KORONAVİRUSA YOLUXANLARIN SAYI - CANLI STATİSTİKA

Gürcüstan quru sərhədlərindən ölkəyə girişlə bağlı qaydaları sərtləşdirdi

Gürcüstan quru sərhədlərindən ölkəyə girişlə bağlı qaydaları sərtləşdirdi
22:44
26.03.2020
1208
Dünya
A
Koronavirusun yayılmasının qarşısını almaq məqsədi ilə Gürcüstan quru sərhədlərindən ölkə ərazisinə giriş qaydalarını sərtləşdirib.

"Ölkə.Az" APA-ya istinadən xəbər verir ki, bu barədə Gürcüstan Baş Nazirinin rəhbərlik etdiyi Qurumlararası Koordinasiya Şurası qərar qəbul edib.

Qərara əsasən bundan sonra ölkə ərazisinə quru yolu ilə yalnız “Sınıq Körpü” (Azərbaycan-Gürcüstan), “Sadaxlı” (Gürcüstan-Ermənistan), “Sarp” (Gürcüstan-Türkiyə) və “Kazbegi” (Gürcüstan-Rusiya) sərhəd-keçid məntəqələrindən daxil olmaq mümkün olacaq.

Qeyd edək ki, martın 21-dən etibarən Gürcüstanda fövqəladə vəziyyət elan edilib. Bu vaxta qədər ölkə ərazisində 77 nəfərdə virusa yoluxma təsdiqlənib.

Ölkə.Az

ŞƏRH YAZ
0

Azərbaycanın 42 vətəndaşının Türkiyə və Bolqarıstana keçidi təmin edildi

Azərbaycanın 42 vətəndaşının Türkiyə və Bolqarıstana keçidi təmin edildi
22:17
29.03.2020
669
Dünya
A
Azərbaycanın Türkiyədəki səfirliyi bölgədə koronavirus pandemiyası başlayandan etibarən dövlət siyasətinin bir hissəsi kimi ölkə vətəndaşlarına mümkün dəstəyin göstərilməsi istiqamətində fəaliyyətini davam etdirir.

"Ölkə.Az" bildirir ki, səfirlikdən report-a verilən məlumatda bildirilir ki, Nazirlər Kabineti yanında Operativ Qərargah tərəfindən müəyyən olunduğu kimi, ilk növbədə, xüsusi ehtiyac duyan vətəndaşlarımızın ölkəmizə geri qayıtmasının təmin edilməsi daxil olmaqla müvafiq tibbi ləvazimatların əldə edilməsi, təcrübə mübadiləsinin aparılması, Türkiyə daxilində vətəndaşlarımız üçün inzibati və lojistik məsələlərin həlli və digər istiqamətlərdə son iki həftədə gün ərzində gücləndirilmiş rejimdə fəaliyyət göstərib. 

"Eyni zamanda Bolqarıstan-Türkiyə sərhədində Türkiyəyə girişləri qadağan olan ölkələrdən gələn vətəndaşlarımızın bu ölkəyə keçidini təmin etmək üçün ilk olaraq sərhəddə qalan 28 azərbaycanlının sərhədi keçməsinə nail olunub, daha sonra neytral zonada qalan 14 vətəndaşımızdan 11-nin Bolqarıstana keçməsinə şərait yaradılıb, sərhəddə qalan digər 3 vətəndaşımızın isə Türkiyəyə keçidini təmin etmək üçün iki həftədir bütün rəsmi diplomatik kanallarla təmaslar saxlanılıb. Bu gün həmin 3 vətəndaşımızın Türkiyə ərazisində iki gün karantində qalmaq şərtilə xarici vətəndaşlar üçün tam bağlı olan sərhədi keçməsi təmin edilib. Bunun üçün biz Türkiyə hökumətinə, xüsusilə də Türkiyə Xarici İşlər Nazirliyinə dərin minnətdarlığımızı bildiririk", - məlumatda qeyd olunub. 

Məlumatda həmçinin vurğulanıb ki, Azərbaycanın Türkiyədəki səfirliyi tam tərkibdə və gücləndirilmiş rejimdə fəaliyyət göstərərək ölkə vətəndaşlarının üzləşdiyi məsələlərin konsulluq yardımı müstəvisində həllinə dəstək verməkdə davam edir.

ŞƏRH YAZ
0

Türkiyədə koronavirus dəhşəti davam edir — 1815 yeni yoluxma, 23 yeni ölüm

Türkiyədə koronavirus dəhşəti davam edir
21:59
29.03.2020
835
Dünya
A
Türkiyədə yeni növ koronavirusdan (COVID-19) ölənlərin sayı artıb.

"Ölkə.Az" xəbər verir ki, bu barədə ölkənin Səhiyyə naziri Fahrettin Koca açıqlama verib.  

“Twitter”də paylaşım edən nazir bildirib ki, son sutka ərzində ölkədə 23 nəfər bu xəstəlikdən ölüb. Beləliklə, ümumi ölənlərin sayı 131 olub. 

9982 nəfər koronavirus şübhəsi ilə testdən keçib, onlardan 1815-nin cavabı pozitiv çıxıb. Bununla da Türkiyədə koronavirusa yoluxanların sayı 9217-ə çatıb. 

Ölkədə indiyədək yoluxanlardan 568 xəstə ağır vəziyyətdədir, 105 xəstə isə sağalıb. oxu.az

Resim

ŞƏRH YAZ
0
BAĞLA