Hakim oğrulara vaxt verdi — Zərər ödənilsin

Hakim oğrulara vaxt verdi
13:03
19.09.2018
1180
Ölkə
A
Bu gün Bakı Ağır Cinayətlər Məhkəməsində tanınmış idmançı Fəridə Əzizovanın evindən külli miqdarda pul oğurlamaqda təqsirləndirilən Nicat İsrafilov və Nərgiz Fərəcovanın cinayət işi üzrə məhkəmə prosesi davam etdirilib.

“Ölkə.Az” xəbər verir ki, hakim Azad Məcidovun sədrliyi ilə keçirilən prosesdə təqsirləndirilən N.İsrafilovun vəkili müdafiə çıxışı edib.

Vəkil müvəkkilinə yüngül cəza verilməsini istəyib. Sonra təqsirləndirilən N.Fərəcovanın anası Rəna Fərəcova da məhkəmədən vaxt istəyib. Məhkəmə zərərçəkmişə zərərin ödənilməsi üçün vaxt verib.

Qeyd edək ki, ötən ilin sentyabrında Azərbaycanın peşəkar taekvondoçusu, dünya və Avropa çempionatlarının mükafatçısı Fəridə Əzizovanın Yasamal rayonu ərazisində yerləşən mənzilindən içərisində 70 min manata yaxın pul olan seyf oğurlanıb.

Hadisədən bir neçə ay sonra idmançının evindən içərisində 35000 manat və 18800 dollar olan seyfi aparan Gəncə şəhər sakini Nicat İsrafilov və Nərgiz Fərəcova həbs edilib. Onları Yasamal Rayon Polis İdarəsi 29-cu Polis Bölməsi əməkdaşları yaxalayıb.

Oğurluq edən N.İsrafilov F.Əzizovanın rəfiqəsinin bacısının sevgilisidir.

Hər iki şəxs barəsində Cinayət Məcəlləsinin 177.3.2-ci (oğurluq, külli miqdarda) maddəsi ilə ittiham irəli sürülüb. İbtidai istintaq dövründə N.Fərəcova barəsində polisin nəzarətinə verilmə qətimkan tədbiri seçilib. N.İsrafilov daha əvvəl məhkumluq həyatı yaşayıb.

ŞƏRH YAZ
1

Gəncənin İmamzadə ziyarətgahında iftar süfrəsi açıldı — FOTO

Gəncənin İmamzadə ziyarətgahında iftar süfrəsi açıldı
23:23
26.05.2019
1627
Ölkə
A
Gəncədəki İmamzadə ziyarətgahında Heydər Əliyev Fondunun təşəbbüsü ilə iftar süfrəsi açılıb.

"Ölkə.Az" bildirir ki, əvvəlcə müqəddəs “Qurani-Kərim”dən ayələr və dualar oxunub.

Çıxışlarda bildirilib ki, respublikamızda dövlət və din bir-birindən ayrı olsa da, Azərbaycan İslam dininə, İslam mədəniyyətinə mənsub bir ölkədir. Ruzi-bərəkət, həmrəylik, dostluq, qardaşlıq, sevgi və mərhəmət ayı hesab olunan Ramazan digər müsəlman ölkələrində olduğu kimi Azərbaycanda da qeyd edilir. Azərbaycanda bu gün həmrəylik və sabitlik hökm sürür.

Çıxışlarda, həmçinin ölkəmizdə dini məbədlərin təmir və bərpası, islami və milli-mənəvi dəyərlərin qorunması istiqamətində görülən işlərdən bəhs edilib, Azərbaycanın dünya ölkələri üçün tolerantlıq nümunəsi olduğu vurğulanıb.
İftar süfrəsi ətrafında on bir ayın sultanı olan Ramazanın fəzilətlərindən danışılıb, bu ayda görülməsi vacib sayılan xeyirxah əməllərdən, savab işlərdən söz açılıb. Ölkəmizə əmin-amanlıq və sülh arzulanıb, torpaqlarımızın bütövlüyü uğrunda şəhid olanların ruhuna dualar oxunub.

