Hacı Nuran Rafael Dadaşovun ölüm SƏBƏBİNİ AÇIQLADI

“Ölkə.Az” xəbər verir ki, bu sözləri Hacı Nuran “İnstagram” səhifəsində Xalq artisti Rafael Dadaşov haqqında yazıb.

Teleaparıcı Xalq artistinin ölümünə kədərlənərək, belə qeyd edib:

“O, Azərbaycan teatr sənətinin Alen Delonu idi çünki, o,  bizim səhnəmizin Rafael Dadaşovu idi. Onsuz Akademik Milli Dram Teatrını təsəvvür etmirəm mən. Hələ deyərdim ki, kino sahəsi də onsuz yetim qaldı. Rafael Dadaşov o xarizmatik sənətkarlardan idi ki, onun üçün intihar edən gənc qızlar vardı. O, isə son nəfəsinə qədər bir qadını sevdi. Bir də səhnəyə xəyanət etmədi Rafael. Rafael - italyanca mələk deməkdir. Bu gün Rəfael Dadaşov cənnət mələkləri ilə görüşdü. Çox ağır itkidir. Övladlarına, ələlxüsus dostum Səidə Dadaşovaya başsağlığı verirəm. Sözün aciz qaldığı məqamdır. Başın sağ olsun, Azərbaycan səhnəsi! Səndən bir Rafael Dadaşov getdi. Yeri görünəcək, dolmayacaq sənətlar. Ruhun şad olsun!”.

Xatırladaq ki, bir müddət öncə Xalq artisti Rafael Dadaşovun onkoloji xəstəlikdən əziyyət çəkdiyi haqda xəbərlər yayılıb. Lakin bu onun ailəsi tərəfindən təkzib edilib.

Qeyd edək ki, Xalq artisti matrın 16-sı 74 yaşında uzun sürən xəstəlikdən vəfat edib.

Ölkə.Az