Hamı bu görüntülərdən danışır — VİDEO

Hamı bu görüntülərdən danışır
11:49
13.06.2019
861
Ölkə
A
İyunun 10-u saat 18:20-də Azərbaycanda “Full dəqiqəsi” olub. Belə ki, eyni vaxtda bütün yerli telekanallar və radiostansiyaların efirində, eləcə də şəhərin bütün reklam monitorlarında, ticarət mərkəzlərində, ictimai nəqliyyatda (avtobuslar, Bakı Metropoliteninin stansiyaları və dayanacaqlar), Heydər Əliyev adına Beynəlxalq Hava Limanında, çimərliklərdə, paytaxtın mərkəzi kafe və restoranlarında qara geyimli şəxsin görüntüsü və səsi yayımlanıb.

“Instagram” və “Facebook” sosial şəbəkələrində yüzlərlə tanınmış şəxsin və digər istifadəçilərin sözügedən videonu paylaşması hər kəsin diqqətini cəlb edib. Bundan başqa, şəhərin mərkəzi parklarında eyni mövzuda minlərlə fleşmober və promoter tərəfindən maraqlı görüntü yaradılıb. 

Azərbaycan marketinq tarixində ilk sayıla biləcək bu addımın yerli “Full” sərinləşdirici içki brendinin bazara giriş reklamı olduğu məlum olub. Böyük bir komandanın gərgin əməyi nəticəsində ərsəyə gəlmiş reklam kampaniyasının videohesabatını diqqətinizə çatdırırıq.

ŞƏRH YAZ
0

Ağsuda örüş sahəsi satın alındı, mal-qara otlaq üzünə həsrət qaldı — VİDEO

Ağsuda örüş sahəsi satın alındı, mal-qara otlaq üzünə həsrət qaldı
20:21
Bu gün
389
Ölkə
A
Ağsunun Qaraməmmədli kəndinin sakinlərinin mal-qarası otlaq üzünə həsrət qalıb.

“Ölkə.Az” oxu.az-a istinadən xəbər verir ki, əvvəlcədən də mövcud örüş sahələri olmadığından, kənd sakinləri qonşu kəndin örüş sahəsindən istifadə edirmiş.

Artıq ötən gündən etibarən həmin ərazilər də onların əlindən alınıb. Örüş sahəsinə mal-qaranın girişi qadağan olunduğundan kəndlilər çarəsiz qalıb. Bir müddətdir ki, kəndlilər heyvanlarını evdə qapalı şəraitdə saxlamaq məcburiyyətində qalıb. Bu səbəbdən heyvanlara qış aylarında yemlənməsi üçün nəzərdə tutulan ehtiyat saman və quru ot verilir.

İllərdir ki, örüş sahəsi kimi istifadə olunan 30 ha ərazi hazırda satın alınıb. Kənd sakinlərinin iddiasına görə, yerin yeni sahibi onların əraziyə girməsinə icazə vermir.

Hazırda kənd sakinləri yeni örüş sahəsinin ayrılmasını istəyirlər.

Ağsu Şəhər Bələdiyyəsindən verilən məlumata görə, kəndlilər üçün yeni örüş sahəsinin ayrılması üçün bir neçə sahibkar müraciət edib. Məslənin həlli yönündə işlər aparılır.

Ölkə.Az

ŞƏRH YAZ
0

Bakıda yol qəzalarının yeni görüntüləri — VİDEO

Bakıda yol qəzalarının yeni görüntüləri
19:45
Bu gün
1099
Ölkə
A
Bakıda baş vermiş avtomobil qəzalarının yeni görüntüsü yayılıb.

"Ölkə.Az" Avtosfer.az-a istinadən  xəbər verir ki, videoda əksini tapan ilk qəza M.Ə.Rəsulzadə qəsəbəsində baş verib.

Binəqədi rayonunda, “Vorovski dairəsi” kimi tanınan ərazidə dairəyə girən “Lada Priora” markalı avtomobilin sürücüsü işıqforun yaşıl işığı yandığı halda sağdan gələn nəqliyyat vasitəsini buraxmır. Bu zaman öz yolu ilə gələn avtomobil ona çırpılır.

İkinci video isə hər zaman qəzaların baş verdiyi nöqtədir. Koroğlu Rəhimov küçəsi ilə Həsən Əliyev küçəsinin kəsişməsində iki avtomobil toqquşur. Koroğlu Rəhimov istiqamətindən gələn avtomobil əks tərəfdən gələn avtomobili buraxmır və Həsən Əliyev küçəsinə dönmək istəyir. Bu zaman qəza baş verir.

Hər iki halda sürücülər yolayrıcını keçmə qaydasını pozur. 

Ölkə.Az

ŞƏRH YAZ
0
BAĞLA