Arif Alışanovun məhkəməsi
Şücayət Əkbərovun məhkəmə tərkibinə verdiyi vəsatət müzakirə edilib. Vəkillər arasında etirazla bağlı mübahisə yaranıb. Vəkil Nüşabə Ağayeva deyib ki, hakim tərkibinə verilən etiraz əsaslı deyil:
"Çünki hakim Ənvər Seyidov bu tərkibdə deyil, belə olan halda etiraz təmin edilməməlidir".
Şücayət Əkbərovun vəkili Bəxtiyar Hacıyevdə hakim tərkibinə etiraz verib. O bildirib ki, məhkəmənin hazırlıq iclasında işin prokurorluğa qaytarılması barədə vəsatət versələr də, hakimlər tərəfindən vəsatət təmin edilməyib. Vəkil hakim tərkibi Əfqan Hacıyev, Fikrət Qəribov və Rasim Sadıqovun işə baxmasına etiraz verib.
Şücayət Əkbərovun digər vəkilidə hakimlərə etiraz verib. O etirazını belə əsaslandırıb ki, ötən iclasda zərərçəkmiş Arif Alışanovun məhkəmədə iştirakının təmin edilməsi barədə vəsatət versələr də, vəsatət haqsız yerə təmin ediıməyib. Vəkil qeyd edib ki, müdafiə etdikləri Şücayət Əkbərovun xəstə olması ilə bağlı təkrar tibbi ekspertiza təyin edilməsi barədə vəsatət veriblər:
"Lakin bu vəsatətlər də hakimlər tərfindən qəbul edilməyib. Qərarda “Şücayət Əkbərov xəstə deyil, məhkəməyə gəlib-gedə bilər" yazılıb”.
Vəkil etirazın baxılması üçün Bakı Apellyasiya Məhkəməsinə göndərilməsini istəyib. Zərərçəkmişlərin nümayəndələri etirazı əsassız hesab ediblər. Onlar etirazın baxılmamış saxlanılmasını istəyiblər. Nümayəndələrdən biri qeyd edib ki, etirazda Arif Alışanovun hakimlə dost olması barədə fakt təqdim etməyiblər: "Buna görə də etiraz əsassızdır".
Şücaət Əkbərov etirazın təmin edilməsini istəyib. Digər təqsirləndirilən şəxslər də etirazla razı olduqlarını deyiblər. Prokuror Fərid Nağıyev bildirib ki, hakimlərdən birinin zərərçəkmişlə münasibətinin olması barədə şübhə yoxdur, müdafiçə əsas qoymayıb. Prokuror etirazın baxılmamış saxlanılmasını istəyib. Hakimlər məhkəmə tərkibinə verilən etirazların baxılmamış saxlanılması barədə qərar qəbul edib.
Daha sonra Bəxtiyar Hacıyev Şücayət Əlbərovun cinayət işi ilə tanış olması üçün məhkəmənin təxirə salınması barədə vəsatət verib. Bildirib ki, müvəkkili latın qrafikasını bilmir, bu səbəbdən işlə tanış olması təmin edilməyib. O, vəkili ilə birlikdə iş materialları ilə tanış olmasına şərait yaradılmasını istəyib. Şücayət Əkbərov işlə tanış olmaq istəyib. Belə ki, Arif Alışanovun mülklərinin işə salınıb-salınmamasını bilmək istəyir. Prokuror prosesin təxirə salınmasına etiraz edib. Yerində müşavirə keçirən hakimlər məhkəmənin təxirə salınmasına əsas görməyiblər. Vəkilin vəsatəti təmin edilməyib.
Şücaət Əkbərovun vəkili Alışanov və yaxınları adına alınan torpaqların alqı-satqı satqısı ilə bağlı 2013-2017-ci il ərzində Şamaxı notariatına sorğu verilməsini istəyib. Məhkəmə bu vəsatəti də təmin etməyib. Vəkil daha sonra Arif Alışanovun 2013 və 2016-ci illərdə əmək haqqı alması barədə maliyyə arayışının alınması üçün müvafiq orqana sorğu göndərilməsini istəyib. "Çünki biz fikirləşirik ki, Arif Alışanovun bu qədər pulu olmayıb. “AzTv” ona ayda 200 min manat maaş verir? Bu pulu hardan əldə etdiyi məlum olmalıdır" - deyə təqsirləndirilən şəxslərdən birinin vəkili çıxışı zamanı deyib.
Təqsirləndirilən Zöhrab Şirinovun vəkili Nüşabə Ağayevanın vəsatəti əsassız hesab edib. Bildirib ki, belə vəsatətlər işin uzadılmasına səbəb olur. Zərərçəkmişin nümayəndələri vəsatəti absurd sayıblar. Prokuror vəsatətin təmin edilməməsini istəyib. Məhkəmə vəsatəti təmin etməyib.
Daha sonra Şücayət Əkbərov qarşı tərəfin suallarını cavablandırıb.
