Gürcüstan Saakaşvilinin ekstradisiyası üçün Polşaya sorğu göndərdi
"Ölkə.Az" xəbər verir ki, bu məlumatı Gürcüstanın ədliyyə naziri Teya Tsulukiani verib. Nazir bəyan edib ki, Gürcüstan prokurorluğu Saakaşvilinin ekstradisiyası üçün Ukraynaya göndərdiyi sorğunu ləğv etməyəcək.
Teyanın sözlərinə əsasən, ötən il Saakaşvili Polşada olanda Gürcüstan prokurorluğu Varşavadan siyasətçinin ekstradisiyasını tələb edib.
Saakaşvili isə, Almaniyanın kansleri Angela Merkel və Avropa İttifaqından yardım istəyib. Siyasətçi bildirib ki, Kiyevdə maskalı şəxslər ona hücum edərək, təyyarə ilə Polşaya aparıblar:
"Buna görə məsuliyyəti Ukrayna prezidenti Pyotr Poroşenko daşıyır. Əgər Avropa İttifaqı və Angela Merkel tədbir görməsə, Ukrayna dağılacaq. Poroşenko ölkəni dağıdır".
Qeyd edək ki, Saakaşvili qanuni yollarla Ukraynaya qayıdaraq mübarizəsini davam etdirmək istəyir.
Hikmət Həsənov
Ölkə.Az
