərisini qalanın girişinə yerləşdirən Sabbah Ələmutu ələ keçirib.

Qalanı ələ keçirdikdən sonra müridlərinin sayını artırıb. Bunun üçün isə hiyləyə əl atıb. O, müridlərini cənnət vədi ilə aldadırdı. Həsən müridlərə əvvəlcə narkotik maddə çəkdirir, sonra isə uzun daş yol ilə apararaq görəcəyi hadisələrə hazırlayırdı. Sonra isə Ələmutun arxa baxçasındakı gizli cənnətə aparırdı. Narkotik maddənin təsiri keçəndə ətraflarında rəngbərəng çiçəklər, ləzzətli yeməklər, dünya gözəli qızlar görən müridlər isə buranı əsl cənnət zənn edirdilər. Cənnət vədi ilə liderlərinə bağlı olan müridlər oranı yenidən görə bilmək üçün verilən tapşırıqları canla-başla yerinə yetirirdilər. Həsən Sabbahın cənnətini görənlər gördüklərini digərlərinə danışır, bu isə müridlərin sayının durmadan artmasına səbəb olurdu. Müridlər sərt təlimlərdən keçirdilər. İki min nəfərə Ələmut qalasında ağır təlimlər keçilir, onlar məğlubedilməz savaşçıya çevrilirdlər.

Müridlərə cənnət vədindən başqa şeylər də verilmişdi. Məsələn, Həsən Sabbahın otağında bir fədaini başı görünənə qədər basdırır, Üzərinə qan tökülən adam yeni mürid otağa girəndə danışmağa başlayarmış. Cənnətə getdiyini və oranın nə qədər gözəl olduğunu danışırmış. Yeni mürid isə kəsik başın danışdığından şoka düşür və dərhal fədai olmaq istəyərmiş. Bundan başqa fədailərə din, tarix, coğarafiya kimi elmlər də tədris edilirdi.

Həsən Sabbah hər gün daha da güclənərək qalasına gələn qonaqlarına təsir etmək üçün bəzi müridlərinə intihar əmri verər, narkotik maddənin təsirindən isə müridlər qaladan özlərini aşağı atarmışlar. Həsən Sabbah 34 il ərzində bir dəfə də olsun Ələmut qalasını tərk etməyib. Amma deyilənlərə görə, Xaşxaşilərin lideri ədaləti ilə də məşhur olub. Hətta oğlu Məhəmmədi təriqətin qaydalarını vecinə almayaraq şərab içdiyi üçün gözünü qırpmadan öldürüb.

Həsən Sabbah Səlcuqlara və Abbasilər xilafətinə qarşı mübarizə aparırdı. O, 50-ə yaxın sui-qəsd əmrini verib. Deyilənlərə görə, Nizamilmülkün də qətli onun əmri ilə icra edilib. Nizamilmülk Ələmut qalasını almaq üçün 4 ay mühasirəyə almışdı. 

Verilən ölüm əmrlərini icra edən fədailər isə heç vaxt həbs edilmirdilər çünki bunun üçün də xüsusi təlim keçirdilər. Əgər fədai ələ keçsəydi, özünü öldürürdü.

Qeyd etmək lazımdır ki, Avropada yaranan Mənbəd Cəngavərləri ordeni də Xaşxaşilərin üsullarından istifadə edirdilər. Səlcuqlar isə Xaşxaşilərə qarşı savaşmaq üçün Cavlakilər adlı qruplaşma da yaratmışdı.

Nizamilmülkdən sonra Məlikşah da dünyasını dəyişdi. Səncər, Berkyaruk və Məhəmməd Tapar arasında taxt uğrunda savaş başladı. Bu səbəbdən Səlcuq dövləti zəifləməyə başlayır. Bu vəziyyəti lehinə istifadə edən Həsən Sabbah başqa qalaları da ələ keçirir.

Həsən Məhəmmədin ölümündən sonra taxta çıxan Səncərə Ələmut qalasına hücum etməməsi üçün xəbərdarlıq edir. Bu mesajın yanında isə yastığına saplanmış bir xəncər olur. Həsənin sarayda belə fədailəri var idi və bu yolla Sultanı qorxudur.

Həsən Sabbah 1124-cü ildə öz əcəli ilə dünyasını dəyişib. Amma ölümündən əvvəl yerinə xəlifə seçmişdi. Lemeser qalasının komandiri Kiya Buzruğ Ummid Həsən Sabbah tərəfindən lider seçilmişdi. Əbu Əli, Kəsrənli Adəmin oğlu Həsən və Kiya Əbu Cəfərə də Ummidin liderində ona silahdaşlıq etmələri üçün tapşırıqlar verir. Amma onun qurduğu təriqət monqollar tərəfindən dağıdılır. Bu, Həsənin ölümündən 14 il sonra baş verir.

Məşhur səyyah Marko Polo da Həsən Sabbah haqqında geniş məlumat verib. Bu gün dünya tarixində Xaşxaşilər haqqında bir çox bilgini Markonun “Səyahətnamə”sindən əldə edirik...

Hikmət Həsənov
Ölkə.Az

ŞƏRH YAZ
0

Kəhrəbanın içində gizlənmiş 99 milyon illik ilan tapıldı — FOTOLAR

Kəhrəbanın içində gizlənmiş 99 milyon illik ilan tapıldı
10:10
Bu gün
1094
Maraqlı
A
Myanmarda 99 milyon il əvvələ aid kəhrəba tapılıb.

Ölkə.Az” xəbər verir ki, kəhrəbanın içində ilan balasının skeleti aşkar edilib.

Ehtimal edilir ki, kəşf edilən ilan 99 milyon il əvvəl dinozavrlar dövründə yaşayıb. Skelet isə kəhrəba sayəsində qorunub günümüzə qədər gəlib çatıb.
Kanadanın Alberta universitetinin professor Maykl Koldvell bildirib ki, yeni tapıntı dünyadakı ən qədim ilan skeletidir. Skeletin üzərindəki bitki və böcək qalıqları ilanın meşədə yaşadığını sübut edir.

Hikmət Həsənov
Ölkə.Az

ŞƏRH YAZ
0
BAĞLA