O bildirib ki, Arif Alışanovdan pul almayıb: "Arif Alışanov mənə pul verməyib. O pulu Hacıya verib, alqı-satqını da o, görüb. Mən torpaq sahibləri ilə danışıqlar aparmışam, onları görüşdürmüşəm. Yazırlar ki, Arif Alışanov mənə 37 dəfə pul verib. O mənə heç vaxt pul verməyib. Pulu alan Hacı, satan Hacıdır. Şamaxı rayonunda Hacının iştirakı ilə 250-300 hektar torpaq sahəsi alıb"
Arif Alışanovun nümayəndələri Şücayət Əkbərova onun gəzdiyi qadınlarla bağlı suallar verib. Şücayət Əkbərov Solmaz adlı qadını tanıdığını, həmin qadınlarla yaxın münasibətdə olduğunu deyib.
Prosesdə Şücayət Əkbərovla Arif Alışanovun nümayəndəsi arasında söz mübahisəsi olub. Şücayət Əkbərov deyib ki, bura Arif Alışanov gəlsin, onunla danışım: "Onun nümayəndələrinin suallarına cavab vermirəm. Arif Alışanov bura gəlsin, sözümü üzünə deyim".
Növbəti proses martın 16-da davam edəcək.
***
“Ölkə.Az” xəbər verir ki, bu gün Bakı Ağır Cinayətlər Məhkəməsində hakim Əfqan Hacıyevin sədrliyi ilə baş tutan prosesdə Şücayət Əkbərovun məhkəmə tərkibinə etiraz verdiyi məlum olub. O, buna səbəb kimi hakim tərkibinin işə obyektiv baxmamasını göstərib. Qeyd edib ki, hakimlər onun vəkillərinin verdiyi əsaslı vəsatətləri təmin etməyib.
"Məhkəmənin hakimləri Əfqan Hacıyev və Ənvər Seyidovun Arif Alışanovla yaxın münasibətləri var. Belə olan halda bu tərkibdə işimə baxıla bilməz" - deyə Şücayət Əkbərov etirazında qeyd edib.
Hazırda proses davam edir.
İttihama görə, Şücayət Əkbərov 2013-cü ilin iyul ayından 2017-ci ilin yanvarınadək Şamaxı rayonunda və Baki şəhərində külli miqdarda özgə əmlakını aldatma və etibardan sui-istifadə yolu ilə ələ keçirmək məqsədilə mütəşəkkil dəstə yaradıb. O, Arif Alışanovun 4 milyon 641 min 696 manatlıq əmlakını ələ keçirmək istəyib.
Sücayət Əkbərov yaxın münasibətlərdə olduğu Qoçali Cəbiyev , onun vasitəsi ilə isə Zöhrab Şirinov ilə Arif Alışanovu öldürmək barədə razılığa gəlib, cinayət planını hazırlayıb və mütəşəkkil dəstəyə rəhbərlik edib.
Bunun müqabilində dəstə üzvlərinə 600 min manat pul vəd edib. 2016-cı ilin dekabrn 13-də Şamaxı rayonunun Mədrəsə qəsəbəsindəki evinə gələcəyini qabaqcadan bildiyi Arif Alışanovu, onun qızı Nigar Alışanovanı və sürücüsü Hacı Babayevi öldürməyi sifariş verib.
Lakin dəstə üzvləri məlum olmayan səbəblərdən cinayəti başa çatdıra bilməyiblər.
Bundan başqa, Şücayət Əkbərov 2016-cı ilin dekabrında Arif Alışanovu qəsdən öldürmək məqsədilə başqa şəxs tapmaq barədə dəstə üzvü Qocalı Cəbiyevə yenidən tapşırıq verib. Qoçalı Cəbiyev əvvəllər məhkum olunmuş, tanışı Zöhrab Şirinovla cinayəti törətmək məqsədi ilə 100 min manat qarşılığında razılığa gəlib.
Bir qədər sonra Arif Alışanovun, onun bacısı oğlu Dəyanət Cəfərovun içərisində olduğu “Toyota land Cruiser” markalı 99-AA- 400 dövlət nömrə nişanlı avtomaşını Çuxuryurd-Şamaxı şossesi yolunda hərəkətdə olarkən yüksək sürətlə vuraraq hündürlükdən dərəyə salmaq barədə plan hazırlanıb.
Qoçalı Cəbiyev telefonla Zöhrab Şirinova zəng edib, cinayətin törədiləcək vaxtı, Arif Alışanovun içərisində olacağı avtomaşını markası, rəngi, dövlət nömrə nişanlı barədə məlumatlandırıb.
Lakin Arif Alışanov gözlənilmədən öz avtomaşınına deyil, VAZ 21214 “NİVA” markalı, 10-LR-099 dövlət nömrə nişanlı avtomaşına əyləşib və Şücayət Əkbərov bu barədə dəstə üzvləri Qocalı Cəbiyev və Zöhrab Şirinovu xəbərdan etməyə imkan tapmayıb.
Sücayət Əkbərov qəsdən adam öldürmə cinayətinin icrası üçün qrup üzvlərinə vəd etdiyi 100 min manat pulun bir hissəsini Zöhrab Şirinova verib.
Təqsirləndirilən şəxs 2016-ci ilin yanvarın 11-də növbəti dəfə Arif Alışanovu Şamaxı rayonunda odlu silahdan istifadə etməklə qəsdən öldürmək qərarına gəlib.
Lakin yenə planları baş tutmayıb.
