Hacı Məmmədovdan xəbər var

Hacı Məmmədovdan xəbər var
22:25
20.04.2017
95
Hadisə
A
Adam oğurluğu, çoxsaylı qətllər və digər ağır cinayətlər törədən mütəşəkkil cinayətkar dəstənin başçısı kimi ömürlük azadlıqdan məhrum edilmiş, Daxili İşlər Nazirliyinin Baş Cinayət Axtarış İdarəsinin sabiq baş əməliyyat müvəkkili, hazırda həbsdə olan Hacı Məmmədov müalicə olunduğu Ədliyyə Nazirliyinin İxtisaslaşdırılmış Müalicə müəssisəsində vəkili ilə görüşüb.

Ölkə.Az Trend-ə istinadən bildirir ki, bu barədə vəkil Afət Qazıyeva məlumat verib. Vəkil bildirib ki, görüş zamanı müvəkkilinin səhhəti və saxlanma şəraiti ilə maraqlanıb: "Özünü normal hiss edir, müalicələri müsbət nəticə verib. Saxlanma şəraitindən şikayəti yoxdur. Hazırda müalicəsi həkim nəzarətində davam etdirilir. Hələlik onun müalicə müəssisəsindən köçürüləcəyi ilə bağlı dəqiq məlumat yoxdur".

H.Məmmədov 2016-cı il aprelin 25-də səhhətindəki problemlə bağlı Penitensiar Xidmətin Binə qəsəbəsindəki İxtisaslaşdırılmış Müalicə müəssisəsinə köçürülüb. Ona ağciyər xəstəliyi ilə bağlı diaqnoz qoyulub.

Qeyd edək ki, 2015-ci il oktyabrın 17-də Milli Təhlükəsizlik naziri Eldar Mahmudov vəzifəsindən azad olunandan sonra H.Məmmədov barəsində olan cinayət işinin yenilənməsi və işdə yeni hal olması ilə bağlı Baş Prokurorluğa, Dövlət Təhlükəsizliyi Xidmətinə və Ali Məhkəməyə müraciət etmişdi. Ali Məhkəmə müraciəti plenuma çıxarmayaraq işi baxılmamış saxlayıb.

Daxili İşlər Nazirliyinin Baş Cinayət Axtarış İdarəsinin sabiq baş əməliyyat müvəkkili, polkovnik-leytenant H.Məmmədov 2005-ci il martın 10-da artıq ləğv olunmuş Milli Təhlükəsizlik Nazirliyinin keçirdiyi "Qara kəmər" əməliyyatı nəticəsində mütəşəkkil dəstə üzvləri ilə birlikdə həbs edilib. H.Məmmədov həmin il fevralın 10-da Beynəlxalq Bankın İdarə heyətinin hazırda həbsdə olan sabiq sədri Cahangir Hacıyevin həyat yoldaşı Zamirə Hacıyevanı oğurlayandan sonra Milli Təhlükəsizlik Nazirliyi mütəşəkkil dəstənin üzvlərinin izinə düşərək bir ay sonra onları zərərsizləşdirib.

2006-cı ildə Bakı Ağır Cinayətlər Məhkəməsinin hökmü ilə H.Məmmədov və dəstənin üzvü kimi təqsirləndirilən, həmin vaxt Daxili İşlər Nazirliyinin Baş Cinayət Axtarış İdarəsinin rəisi vəzifəsində çalışan general Zakir Nəsirov və bir neçə dəstə üzvü ömürlük azadlıqdan məhrum edilib. Z. Nəsirovun cəzası bu ilin mart ayında 15 illik cəza ilə əvəz edilib və cəzasının çəkilməmiş hissəsi bağışlanaraq azadlığa buraxılıb.

ŞƏRH YAZ
0

Xəzərdə zəlzələ

Xəzərdə zəlzələ
22:18
20.05.2018
2047
Hadisə
A
Xəzər dənizində zəlzələ baş verib.

"Ölkə.Az"ın Azərbaycan Milli Elmlər Akademiyası nəzdində Respublika Seysmoloji Xidmət Mərkəzinə istinadən məlumata görə, yerli vaxtla saat 20:48-də Xəzər dənizində zəlzələ qeydə alınıb.

Maqnitudası 3,1 bal olan və 61 km dərinlikdə yerləşən zəlzələ hiss olunmayıb.

Ölkə.Az

ŞƏRH YAZ
0

Zaqatalada iki maşın toqquşdu — Yaralananlar var

Zaqatalada iki maşın toqquşdu
22:01
20.05.2018
1560
Hadisə
A
Zaqatalada iki minik avtomobilinin toqquşması nəticəsində 4 nəfər xəsarət alıb.

"Ölkə.Az"ın APA-ya istinadən məlumatına görə, hadisə bu gün Yevlax-Zaqatala- Gürcüstan sərhəd magistral yolunun 132-ci kilometrliyində, Zaqatala rayonu Qazangül qəsəbəsi ərazisindən keçən hissəsində baş verib.

Balakən şəhər sakini 1973-cü il təvəllüdlü Telman Sabir oğlu Kazımovun idarə etdiyi “VAZ 2109” markalı 10 MK 147 dövlət nömrə nişanlı minik avtomobili ilə Zaqatala şəhər sakini Şaban Ərəb oğlu Ərəbovun idarə etdiyi “VAZ 2108” markalı 62 BH 813 dövlət nömrə nişanlı minik avtomobili toqquşub. Qəzadan sonra VAZ 2109 markalı avtomobildə sərnişin qismində olan Balakən rayonu Qazbinə kənd sakini 1997-ci il təvəllüdlü Arzu Rəcəb qızı Bayramova, VAZ 2108 markalı avtomobilin sürücüsü Şaban Ərəbov, onun avtomobilində olan sərnişinlər Zaqatala rayonu Yuxarı Tala kənd sakini 1992-ci il təvəllüdlü Nübar Cəmal qızı Hacıyeva və Balakən rayonu Qullar kənd sakini 1983-cü il təvəllüdlü Aynurə Təmraz qızı İsayeva Zaqatala Mərkəzi Rayon Xəstəxanasına (MRX) aparılıblar.

MRX-dan bildirilib ki, yaralılardan Arzu Bayramova xəstəxananın reanimasiya şöbəsinə,  Şaban Ərəbov isə cərrahiyə şöbəsinə yerləşdiriliblər, vəziyyətləri orta-ağır qiymətləndirilir.  Digər yaralılar Nübar Hacıyeva və Aynurə İsayevanın vəziyyətləri yüngül olduğundan onlara xəstəxanada yardım göstərildikdən sonra ambulator müalicə almaq şərti ilə evə buraxılıblar.

Faktla bağlı DİN-nin Dövlət Yol Polisi İdarəsinin Baş İstintaq və Təhqiqat bölməsində araşdırma aparılır.

Ölkə.Az

ŞƏRH YAZ
1
BAĞLA