Hamını özünüzə düşmən görürsünüz — Günün ulduz falı

Hamını özünüzə düşmən görürsünüz
01:02
12.06.2018
4869
Maraqlı
A
"Ölkə.Az" "Milli.Az" istinadla günün qoroskopunu təqdim edir:

Qoç - Müsbət emosiyalar almağa elə can atırsınız ki, həyatın yalnız bu emosiyalardan ibarət olmadığını unudursunuz. Bu gün vəzifələrinizi unudur, verdiyiniz sözləri yadınıza salmaq istəmirsiniz. Üstəlik, belə yüngüllüyə görə kimsənin sizi cəzalandırmayacağından çox əminsiniz. Yeni tanışlarınızda müsbət təəssürat yaratdığınızdan yeni əməkdaşlıq, yaxud da eşq macərasının başlanması mümkündür.
Qarşı cinsin nümayəndələrinin diqqəti sizə çox xoşdur. Bəzən onu əldə etmək üçün özünüzü abdalcasına aparırsınız. Böyüklərin müdrik məsləhətlərini dinləyin, o zaman bir çox ciddi səhvlərdən qaça bilərsiniz.

Buğa - Yaxşı ideyalar və yeni planlar çoxdur, bunların reallaşdırılması qarşınızda yeni imkanlar açır. Düzdür, çox işləməli olacaqsınız, üstəlik, şərait də bir o qədər ürəkaçan olmayacaq. İntellektual potensialınız yüksəkdir, odur ki, hətta ən mürəkkəb məsələni qısa müddətdə həll edirsiniz. Uzunmüddətli planlaşdırma aparmaq olar.
Çox sakit və soyuqqanlısınız. Bu, işlərinizi yoluna qoymağa kömək edir, ancaq ətrafınızdakılarda xoş olmayan təəssürat yaradır. Çox hissiyyatlı olanlar isə sizin ümumiyyətlə daşürəkli olduğunuzu düşünəcəklər.

Əkizlər - Ünsiyyət və yeni tanışlıqlar üçün çox münasib gündür. Çox cazibədarsınız, bu, ətrafınızdakıların nəzərindən yayınmır. Yeni eşq macərasının başlanması ehtimalı böyükdür, amma hisslərin dərinliyi hələlik sual altındadır.
İşgüzar adamlar üçün gün yaxşı sayıla bilər: bizneslərini genişləndirə, sərfəli müqavilələr bağlaya bilərlər. Bürcün bütün nümayəndələri sürprizlərə, pul, dəyərli hədiyyələr almağa ümid edə bilərlər. Uşaqlar və qaraqabaqlıqları dillər əzbəri olan adamlarla asanlıqla dil tapırsınız.

Xərçəng - Xırda çətinliklər və problemlər çox olsa da, nə sizin əhvalınıza, nə də baş verən hadisələrə münasibətinizə təsiri olmayacaq. Düşmənlərinin üzərində tezliklə qələbə çalacaqlarından əmin olan Xərçənglər yanılmırlar, çünki doğrudan da, düzgün yanaşma nəticəsində istədiyinizə çata bilərsiniz, bir az ağlınızı işlətməyiniz gərəkdir.
Ev işlərilə məşğul olmaq faydalıdır, yaxınlarınız da sizə həvəslə kömək edəcəklər. Ümumi qayğılar birləşdirir. Sevdiyiniz insandan yardım istəməkdən çəkinməyin, o buna hətta sevinəcək.

Şir - Gözəl ideyalar, gələcək üçün maraqlı planlar yaranır. Əsas odur ki, onları reallaşdırarkən tələsməyib, daha yaxşı məqamı gözləyəsiniz. Bu gün mənfi tendensiyalar vaxtaşırı özünü büruzə verir, özü də sizin heç gözləmədiyiniz bir vaxtda.
Faydalı bir məlumat alaraq dərhal ondan yararlanacaqsınız. Sizin üçün çox dəyərli bir insanla rastlaşa bilərsiniz. Yaradıcı potensialınız yüksəkdir, müxtəlif şənlik və əyləncələrin təşkilində tayınız-bərabəriniz yoxdur.

Qız - Parlaq, yaddaqalan, üstəlik, məhsuldar və xoş gündür. Həyatınızı kökündən dəyişə bilərsiniz, yetər ki, istəyin. Faydalı məlumatlar vaxtında gəlir və yalnız intuisiyanın hesabına qərar verməyə gərək qalmır. Çox dəyərli məsləhətlər verirsiniz, bu, ətrafınızdakıların diqqətindən qaçmayacaq.
Bir şey pisdir: emosional fon qeyri-sabitdir, bu səbəbdən çox əsəbisiniz, xırda anlaşılmazlıqlara sərt reaksiya verirsiniz. Xüsusilə xeyli insanın çalışdığı kollektivdə işləyən Qızların işi çətin olacaq.

