Gürcüstanda müxalifətçilər deputatları parlamentə buraxmırlar
“Ölkə.Az” xəbər verir ki, Gürcüstan müxalifəti və onların tərəfdarları parlament binası ətrafında barikada quraraq ölkədə növbədəmkənar parlament seçkilərinin keçirilməsini tələb edirlər. Parlamentə gəlmək istəyən deputatları isə binaya buraxmırlar.
Müxalifətçilər parlament binası ətrafında çadır quraraq, ətrafda qum dolu kisələri düzüblər.
Deputat Revaz Arveladze sosial şəbəkədə paylaşdığı statusda yazıb ki, aksiya işçtirakçılı onu bina girməyə qoymaraq, “Get buradan!” tələbini səsləndirdilər. Digər deputatlar Qiya Jorjoliani və Merab Kvariya parlamentə getmək istəyərkən, aksiya iştirakçıları ilə aralarında toqquşma yaranıb. Deputatlar nacaq polisin yardımı ilə ərazidən uzaqlaşdırıla bilib.
Bu səbəbdən də parlamentdə müzakirəyə çıxarılan konstitusiyaya dəyişikliklər barədə qərar qəbul etmək mümkün olmayıb. Dəyişikliklər parlamentə seçkilər qarışıq sistemdən proporsional seçki sisteminə keçməsini nəzərdə tutur.
Ölkə.Az