“Gürcüstan” qəzetindən İlham Əliyevə təbrik məktubu

“Gürcüstan” qəzetindən İlham Əliyevə təbrik məktubu
19:02
16.04.2018
2070
Siyasət
A
“Gürcüstan” qəzetinin redaksiyası Prezidenti İlham Əliyevə təbrik məktubu göndərib.

"Ölkə.Az" xəbər verir ki, təbrik məktubunda deyilir: "Çox hörmətli İlham Heydər oğlu! Azərbaycan Respublikasının Prezidenti seçkilərində Sizin şanlı qələbəniz bütün dünya azərbaycanlıları kimi, gürcüstanlı azərbaycanlıların da böyük sevincinə səbəb olmuşdur.

Ümummilli Liderimiz Heydər Əliyev siyasi kursunun layiqli davamçısı kimi Sizin rəhbərliyiniz altında ölkədə həyata keçirilən uğurlu daxili və xarici siyasət nəticəsində Azərbaycanın dünyada nüfuzu artmış, bölgədə liderlik mövqeyi daha da güclənmiş və xalqımız sabitliyin, təhlükəsizliyin tam təminatçısı olan prezidentinə yenidən etimad göstərmişdir.

Cənab Prezident, Sizi inamlı qələbəniz münasibətilə təbrik edir, Azərbaycan Respublikasının rifahı, xalqımızın xoşbəxt gələcəyi, ölkənin ərazi bütövlüyünün bərpası yönümündə böyük uğurlar diləyirik. Əminik ki, Ulu Öndərin siyasi kursuna sədaqətlik nümunəsi həmişə uğur, qələbə gətirəcək, Azərbaycanın qüdrəti artıb çiçəklənəcək, xalqımız İlhamıyla daha xoşbəxt günlərini yaşayacaqdır!".

ŞƏRH YAZ
0

"Fransa Azərbaycanı bir müstəqil tərəfdaş kimi qəbul edir" — Politoloq

10:45
Bu gün
1411
Siyasət
A
Prezident İlham Əliyevin Fransaya səfəri mühüm əhəmiyyət kəsb edir. Bunu Trend-ə açıqlamasında siyasi ekspert Arzu Nağıyev deyib.

Ekspert bildirib ki, Fransa Avropa İttifaqında öz sözünü deyən, eyni zamanda NATO-nun üzvü olan aparıcı dövlətlərdən biridir:

"Azərbaycan dövlətinin Fransa ilə davamlı əlaqələri olub. Fransa ATƏT-in Minsk qrupunun həmsədri olduğu üçün Azərbaycan Prezidenti cənab İlham Əliyev Fransa rəhbərliyi ilə daimi təmasda olub".

A.Nağıyev qeyd edib ki, Prezident İlham Əliyevin Fransaya səfərində əsas məqamlardan biri "Total" şirkətinin rəhbərliyi ilə əlaqələrin müzakirəsi, həmçinin bir sıra müqavilələrin imzalanması istiqamətində aparılan danışıqlardır:

"Bu gün Fransa ilə istər siyasi, iqtisadi, istərsə də hərbi baxımdan yaxın münasibətlərimiz var. Bu gün Azərbaycan Avropanın enerji təhlükəsizliyinə qarşı təhdidin qarşısının alınmasında iştirak edən bir dövlətdir. Fransa Azərbaycanı bir müstəqil tərəfdaş kimi qəbul edir. Eyni zamanda unutmaq lazım deyil ki, Fransada böyük erməni lobbisi fəaliyyət göstərir. Bunun qarşısını almaq üçün də birbaşa təmas çox mühüm əhəmiyyət kəsb edir".

Ölkə.Az

ŞƏRH YAZ
0

“Qarabağ” futbol klubunun rəmzi mənası — Fransa mətbuatı yazır

“Qarabağ” futbol klubunun rəmzi mənası
20:30
21.07.2018
4324
Siyasət
A
Fransanın www.ouest-france.fr portalında “30 minlik əhalisi olan Ağdam kabus şəhərə çevrilib” sərlövhəli məqalə dərc edilib.

"Ölkə.Az" AzərTac-a istinadən xəbər verir ki, məqalədə UEFA Avropa Liqasında mübarizə aparan Ağdamın “Qarabağ” futbol klubu haqqında ətraflı məlumat verilib.

Müəllif klubun doğma şəhəri Ağdamla bağlı maraqlı məqamlara toxunaraq, onun işğal altında olduğunu bildirib. Ermənistan-Azərbaycan, Dağlıq Qarabağ münaqişəsindən bəhs edən müəllif Ağdam şəhərinin strateji əhəmiyyətindən söz açıb. O, Ağdamın buradakı binaların rənginə görə hələ XVIII əsrdə “ağ şəhər” adlandırıldığını yazıb. Ağdamın qədim muzeylərinə dair ətraflı məlumatın verildiyi yazıda müharibə nəticəsində xarabazarlığa çevrilmiş şəhərin “Qafqazın Xirosiması” olduğu diqqətə çatdırılıb.

Ötən il Azərbaycan futbolunun tarixində ilk dəfə UEFA Çempionlar Liqasının qrup mərhələsində çıxış edən “Qarabağ” klubunun bu il avrokuboklarda mübarizəyə əzmkarlıqla başlaması komandanı yenidən qitənin idman mətbuatının diqqət mərkəzinə çevirib. Bu məqamın xüsusi vurğulandığı yazıda klubun 1993-cü ildən etibarən ev oyunlarını doğma şəhərində keçirə bilməməsi qeyd edilib, Ağdamın “kabus şəhəri”n təmsilçisi olduğu diqqətə çatdırılıb.

Ölkə.Az

ŞƏRH YAZ
0
BAĞLA