Hamiləliyin qarşısını alan 6 EFFEKTLİ YOL

Hamiləliyin qarşısını alan 6 EFFEKTLİ YOL
23:53
24.09.2017
545
Maraqlı
A
Qadınların ən çox narahat olduqları məsələlərdən biri də arzuolunmaz hamiləlikdir. Onlar bundan qorunmaq üçün müxtəlif yollardan istifadə edir, həbləri içirlər. Amma əksər hallarda bu vasitələr yetərli nəticə ilə sonlanmır və qadınlar arzuolunmaz hamiləliklə qarşılaşırlar.

Ölkə.Az-ın ailem.az-a istinadən təqdim etdiyi bu faydalı məsləhətlərlə sizi narahat edən bu haldan qurtara bilərsiniz. 

1. Ertəsi gün həbi
 
Arzuolunmaz hamiləlikdə ən çox istifadə edilən vasitələrdən biridir. Ancaq mütəmadi olaraq istifadəsi məsləhət deyil. Ertəsi gün həbi yumurta və spermanın mayalanmasının qarşısını alır. Ancaq qorunmasız seksdən sonra üç gün içində qəbul edilməsi lazımdır. Nə qədər tez qəbul etsəniz, o qədər yaxşıdır. Bəzi ertəsi gün həbləri mədə bulanmasına, yorğunluq və menstruasiya pozulmaları kimi narahatverici nəticələrə səbəb ola bilər. Buna görə sizin üçün hansı həbin təsirli olacağı barədə ginekoloqunuzla məsləhətləşin.
 
2. Spiral
 
Arzuolunmaz hamiləliyin qarşısını almağın bir yolu da həkim tərəfindən uşaqlıq yoluna yerləşdirilən spiraldır. Bir dəfə yerləşdirdikdən sonra illərlə istifadə edilə bilər. Spermaları uzaq tutaraq hamiləliyin qarşısını almağa kömək edir. Ancaq digər bütün vasitələr kimi, spiral qoydurduqda belə, hamilə qalma riski 1-2 faizdir.
 
3. Doğuşa nəzarət həbləri
 
Doğuşa nəzarət həbləri 21 gün içilib, 1 həftə ara verilən, ya da tərkibində 28 ədəd olduğu üçün ara verilmədən istifadə edilən qorunma formasıdır. Tərkibində estrogen və progesteron hormonu var ki, bu da hormon sistemini dəyişdirərək orqanizmini hamiləliyə əlverişsiz hala gətirir. Bu dərmanların uşaq əmizdirən, yaşı 35-i keçən və bəzi xəstəliklərin olan qadınlar tərəfindən qəbulu məsləhət deyil.
 
4. Doğuşa nəzarət iynələri
 
Aylıq və üç aylıq iynələr iki formadadır. Bu iynələrdən biri sadəcə progesteron tərkibli, 3 ayda bir əzələ daxilinə vurulan formuldur. Digəri isə ayda bir əzələ daxilinə vurulan estrogen və progesteron tərkibli iynədir.
 
5. Uşaqlıq borularını bağlatdırmaq
 
Qadınlarda digər qorunma vasitələrindən biri də uşaqlıq borularının cərrahi yolla bağlanmasıdır. Onun təsiri 99,6 faizdir. Ancaq bu üsulun geri dönüşü çətindir. Daha çox laporoskopik əməliyyatla lokal, ya da ümumi anesteziya altında həyata keçirilir.
 
6. Təqvim yolu
 
Əgər menstruasiyanız nizamlıdırsa, təqvim yolu ilə də hamiləlikdən qoruna bilərsiniz. Burada yeganə iş menstruasiya dövrünü izləməkdir. Normalda ovulyasiyanın menstruasiyanın ilk günündən sonrakı 14 gündə baş verdiyi düşünülür. Bu səbəblə 28 günlük menstruasiyada hamilə qalma ehtimalının ən yüksək olduğu günlər 13, 14 və 15-ci günlərdir. Bu günlərdə cinsi əlaqə zamanı qorunsanız, hamilə qalma riskini azalda bilərsiniz. Ancaq bu üsul da 100 faiz qorunacağınıza vəd vermir.