Ölkə.Az

ŞƏRH YAZ
0

Azərbaycan miqrant böhranı ilə üzləşə bilərmi?

Azərbaycan miqrant böhranı ilə üzləşə bilərmi?
22:05
26.05.2019
1194
Ölkə
A
Azərbaycanın qanunvericiliyi kifayət qədər liberal olduğundan ölkəyə mühacir axını ildən-ilə artır. Ancaq hələ ki, bir sıra Avropa ölkələrinin üzləşdiyi “miqrant böhranından” danışmaq çox erkəndir.

"Ölkə.Az" xəbər verir ki, bu barədə miqrasiya məsələləri üzrə ekspert Azər Allahverənov danışıb.

Hər ay Azərbaycanın aidiyyəti qurumları bir neçə yüz, bəzi hallarda isə hətta mindən çox qanunsuz mühaciri üzə çıxarır.  Ekspertin sözlərinə görə, bu miqrasiya proseslərinin effektiv şəkildə tənzimlənməsi planında müəyyən çətinliklər yaradır. Ancaq hər halda onlar üzə çıxır, qeyri-leqal mühacirlərin qanunsuz marşrutları aşkarlanır.
Bu həftə Dövlət Miqrasiya Xidmətinin əməkdaşları Dövlət Təhlükəsizlik Xidməti ilə birgə qanunsuz mühacirlərin aşkarlanması ilə bağlı reydlər keçirib. Reydlərin gedişində dünyanın üçüncü dövlətlərindən olan  143 xarici vətəndaş saxlanılıb.

Məlum olub ki, saxlanılanlardan səkkizi sənədlərdə ölkəyə hansı məqsədlə səfər etdiyini düzgün göstərməyib, altısı qanunsuz əmək fəaliyyəti ilə məşğul olub, biri qeydiyyat ünvanı üzrə yaşamayıb, qlanr 128 mühaciər ölkə hüdudlarında ərazisində qanunsuz şəkildə yaşayıb.

Mühacirlər qanunsuz mühacirlərə müxtəlif səbəblərə görə çevrilir. Ekspertin təbirincə, başlıca səbəb öz hüquqi statusları barədə lazımınca məlumatlı olmamalarıdır.

 “Bununla əlaqədar miqrasiya proseslərinin tənzimlənməsi  sferasında yeniliklərin olduğunu qeyd etmək lazımdır. Azərbaycanda Dövlət Miqrasiya Xidmətinin yeni mobil tətbiqi “MİGAZ” iş salınıb.Tətbqi xaricilərin elekron xidmətlərdən yararlanmasını asanlaşdırmaq və xidmətə etdikləri müraciətlər, o cümlədən yaşayış yeri üzrə qeydiyyat məslələrinə sərf olunan vaxta qənaət etmək məqsədi daşıyır. Xarici vətəndaş öz telefonunu Azərbaycanda işə salan kimi, ona MİGAZ sistemi haqqında bildiriş gəlir. Xarici elə yerindəcə elektron qeydiyyatdan keçə bilir”, -deyə A.Allahverənov bildirib

Ekspert qeyd edir ki, miqrasiya qanunvericiliyinin təkmilləşdirilməsi istiqamətində böyük işlər görülüb. Miqrasiya Məcəlləsi  və İnzibati xətalar məcələsində dəyişikliklər edilib.

“Hazırda  Azərbaycanda miqrasiya proseslərinin idarəolunası üzrə 2019-2024-cü illərə nəzərdə tutulan yeni strategiya üzərində işlər aparılır. Hal-hazırda sənəd təsdiqini gözləyir. Ora bizim də təkliflərimiz daxil edilib.”, - deyə A.Allaherənov bildirib.

 Qanunsuz miqrasiya təhlükələrindən söz açan ekspert, onların aşkarlanması ilə DTX və digər güc strukturlarının məşğul olmasının təsadüfi olmadığını qeyd edib. DTX, sərhəd qoşunları və DMX milli təhlükəsiziyin təmin olunmasına yönəlmiş strategiyanı əlaqələndirmiş şəkildə gerçəkləşdirir.

Ölkə.Az

ŞƏRH YAZ
0
BAĞLA