KORONAVİRUSA YOLUXANLARIN SAYI - CANLI STATİSTİKA

Hamam otağında yad kişi ilə danışan bacısını öldürdü — Azərbaycanda dəhşətli namus cinayəti

Hamam otağında yad kişi ilə danışan bacısını öldürdü
00:05
17.09.2019
9382
Hadisə
A
Cəlilabad rayonunda namus üstündə bacısını öldürməkdə təqsirli bilinən 1992-ci il təvəllüdlü Hikmət Sadıqovun məhkəmə prosesi başa çatıb.

"Ölkə.Az" teleqraf.com-a istinadən xəbər verir ki, Hikmət Sadıqov bu ilin yanvarın 2-də, saat 20 radələrində yaşadığı Cəlilabad rayonu, Üçtəpə kəndində yerləşən evə gəlib.

O, həmin evdə birlikdə yaşadığı, evli olduğu halda başqa kişi ilə sevgi münasibətində olmasından şübhələndiyi bacısı Arzu Cəfərovanın evin həyətində yerləşən hamam otağında sakit səslə mobil telefon vasitəsi ilə gizli danışmasına şahid olub.

Onda bacısının başqa kişi ilə sevgi münasibəti saxlamasına dair əminlik yaranıb. Qardaş bacısını öldürmək qərarına gəlib. Bu məqsədlə o, yaşadığı evin mətbəxindən bıçaq götürüb və hamama girib. Qardaşının ora gəldiyini görən Arzu dərhal telefonu söndürüb.

Hikmət isə bacısından telefonu ona verməsini tələb edib. Arzu telefonunu qardaşına verməkdən imtina edib.

Bundan qəzəblənən Hikmət bıçaqla Arzunun əvvəlcə qarın nahiyəsinə bir dəfə, yıxılmasından sonra yerdə uzanmış vəziyyətdə olarkən sinə və boğaz nahiyəsinə çoxsaylı zərbələr vurub.

Ümumilikdə 27 bıçaq xəsarəti alan Arzu hadisə yerindən ölüb. Cinayəti törədən Hikmət polisə gələrək təslim olub.

İstintaq orqanı tərəfindən Hikmət Sadıqovun barəsində Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla adam öldürmə) maddəsi ilə ittiham elan edilib.

Cinayət işi Lənkəran Ağır Cinayətlər Məhkəməsində araşdırılıb. Hakim Mehdixan Abdullayevin sədrliyi ilə baş tutan iclasda təqsirləndirilən şəxsin əməli sübuta yetirilib və o, cəzasını ciddi rejimli cəza çəkmə müəssisəsində çəkməklə 16 il azadlıqdan mərhum edilib.

Hökmdən narazı qalan Hikmət Sadıqov apelyasiya şikayəti verib.

İttihamla qismən özünü təqsirli bilən Hikmət Sadıqov qeyd edib ki, xüsusi amansızlıqla qətl törətməsi nə ibtidai istintaq zamanı, nə də məhkəmə istintaqı zamanı sübuta yetirilməyib. Hadisə vaxtı öz hərəkətlərini tam dərk etmək iqtidarında olmayıb, bacısına əsəbi halda xəsarət yetirib, niyyəti zərərçəkmişə əzab vermək olmayıb.

O, əməlini Cinayət Məcəlləsinin 120.1-ci (qəsdən adam öldürmə) maddəsinə tövsif edilməsini, həmin maddənin sanksiyasında nəzərdə tutulmuş cəzadan da aşağı həddə cəza təyin olunmasını istəyib.

Hikmət Sadıqovun şikayəti araşdırılması üçün Şirvan Apelyasiya Məhkəməsinə göndərilib. Hakim Rafiq Cəfərovun sədrliyi ilə baş tutan prosesdə apelyasiya şikayətinin dəlilləri araşdırılıb, sonda apelyasiya şikayətinin qismən təmin olunması barədə qərar elan edilib.

Lənkəran Ağır Cinayətlər Məhkəməsinin hökmü dəyişdirilib və Hikmət Sadıqovun cəzası 14 ilə endirilib.

Ölkə.Az

ŞƏRH YAZ
0

Azərbaycanla sərhəddə yerləşən bir sıra erməni kəndlərinin qaz kəmərləri zədələndi

Azərbaycanla sərhəddə yerləşən bir sıra erməni kəndlərinin qaz kəmərləri zədələndi
23:23
14.07.2020
1942
Hadisə
A
Azərbaycan-Ermənistan sərhədində baş verən gərginlik nəticəsində Tavuş istiqamətində bir sıra sərhəd kəndlərinin qaz xətləri zədələnib.

"Ölkə.Az" oxu.az-a istinadən xəbər verir ki, hazırda sərhəddə yerləşən Ayqepar, Nerkin, Karmiraxpyur və Çinari kəndlərində qaz təchizatı qismən dayandırılıb.

Şirkətdən bildirilib ki, qaz kəmərlərinin təmiri və qaz təchizatının bərpası vəziyyətin sabitləşməsindən sonra mümkün olacaq.

ŞƏRH YAZ
0

Ermənilərin atdığı mərmi Yuxarı Öysüzlü kənd sakininin həyətinə düşdü

Ermənilərin atdığı mərmi Yuxarı Öysüzlü kənd sakininin həyətinə düşdü
23:07
14.07.2020
1214
Hadisə
A
Ermənistan silahlı qüvvələrinin bölmələri Tovuz rayonunun yaşayış məntəqələrinə və bölmələrimizin mövqelərinə iriçaplı silahlardan və artilleriya qurğularından istifadə etməklə atəş açarkən mərmilərdən biri Yuxarı Öysüzlü kəndində Raqif Qasımovun həyətinə düşüb.

"Ölkə.Az" report-a istinadən verir ki, zərbənin gücündən R.Qasımova məxsus evin şüşələri sınıb.

Ev sahibi bildirib ki, həmin vaxt uşağı həyətdə oynayırmış.

O əlavə edib ki, hadisə zamanı xoşbəxtlikdən xəsarət alan olmayıb.

Qeyd edək ki, iyulun 12-dən başlayaraq ermənilər Tovuz istiqamətində atəşkəsi pozmaqda davam edir.

Ölkə.Az

ŞƏRH YAZ
0
BAĞLA