Gürcüstan hökuməti doludan ziyan görən azərbaycanlılara yardım edib

Gürcüstan hökuməti doludan ziyan görən azərbaycanlılara yardım edib
12:28
12.08.2019
1620
Dünya
A
Gürcüstan hökuməti azərbaycanlıların yığcam yaşadığı Marneuli rayonunun təbii fəlakətdən ziyan görən kəndlərinə yardım edib.

"Ölkə.Az" “Report”a istinadən xəbər verir ki, doludan ziyan görən 400-ə yaxın ailə üçün metal dam örtükləri alınıb.

Bunun üçün mərkəzi büdcədən 660 min lari (226 min dollar) vəsait ayrılıb. Dam örtükləri mərhələli şəkildə sakinlərə paylanılacaq.
Kvemo Kartli bölgəsinin qubernator müavini Zviad Çunaşvili, Marneuli rayonunun icra başçısı Zaur Darğallı, müavinləri - Zaur Tabatadze və Laşa Lobcanidze, Marneuli sakrebulosunun sədr müavini Mamuka Naveriani Tsitelsopeli kəndində təbii fəalkətin yaratdığı fəsadların aradan qaldırılması istiqamətində görülən işlərlə yerində tanış olublar.

Qeyd edək ki, ötən ay güclü dolu Marneuli rayonunun beş kəndinə ciddi ziyan vurub. Təbiət hadisəsi zamanı ən çox yaşayış evlərinin dam örtükləri yararsız hala düşüb.

Ölkə.Az

 

ŞƏRH YAZ
0

Məşhur aktyor yol qəzasında öldü — FOTO

Məşhur aktyor yol qəzasında öldü
20:44
Bu gün
404
Dünya
A
Rusiyanın məşhur aktyoru və rejissoru İqor Xomski vəfat edib.

“Ölkə.Az” xəbər verir ki, o, Moskvada yol qəzası keçirib.

İqor Xomskinin avtomobili idarəetmədən çıxıb və başqa avtomobilə çıırpılıb. Ağır xəsarət alan aktyor yerindəcə keçinib.

Ölkə.Az

ŞƏRH YAZ
0

Moskvada 30-dan çox reys təxirə salındı

Moskvada 30-dan çox reys təxirə salındı
16:37
Bu gün
3558
Dünya
A
Rusiyanın paytaxtı Moskvanın hava limanlarında 30-dan artıq reys təxirə salınıb və ya gecikir.

“Ölkə.Az” trend-ə istinadən xəbər verir ki, saat 08:36 üçün "Vnukovo" hava limanında 1 reys gecikir, "Domodedovo" hava limanında isə 27 reys gecikir, 4 reys təxirə salınıb.

Bildirilir ki, "Jukovski" və "Şeremetyevo" hava limanlarında gecikən və təxirə salınan reys yoxdur.

Aviareyslərin gecikməsinin və təxirə salınmasının səbəbi barədə məlumat verilmir.

Ölkə.Az

ŞƏRH YAZ
0
BAĞLA