Hakim əmisinin adından istifadə edib məhkəmə qərarını icra etmir — ŞOK İDDİA

Hakim əmisinin adından istifadə edib məhkəmə qərarını icra etmir
17:44
22.08.2017
322
Ölkə
A

"Ölkə.Az" xəbər verir ki, Bakı şəhər sakini Həsənova Sevda İbrahimovna tərəfindən Femida.az-a müraciət daxil olub. Vətəndaş müraciətində cavabdeh tərəfin məhkəmənin qanuni qüvvəyə minmiş hökmünü icra etmədiyini və hakim əmisinin adından istifadə edib, məsuliyyətdən yayındığını iddia edib.

Xanımın sözlərinə görə, 2013-cü ildə makler kimi tanıdığı Mürsəqulov Fuad Fikrət oğluna torpaq sahəsini sənədləşdirmək üçün 3000 (üç min) dollar məbləğində pul verib. Amma qarşı tərəf pulu aldıqdan sonra heç bir iş görməyib. Şikayətçinin sözlərinə görə, bundan sonra məhkəməyə müraciət edib. Məhkəmədə bütün faktlar sübuta yetirilib. Nərimanov Rayon Məhkəməsində onun xeyrinə qərar qəbul olunmasına baxmayaraq bu günə qədər məhkəmənin qanuni qüvvəyə minmiş hökmü yerinə yetirilmir. 

Sevda Həsənovanın iddialarına görə, cavabdeh şəxs Mursaqulov Fuad Bakı Apellyasiya Məhkəməsinin hakimi Vaqif Mursaqulovun qardaşı oğludur. 

Cavabdeh şəxs əmisinin adından istifadə edərək məsuliyyət yayınır. Femida.az-a təqdim olunan sənədlərdən də aydın olur ki, Nərimanov rayon Məhkəməsinin 07 mart 2016-cı il tarixdə çıxardığı qərardadda cavabdeh şəxs Mursaqulov Fuad Fikrət oğluna məxsus “Nissan Maxima” markalı 10 kz 147 dövlət qeydiyyat nişanlı avtomobilinə həbs qoyulması qərara alınıb. Amma cavabdeh tərəf həmin avtomobili köhnə tarixlə başqa bir şəxsə satıb.

Sevda Həsənovanın sözlərinə görə, cavabdeh tərəf bu cür yollarla ona ödənilməli olan 2500 ABŞ dollarını və 30 manat məhkəmə rüsumunu ödəməkdən yayınır. Buna baxmayaraq ona qarşı heç bir qanuni tədbirlər görülmür. 

Məhkəmə qərarları necə icra edilməlidir?

Azərbaycan Respublikası Konstitusiyanın 129-cu maddəsinə görə Məhkəmənin qəbul etdiyi qərarlar dövlətin adından çıxarılır və onların icrası məcburidir. Məhkəmə qərarının icra olunmaması qanunla müəyyən edilmiş məsuliyyətə səbəb olur.

İcra haqqında Azərbaycan Respublikası Qanununun 8-ci maddəsinə əsasən icra məmuru icra sənədini aldığı vaxtdan üç gün müddətində icraata başlamaq haqqında qərar qəbul edir, qərarın surəti onun qəbul edildiyi vaxtdan bir gün müddətində tələbkara, borcluya, habelə icra sənədini vermiş məhkəməyə və ya digər orqana göndərir.

Bu Qanunun 12.1-ci maddəsinə görə isə icra məmuru icra sənədini aldığı gündən iki ay müddətində icra hərəkətlərini həyata keçirməli və icra sənədində göstərilən tələblərin icra olunmasını təmin etməlidir. 

