Hadisə "Gelandewagen"lə yox, "Toyota" ilə törədilibmiş — Prokurorluqdan açıqlama (YENİLƏNİB)

Hadisə
10:49
14.11.2017
9444
Hadisə
A
Dünən Suraxanı rayonu ərazisində taksi sürücüsünün həyatını itirməsiylə nəticələnən yol-nəqliyyat hadisəsinin təfərrüatı məlum olub.

Suraxanı Rayon Prokurorluğundan "Ölkə.Az"a verilən məlumata görə, 1959-cu il təvəllüdlü Bakı şəhər sakini, II qrup əlil Vəliyev Abbas Əli oğlu 90-xx747 dövlət nömrə nişanlı "Toyota" markalı avtomobillə yolun hərəkət hissəsində Naxçıvan Muxtar Respublikası, Şərur rayon sakini 1971-ci il təvəllüdlü Quliyev Natiq Məmməd oğlunu vurub. Prokurorluğun məlumatında bildirilir ki, Vəliyev Abbas Əli oğlu hadisəni törədəndən sonra hadisə yerindən qaçmayıb.

Faktla bağlı Suraxanı rayon polis idarəsinin istintaq şöbəsində Cinayət Məcəlləsinin 263.2 maddəsi ilə cinayət işi başlanılıb. 

Qeyd edək ki, ötən gün saytımızda gedən informasiyada hadisənin " Gelandewagen" markalı maşınla məmur oğlu tərəfindən törədildiyi bildirilirdi. Ancaq Suraxanı Rayon Prokurorluğuyla apardığımız dəqiqləşdirmədən sonra hadisənin "Toyota" markalı avtomobillə törədildiyini məlum oldu. 

Ölkə.Az

***

Aeroport yolunda dəhşətli qəza baş verib. 

"Ölkə.Az"ın məlumatına görə, "Mercedes Gelandewagen" markalı avtomobil yol kənarında dayanmış digər «Mercedes» markalı avtomobilə çırpılıb. 

Hadisə nəticəsində vurulan "Mercedes"in sürücüsü, Naxçıvan şəhər sakini olan Natiq adlı şəxs yerindəcə keçinib. 

Ölkə.Az

ŞƏRH YAZ
0

Suraxanı rayonunda 2 nəfər bir gündə itkin düşdü

Suraxanı rayonunda 2 nəfər bir gündə itkin düşdü
11:25
Bu gün
193
Hadisə
A
İtkin düşmə faktı ilə bağlı hər iki şəxsin yaxınları Suraxanı RPİ-nin 30-cu polis bölməsinə məlumat verib.

“Ölkə.Az”-ın xəbərinə görə, Binə Südçülük Sovxozunda yaşayan, 2002-ci il təvəllüdlü İsmayılov Samid Çingiz oğlu itkin düşüb. 

Bu barədə 16 yaşlı yeniyetmənin yaxınları Suraxanı RPİ-nin 30-cu polis bölməsinə məlumat veriblər. 

Digər itkin düşən şəxs isə Hövsan qəsəbəsi, Quşçuluq yaşayış massivində yaşayan 1963-cü il təvəllüdlü Həsənova Fatma Ağamusa qızıdır. 

Onun itkin düşməsi barədə də yaxınları hüquq-mühafizə orqanlarına məlumat verib.

 Hazırda hər iki şəxsin müəyyənləşdirilməsi istiqamətində əməliyyat-axtarış tədbirlərinə başlanılıb.

ŞƏRH YAZ
0

Nərimanovda Yevlax rayonundan olan qaraçı qadın qəzanın qurbanı olub

Nərimanovda Yevlax rayonundan olan qaraçı qadın qəzanın qurbanı olub
09:27
Bu gün
302
Hadisə
A
Hadisə Abdulvahab Salamzadə küçəsi ilə Azadlıq prospektinin kəsişməsində qeydə alınıb.

“Ölkə.Az”-ın xəbərinə görə, piyada, Yevlax rayon sakini 1976-cı il təvəllüdlü Abdullayeva Ruhiyyə Əlizadə qızı  dilənçiliklə məşğul olan zaman onu yüksək sürətlə hərəkət edən "188" evakuasiya və yükdaşıma xidmətinə məxsus Huseynli Mirceyhun Mirbalabəy oğlunun idarə etdiyi "İsuzu" markalı avtomobil vurub. Qadın hadisə yerində keçinib. Hadisə yerinə rayonun hüquq-mühafizə orqanlarının əməkdaşları gəlib və ilkin müayinələr aparıblar. 

Faktla bağlı Nərimanov Rayon Polis İdarəsində cinayət məcəlləsinin 263.2-ci maddəsi ilə cinayət işi başlanıb. Sürücü ifadəsinin alınması üçün rayon polis idarəsinə gətirilib, araşdırma aparılır.

ŞƏRH YAZ
1
BAĞLA