Gürcüstanın maliyyə naziri: “Azərbaycanda kimya sənayesinə böyük həcmdə investisiyalar qoyulur”

Gürcüstanın maliyyə naziri: “Azərbaycanda kimya sənayesinə böyük həcmdə investisiyalar qoyulur”
23:45
22.03.2018
1650
Ölkə
A
“Son illərdə Mərkəzi Asiya ölkələri və Azərbaycanda kimya sənayesinə böyük həcmdə investisiyaların qoyulduğunu müşahidə edirik”.

 

APA-nın yerli bürosunun məlumatına əsasən, bu barədə Gürcüstanın maliyyə naziri Mamuka Baxtadze Batumi limanında yeni terminalın inşası ilə bağlı investisiya razılaşmasının imzalanması mərasimində deyib.

 

Nazir bildirib ki, bu investisiyalar Gürcüstana Xəzər dənizi hövzəsində yaxın gələcəkdə yaranacaq yüklərin cəlb olunması üçün nəqliyyat infrastrukturunu inkişaf etdirməyə əsas verir.

M.Baxtadze qeyd edib ki, Gürcüstan hökumətinin məqsədi ölkəni nəqliyyat və loqistika habına çevirməkdir. “Gürcüstan müasir İpək yolu kimi əhəmiyyətli nəqliyyat dəhlizlərinin inkişafında vacib rol oynayır. Biz Anaklia dərin dəniz limanı, Gürcüstan dəmir yollarının modernləşdirilməsi, Bakı-Tbilisi-Qars dəmir yolu, Şərq-Qərb avtomagistralı, Tbilisi və Kutaisidə loqistika mərkəzlərinin inşası kimi çox əhəmiyyətli layihələri reallaşdırırıq. Bu layihələrin məqsədi Gürcüstanı regionda nəqliyyat və loqistika mərkəzinə çevirməkdir və bu da öz növbəsində ölkəyə çoxlu dividentlər gətirəcək, yeni iş yerlərinin yaradılmasına imkan verəcək”.    

 

Qeyd edək ki, investisiya razılaşmasına əsasən, “Wondernet Express” beynəlxalq loqistika şirkəti Batumidə yeni multimodal terminalın inşasına 20 mln. dollar investisiya yatıracaq. Layihənin reallaşmasından sonra Mərkəzi Asiya ölkələrindən mineral gübrələr Batumi limanı vasitəsilə dünya bazarlarına nəql olunacaq. Yeni müasir terminal Mərkəzi Asiya-Azərbaycan-Gürcüstan loqistika dəhlizinin bir hissəsi olacaq.

Ölkə.Az

ŞƏRH YAZ
0

Bu gün hava yağmursuz olacaq

Bu gün hava yağmursuz olacaq
09:00
Bu gün
1163
Ölkə
A
Azərbaycanda şənbə gününə gözlənilən hava şəraiti açıqlanıb.

Ekologiya və Təbii Sərvətlər Nazirliyinin Hidrometeoroloji proqnozlar bürosundan "Ölkə.Az"a verilən məlumata görə, sabah Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Lakin gecə və səhər bəzi yerlərdə yağış yağacağı ehtimalı var. Şimal-qərb küləyi gündüz mülayim cənub-qərb küləyi ilə əvəz olunacaq.

Havanın temperaturu gecə 5-7° isti, gündüz 9-13° isti, Bakıda gecə 5-7° isti, gündüz 10-12° isti təşkil edəcək.

Atmosfer təzyiqi 765 mm civə sütunundan 760 mm civə sütununa enəcək. Nisbi rütubət gecə 70-75 %, gündüz 55-60 % olacaq.

Azərbaycanın rayonlarında martın 23-də hava əsasən yağmursuz keçəcək. Gecə və səhər bəzi yerlərdə duman olacağı, şərq rayonlarında çiskinli yağış yağacağı gözlənilir. Lakin axşama doğru isə bəzi qərb rayonlarında yağış yağacağı ehtimalı var. Mülayim qərb küləyi əsəcək. Havanın temperaturu gecə 3-8° isti, gündüz 12-17° isti, dağlarda gecə 2° şaxtadan 3°-dək isti, gündüz 5-10° isti təşkil edəcək. 

Ölkə.Az

ŞƏRH YAZ
0

Azərbaycanla Pakistan arasında hərbi əməkdaşlığın inkişafı müzakirə olunub

Azərbaycanla Pakistan arasında hərbi əməkdaşlığın inkişafı müzakirə olunub
20:10
22.03.2019
26953
Ölkə
A
Pakistan İslam Respublikasında rəsmi səfərdə olan Azərbaycan Respublikasının Müdafiə naziri general-polkovnik Zakir Həsənov martın 22-də bu ölkənin Birləşmiş Qərargah rəisləri Komitəsinin sədri general Zübair Mahmud Həyat ilə görüşüb.

Müdafiə Nazirliyindən Trend-ə verilən məlumata görə, görüşdə Azərbaycan ilə Pakistan arasında təhlükəsizlik, müdafiə, hərbi, hərbi-texniki və hərbi təhsil sahələrində, eləcə də terrorizmə qarşı mübarizədə əməkdaşlığın daha da inkişaf etdirilməsi, döyüş hazırlığı, ekspert qrupları səviyyəsində qarşılıqlı səfərlərin təşkili, iki ölkə ordularının bütün qoşun növləri arasında əlaqələrin genişləndirilməsi, habelə qarşılıqlı maraq doğuran digər məsələlər müzakirə olunub.

Ölkə.Az

ŞƏRH YAZ
0
BAĞLA