Gürcüstan Ermənistanın təklifini rədd etdi

Gürcüstan Ermənistanın təklifini rədd etdi
12:18
19.07.2018
7106
Siyasət
A
“Ermənistan Gürcüstana BMT-də hər iki ölkə əleyhinə olan qətnamələrlə bağlı səsvermə zamanı bitərəf qalmağı təklif edib. Lakin Gürcüstan bu günə qədər bunun mümkün olmadığını bildirir”.

"Ölkə.Az"ın APA-ya istinadən verdiyi məlumatına görə, bu barədə Ermənistanın Xarici İşlər Nazirliyinin mətbuat xidmətinin rəhbəri Tiqran Balayan Tbilisidə gürcü jurnalistin sualını cavablandırarkən bildirib.

Gürcüstanın İctimai Televiziyasının jurnalisti T. Balayana sualında Ermənistanın BMT Baş Assambleyasında Gürcüstanla bağlı qətnamənin  əleyhinə səs verməsinin səbəbləri barədə maraqlanıb. Gürcü jurnalist bildirib ki, Ermənistanın Gürcüstanın əleyhinə səs verməsi Gürcüstanda narazılıq yaradır. Buna cavab olaraq T. Balayan qeyd edib ki, Ermənistan Gürcüstana hər iki ölkənin əleyhinə olan bəyanatları qarşılıqlı olaraq imzalamamağı təklif etsə də, bu təklif qəbul olunmayıb. 

Suala Ermənistan baş nazirin müşaviri Arsen Xaratyan da münasibət bildirib. O deyib ki, BMT-də Gürcüstanın Ermənistanın əleyhinə səs verdiyi qətnamələr də olur.

Qeyd edək ki, Ermənistanın ötən ay BMT Baş Assambleyasında “Gürcüstanın Abxaziya və Cənubi Osetiya bölgələrindən olan məcburi köçkün və qaçqınların statusu barədə” qətnamənin əleyhinə səs verib. Ermənistan 2008-ci ildən qeyd olunan sənədi dəstəkləmir.

ŞƏRH YAZ
0

BMT-nin parlament dinləmələrində Dağlıq Qarabağ münaqişəsini qaldırılıb

BMT-nin parlament dinləmələrində Dağlıq Qarabağ münaqişəsini qaldırılıb
21:23
23.02.2019
1687
Siyasət
A
Milli Məclisin deputatları Şahin İsmayılov və Kamran Bayramov Birləşmiş Millətlər Təşkilatının (BMT) və Parlamentlərarası İttifaqın (PAİ) birgə təşkilatçılığı ilə BMT-nin Nyu-York şəhərindəki baş qərargahında “Multilateralizmə qarşı yaranan problemlərə parlamentlərin cavabı” mövzusunda keçirilən illik parlament dinləmələrində iştirak ediblər.

“Ölkə.Az”ın “Report”a istinadən məlumatına görə, dünyanın 60 ölkəsindən 200-dən artıq parlament üzvünün, habelə BMT-nin yüksək vəzifəli şəxslərinin və ekspertlərinin iştirak etdiyi dinləmələrdə multilateralizm qarşısında duran problemlər, onların həlli yolları və bu istiqamətdə milli parlamentlərin rolu sahəsində geniş müzakirələr aparılıb.

Dinləmələr BMT Baş Assambleyasının 73-cü sessiyasının prezidenti Maria Fernanda Espinoza Qarsesin və PAİ-nin prezidenti Qabriela Kuevas Barronun giriş nitqləri ilə başlayıb, tədbirdə xüsusi qonaq qismində iştirak edən BMT-nin baş katibi Antonio Qutereş çıxış edib. Sonra dinləmələr panel müzakirələri ilə davam etdirilib. BMT-nin baş katibi müasir dönəmdə qloballaşan dünyada multilateralizm sisteminin artıq fərqli olduğunu, bu baxımdan BMT-nin və onun ixtisaslaşdırılmış qurumlarının fəaliyyətinin təkmilləşdirilməsinin və bu sahədə əsaslı islahatların həyata keçirilməsinin vacibliyini bildirib.

Tədbirin panel müzakirələri çərçivəsində bir sıra məsələlər, o cümlədən multilateralizmin qlobal və milli ölçülərdə əhəmiyyəti, onun təşviqində parlamentlərin rolu və maliyyələşdirilməsində mövcud olan boşluqlar, BMT-nin münaqişələrin qarşısının alınması, nizama salınması və sülhməramlı fəaliyyətinin səmərəliliyinin artırılması, bununla bağlı təşkilatın Baş Assambleyasının fəaliyyətinin canlandırılması, Təhlükəsizlik Şurasında islahatların həyata keçirilməsi üzrə geniş fikir mübadiləsi aparılıb, çoxsaylı çıxışlar edilib.