ŞƏRH YAZ
0

Misirdə tarixi kəşf — FOTOLAR

Misirdə tarixi kəşf
18:14
Bu gün
1030
Maraqlı
A
Arxeoloqlar Misirdə nəhəng qədim bir bina kəşf ediblər.

“Ölkə.Az” xəbər verir ki, bu barədə ABŞ-ın “AP” agentliyi məlumat yayıb.

Arxeoloqlar Misirin paytaxtı Qahirənin 20 km-liyində yeni kəşfə imza atıblar. Mit Rahine kəndindəki kəşfdə böyük bir Roma hamamı və dini ayinlər üçün də bir otaq tapılıb.

Misirli rəsmi Mustafa Vəziri binanın qədim Misirin paytaxtı Memfisdən yadigar qaldığını təxmin etdiklərini bildirib.

Qeyd edək ki, Memfis eramızdan əvvəl 3100-cü ildə inşa edilib.

Hikmət Həsənov
Ölkə.Az

ŞƏRH YAZ
0

Naringinin ağ liflərini atmayın — BU XƏSTƏLİKLƏRİN DƏRMANIDIR

Naringinin ağ liflərini atmayın
17:10
Bu gün
1396
Maraqlı
A
Payız fəslində ən çox yeyilən meyvələrdən biri də naringidir.

“Ölkə.Az” xəbər verir ki, C vitamini ilə zəngin olan naringi xərçəngdən diabetə qədər bir çox xroniki xəstəliyə qarşı faydalıdır.

Naringi immunitet sistemini gücləndirir. 1 stəkan naringi dilimində gündəlik lazım olan C vitamininin yarısından çoxu var. C vitamini sağlam dəri və toxumaların yaranması və fəaliyyəti üçün vacibdir. Eyni zamanda immunitet sistemini gücləndirir, ürək-damar xəstəlikləri riskini azaldır.

C vitamini ilə ağ ciyər, döş, qida borusu və mədə xərçəngi kimi bəzi xərçəng növlərinin qarşısını almaq olur. C vitamini orqanizmdə kollagen sintezi üçün də çox vacibdir.

Kollagen yaraların sürətlə sağalmasını təmin edir. C vitamini eyni zamanda digər qidalarla qəbul edilən dəmir mineralının da sovrulmasını təmin edir.
Naringinin tərkibində olan A vitamini göz sağlamlığı sağlam sümük və hüceyrə böyüməsi üçün vacibdir. Bundan başqa naringinin tərkibindəki beta kriptoksantin də iltihabın qarşısını alır.

Naringinin tərkibindəki ağ liflər çox faydalıdır. Tərkibində potasium bol olduğu üçün qan təzyiqini aşağı salır. Qanı təmizləyir, damarların sağlamlığını qoruyur, ürək-damar xəstəliklərinə qarşı faydalıdır.

Naringinin tərkibindəki B vitamini DNA və RNA-nı bərpa edir, yeni hüceyrələrin yaranmasını dəstəkləyir. Flavonoidlər sərbəst radikalları neytrallaşdırır. Nobiletin flavonoidi köklüyün qarısını almağa, diabetlə savaşmağa və xolesterolu azaltmağa kömək edir. Naringinin tərkibindəki tangeritin adlı digər flavonoid isə yağlı qara ciyər xəstəliyi və damar sərtləşməsinin qarşısını alır. Bu meyvənin tərkibində olan folat xərçəngə səbəb ola biləcək DNA dəyişikliklərinin də qarşısını alır.

Naringinin tərkibindəki hesperidin kollagen istehsalı üçün C vitamini ilə birlikdə hərəkətə keçir. Bu meyvə dərmanlar, çirkli hava, xəstəliklər, siqaret çəkmək, kimyəvi məhsullar, UV şüalanmasının mənfi təsirlərini azaldır.

Naringidəki ağ liflər immunitet sistemini gücləndirir, yaddaşı inkişaf etdirir.

Hikmət Həsənov
Ölkə.Az

ŞƏRH YAZ
0
BAĞLA