Qanunun 43.1-ci maddəsinə əsasən borclu verilmiş müddət ərzində məhkəmə qərarını könüllü icra etməzsə, icra məmuru məcburi icra tədbirlərinə başlamaqla, icra tələbini borclunun əmlakına, əmək haqqına, pensiyasına və sair gəlirlərinə yönəltməlidir.
Məhkəmə qərarının icrasının gecikdirilməsinə xüsusi hallarda haqq qazandırıla bilər. Amma bu gecikdirmə xeyrinə çıxarılmış məhkəmə qərarının davamlı olaraq icra edilməməsi tələbkarın məhkəmə işində uğur qazanmasını mənasız etməməlidir. İcra sənədinin icra edilmədiyi təqdirdə, icra məmurundan Ədliyyə Nazirliyinin İcra Baş İdarəsinə, İnzibati-İqtisadi Məhkəməsinə və İnsan Hüquqları Üzrə Müvəkkilə müraciət edilməsi nəzərdə tutulmuşdur. AİHM-də məhkəmə qərarının icra olunmamasını konvensiyanın 6-cı maddəsinin pozuntusu kimi tanınmışdır.

Azərbaycan Respublikasının insan hüquqları üzrə müvəkkili (ombudsman) haqqında Azərbaycan Respublikasının Konstitusiya Qanununun 1-maddəsinin 1.6-cı bəndinə əsasən Müvəkkilin məhkəmələrdə süründürməçilik, sənədlərin itirilməsi və vaxtında verilməməsi, habelə məhkəmə qərarlarının icrasının gecikdirilməsi ilə əlaqədar insan hüquqlarının pozulmasına dair şikayətlərə baxmaq hüququ vardır.

Ölkə.Az

ŞƏRH YAZ
0

Azərbaycanda deputat vəfat edib

Azərbaycanda deputat vəfat edib
01:29
Bu gün
2576
Ölkə
A
Naxçıvan Müəllimlər İnstitunun rektoru, pedeqogika üzrə elmlər doktoru, Əməkdar elm xadimi Oruc Həsənli uzun sürən xəstəlikdən sonra vəfat edib.

"Ölkə.Az"ın "Report"a istinadən məlumatına görə, 1950-ci il avqustun 15-də Şərur rayonunun Ələkli kəndində anadan olan Oruc Həsənli ölkəmizdə pedeqoji kadrların hazırlanmasında mühüm xidmətlər göstərib. AMEA-nın müxbir üzvü olan professor O.Həsənli 200-dən artıq elmi əsər, kitab və monoqrafiyanın müəllifi kimi də tanınır.

2010-cu ildən Naxçıvan Müəllimlər İnstitutunun rektoru vəzifəsində çalışan alim həm də Naxçıvan Muxtar Respublikası Ali Məclisinin deputatı, Naxçıvan Muxtar Respublikası Ali Məclisinin sədri yanında Bilik Fondunun Himayəçilik Şurasının üzvü olub.

Oruc Həsənli Azərbaycan Respublikası Prezidentinin 3 oktyabr 2007-ci il tarixli Sərəncamı ilə Azərbaycan Respublikasının "Tərəqqi" medalı ilə təltif olunub.

Allah rəhmət eləsin!

Ölkə.Az

ŞƏRH YAZ
0

Əsgərimiz atdan yıxıldı, dünyasını dəyişdi

Əsgərimiz atdan yıxıldı, dünyasını dəyişdi
23:47
18.06.2018
3791
Ölkə
A
Dövlət Sərhəd Xidmətinin əsgəri Cəlilabad rayonunda bədbəxt hadisə nəticəsində həlak olub.

"Ölkə.Az"ın "Report"a istinadən məlumatına görə, Göytəpə Sərhəd Dəstəsinin əsgəri, 1999-cu il təvəllüdlü Qusar rayon sakini Həmidov Ayaz Zabil oğlu bədbəxt hadisə nəticəsində vəfat edib.

İlkin məlumata görə, əsgər xidməti vəzifəsini yerinə yetirən zaman atdan yıxılıb. Nəticədə o, ölüb.

Əsgərin meyiti Məhkəmə Tibbi-Ekspertiza və Patoloji Anatomiya Birliyinin Cəlilabad Rayon şöbəsində müayinə edilib.

Faktla bağlı müvafiq orqanlar tərəfindən araşdırma aparılır.

Ölkə.Az

ŞƏRH YAZ
0
BAĞLA