Gürcüstan prezidenti azərbaycanlıları əfv etdi

Gürcüstan prezidenti azərbaycanlıları əfv etdi
16:50
12.10.2017
308
Dünya
A
"Gürcüstan prezidenti Georgi Marqvelaşvili 226 məhbusun əfv edilməsi barədə fərman imzalayıb. Onların sırasında azərbaycanlılar da var".

"Ölkə.Az"ın məlumatına görə, bunu Report-un Gürcüstan bürosuna açıqlamasında Gürcüstan Əfv Komissiyasının sədri Zviad Koridze deyib. 

Z.Koridze bildirib ki, komissiya sentyabrın 27-dən oktyabrın 4-dək ümumilikdə 1406 məhbusun müraciətinə baxıb: "Onlardan 226-nın əfv olunması barədə Gürcüstan prezidentinə müraciət olunub. Əfv olunanlar arasında qadınlar və azyaşlılar da var”.

Komissiya sədrinin sözlərinə görə, əfv olunanlardan 141-i həbsxanadan bu gün buraxılacaq, 85 nəfərin isə cəzası yüngülləşdirilib: “Gürcüstan prezidenti zaman-zaman məhbusların əfv olunması barədə fərmanlar imzalayıb. Əfv olunanlar arasında Gürcüstan vətəndaşı olan azərbaycanlılar da olub. Yeni əfv olunanlar arasında da azərbaycanlılar var”.

ŞƏRH YAZ
0

Rəqqada ABŞ koalisiyası qurbanlarının minlərlə cəsədi aşkarlandı

Rəqqada ABŞ koalisiyası qurbanlarının minlərlə cəsədi aşkarlandı
00:53
Bu gün
617
Dünya
A
Suriyanın Rəqqa şəhərində dinc sakinlərin dəfn edildiyi kütləvi məzarlıqlar aşkarlanıb: ən azından 1200 cəsəd.

"Ölkə.Az" “Ren.TV”yə istinadla xəbər verir ki, onların əksəriyyəti aviasiya zərbələri nəticəsində dünyalarını dəyişiblər.

Rəqqa Fərat çayının şimal hissəsində yerləşir və razılıq əsasında bu ərazidə yalnız ABŞ-ın başçılıq etdiyi koalisiyanın təyyarələri fəaliyyət göstərib.

Könüllülər hər gün dağıntılar altından yüzlərlə cəsəd çıxarırlar. Eyni zamanda özləri də hər an ölümlə üz-üzədirlər: terrorçular şəhərdə 8 minə yaxın mina basdırıblar. Artıq 900 sakin bu minaların qurbanı olub. 

Məzarlarda terrorçulara və onların qurbanlarına məxsus cəsədlər də tapılır. Amma aviasiya zərbələri zamanı həlak olanlar mütləq üstünlük təşkil edirlər.

Ölkə.Az

ŞƏRH YAZ
0

ABŞ-da kater faciəsində ölənlərin sayı 17-yə çatıb — VİDEO

ABŞ-da kater faciəsində ölənlərin sayı 17-yə çatıb
00:41
Bu gün
435
Dünya
A
ABŞ-ın Missuri ştatındakı Teybl Rok gölündə gəzinti katerinin aşması nəticəsində ölənlərin sayı 17 nəfərə çatıb.

"Ölkə.Az"ın məlumatına görə, bu barədə "NBC" telekanalı xəbər yayıb.

Dairənin şerifi Staoun bildirib ki, ölənlərin sayı daha 4 nəfərin cəsədinin tapılmasından sonra artıb. Onlar itkin düşmüş sayılırdı.

Hadisə zamanı katerdə olan daha 7 nəfər xəstəxanaya yerləşdirilib. Onlardan biri ağır vəziyyətdədir.

Qəzaya uğrayan katerin içində 31 nəfər olub. Hadisəyə güclü küləyin səbəb olduğu ehtimal edilir.

Qeyd edək ki, daha əvvəl hadisə zamanı 13 nəfərin həlak olduğu qeyd edilirdi.

Ölkə.Az

ŞƏRH YAZ
0
BAĞLA