Gürcüstanda azərbaycanlı mer saxlanıldı
Gürcüstanın Marneuli rayonunun İcra Hakimiyyəti başçısı Temur Abazovu 6 ilə qədər həbs cəzası gözləyir.
"Ölkə.Az"ın APA-ya istinadən verdiyi məlumatına görə, T. Abazovla bağlı istintaq Cinayət Məcəlləsinin 144-cü maddəsinin "e" (Qeyri-insani və ləyaqəti alçaldan rəftar) bəndi üzrə aparılır.
***
“Ölkə.Az” xəbər verir ki, bu barədə Gürcüstan prokurorluğu məlumat yayıb. Prokurorluqdan verilən məlumata görə, merin saxlanılmasına səbəb onun Marneuli sakinləri ilə qeyri-etik davranışlarıdır.
Hazırda prokurorluq araşdırmalara başlayıb.
Bir müddət əvvəl Tiflisdə keçirilən aksiyada Bidzin İvanişvili və Marneuli merini təhqir edən şəxsin videosu yayılmışdı. Sonradan isə onun təhqir edildiyi video çarx da yayılmışdı.
Hikmət Həsənov
Ölkə.Az