Panel müzakirələrində çıxış edən Milli Məclisin deputatları BMT-nin fəaliyyətinin gücləndirilməsi, dünyada nüfuzunun artırılması məqsədilə təşkilatın nizamnaməsində nəzərdə tutulmuş bütün məqsəd və prinsiplərə, xüsusilə də dövlətlərin ərazi bütövlüyü, suverenliyi, beynəlxalq səviyyədə tanınmış sərhədlərinin toxunulmazlığı prinsiplərinə bütün üzv-dövlətlər tərəfindən ciddi əməl olunmasının zəruriliyini vurğulayıb, təşkilatın Təhlükəsizlik Şurasının qətnamələrinin dərhal və qeyd-şərtsiz yerinə yetirilməsi üzrə üzv-dövlətlərin öhdəliklərinin icrasının əhəmiyyətini qeyd ediblər.

Deputatlar həmçinin tədbir iştirakçılarının diqqətini Ermənistan-Azərbaycan Dağlıq Qarabağ münaqişəsinə, Ermənistan tərəfindən torpaqlarımızın işğalına, bir milyon soydaşımızın qaçqın və məcburi köçkün vəziyyətinə düşməsi faktına cəlb edərək, işğal olunmuş Azərbaycan ərazilərindən işğalçı qüvvələrin tam, dərhal və qeyd-şərtsiz çıxarılmasını tələb edən BMT Təhlükəsizlik Şurasının 4 qətnaməsinin 26 ildən artıqdır ki, Ermənistan tərəfındən icra olunmadığını xüsusi vurğulayıblar. Bununla əlaqədar Milli Məclisin deputatları BMT strukturunda həyata keçiriləcək islahatlar çərçivəsində Təhlükəsizlik Şurasının qətnamələrinin icrası mexanizminin təkmilləşdirilməsi, həmin sənədlərin icrasından imtina edən və ya yayınan üzv-dövlətlərə qarşı sərt cəza tədbirlərinin, o cümlədən ciddi sanksiyaların tətbiq edilməsi təklifi ilə çıxış ediblər.

Dinləmələrdə həmçinin BMT-də və üzv-dövlətlərdə gender bərabərliyi, kütləvi informasiya və kommunikasiya vasitələrinin müasir multilateralizm sisteminə təsiri və digər mövzular ətrafında da müzakirələr aparılıb.

Tədbirdə Azərbaycan Respublikasının BMT yanında daimi nümayəndəliyinin əməkdaşları da iştirak edib.

Ölkə.Az

ŞƏRH YAZ
0

Brüsseldə Ümumavropa Qarabağ mitinqi keçiriləcək — VİDEO

Brüsseldə Ümumavropa Qarabağ mitinqi keçiriləcək
16:06
23.02.2019
2497
Siyasət
A
Diasporla İş üzrə Dövlət Komitəsi dünya azərbaycanlılarına müraciət edib.

"Ölkə.Az" bildirir ki, müraciətdə deyilir:

“Əziz həmvətənlər, dəyərli soydaşlar!

Azərbaycan xalqı hər zaman ümummilli məsələlərdə birlik və bərabərlik nümayiş etdirib. Xaricdə yaşayan soydaşlarımız Azərbaycanın haqq səsinin dünyaya çatdırılmasında daim fəallıq göstərərək Azərbaycanı narahat edən problemlərə biganə qalmayıblar. 

Hər birimizə məlum olduğu kimi, Xocalı soyqırımının 27-ci ildönümü ərəfəsindəyik. Bununla əlaqədar olaraq, dünyanın müxtəlif ölkələrində fəaliyyət göstərən Azərbaycan diaspor təşkilatlarının təşəbbüsü ilə 23 fevralda, yerli vaxtla saat 14:00-da Avropanın siyasi mərkəzi olan Brüsseldə Ümumavropa Qarabağ mitinqi keçiriləcək.

Mitinq zamanı yüzlərlə soydaşımız “Azərbaycan sülh istəyir!”, “Qarabağa geri qayıtmaq istəyirik!” “Xocalıya ədalət!”, “Dilqəm və Şahbaza azadlıq!” şüarları ilə Avropa Parlamentinə və digər nüfuzlu beynəlxalq təşkilatlara çağırış edəcəklər.

Əziz soydaşlarımız, Sizləri mitinqdə fəal olmağa, haqq səsimizin beynəlxalq aləmə çatdırılmasında aktiv iştirak etməyə çağırırıq. 

Dəyərli həmvətənlərimiz, bu, həm Xocalı soyqırımı qurbanlarının, həm də şəhidlərimizin müqəddəs ruhları qarşısında mənəvi borcumuzdur”.

Ölkə.Az

ŞƏRH YAZ
1
BAĞLA