Tərəzi - Gərgin, təzadlı gündür. Fikirlərinizdə, planlarınızda və istəklərinizdə bir nizam yaratmağa nail ola bilmirsiniz. Eyni zamanda, düşmənləriniz sizi yanıldır, sizi idarə etməyə çalışırlar, özünüzü toplayın. İri alış-veriş etmək, daşınmaz əmlakın alqı-satqısı, yaxud icarəsi ilə bağlı sənədləri imzalamaq məsləhət deyil.
Zəngin fantaziyanız, hər bir işə yaradıcı yanaşma situasiyanı yaxşıya doğru dəyişməyə imkan verir. Cəhd göstərin, hər şey alınacaq. Qısamüddətli səfərlər üçün münasib gündür.

Əqrəb - İşlər sizin gözlədiyiniz kimi getmir. Planlarınız dağılır, yeni şəraitə uyğunlaşmaq lazım gəlir. Bir çox Əqrəblər özlərini köməksiz hiss edəcəklər, təbii ki, əhvalları da korlanacaq. Etibar etdiyiniz insanların dəstəyindən məhrum olmağınız işləri daha da çətinə salır.
İrimiqyaslı layihələri reallaşdırmağa çalışmayın, ümumiyyətlə, böyük işlərə girişməyin. Yaxınlarınız sizi düşünülməmiş hərəkətlərdən çəkindirməyə çalışırlar, onların məsləhətinə qulaq assanız, ağıllı iş görmüş olarsınız.

Oxatan - Diqqətinizə işə yönəltsəydiniz, çox şeyə nail ola bilərdiniz. Ancaq bu gün bürcün nümayəndələrini uğur deyil, ətrafdakıların təqdiri daha çox maraqlandırır. Qələbələrinizə diqqət çəkmək, özünüzün ən yaxşı cəhətlərinizi nümayiş etdirmək üçün çox əziyyət çəkməli olursunuz. Bu "faydalı" məşğuliyyət xeyli vaxtınızı və gücünüzü alır. Halbuki bunları daha səmərəli bir fəaliyyətə sərf edə bilərdiniz.
Özünüzlə, ətrafınızdakılarla dürüstsünüz, bəzən bu, xoşagəlməz situasiyalar yaradır, ancaq eyni zamanda qlobal problemlərin qarşısını alır. Vacib qərarlar verə, gələcək planlarınızı dəqiqləşdirə, nikaha girə bilərsiniz.

Oğlaq - Bu günün uğurları entuziazmla düz mütənasibdir. Əgər candərdi iş görürsünüzsə, heç bir nailiyyətə ümid etməyin. Ruh yüksəkliyi və nikbinlik isə istənilən problemi aradan qaldırmağa kömək edəcək. Faydalı əlaqələr qurmaq olar, bir çox məsələlərin həllində sizə yardım edə biləcək bir insanla tanış olmaq şansınız var.
Ailə problemlərinin həlli və aktual məsələlərin müzakirəsi üçün münasib gündür. Mürəkkəb situasiyadan çıxış yolu tapmağa nail olursunuz. Bugünkü davranışınız rəyinə hörmət etdiyiniz insanın diqqətini sizə yönəldəcək, təqdir olunacaqsınız.

Dolça - Ətrafınızdakılarla heç cür dil tapa bilmirsiniz. Bu həm işgüzar, həm şəxsi münasibətlərə aiddir. Bir çox Dolçalar o qədər anlaşılmazlıqla rastlaşırlar ki, demək olar ki, hamını özlərinə düşmən görürlər. Tamamilə yalqız qalmaq riski ilə üz-üzəsiniz. Pulları düşünmədən sərf edirsiniz, günün sonunda pulqabınız boşala bilər.
Sizə maraqlı olan işlərlə məşğul olaraq nəinki uğurlar qazanacaq, üstəlik, başqalarını da arxanızca aparacaqsınız: müştərək iş qarşılıqlı anlaşmaya yol açır. Sevən Dolçalara romantk gəzintilər, at üstündə gəzinti, su kənarında istirahət məsləhət görülür.

Balıqlar - Qələbə qazanmaq istəyirsiniz, amma bunun üçün heç bir iş görmürsünüz. Nə ağıllı, nə də sərfəil mövqedir. Ola bilsin ki, bəxtiniz gətirsin, ancaq doğrudan da, müvəffəqiyyət əldə etmək niyyətiniz varsa, o zaman işləyin. Tənbəllik, ehtiyatsızlıq, səliqəsizlik çoxsaylı xırda itkilərə yol açır.
Yaxınlarınıza qarşı diqqətli olun, onların yanında olmağa çalışın. Uşaqlarla daha çox vaxt keçirin, onlarla oynayın. Günün ikinci yarısı gözünüzə artıq görünən əşyalardan qurtulun.

Ölkə.Az

ŞƏRH YAZ
0

Yemək zamanı su içək, yoxsa içməyək? — Diyetoloqların yalanı...

Yemək zamanı su içək, yoxsa içməyək?
01:23
Bu gün
3028
Maraqlı
A
Yeməklə su içib-içməməklə bağlı həmişə təzadlı fikirlər səsləndirilir. Bir çox dietoloqlar və sağlam qidalanma mütəxəssisləri bildirirlər ki, yemək zamanı qətiyyən su içmək olmaz. Çünki bu zaman mədə şirəsi durulur ki, bu da turşuluğunu azaldaraq həzm prosesinə pis təsir edir.

"Ölkə.Az" medicina.az-a istinadən bildirir ki, alimlərin fikrincə, həzm prosesi mədədə deyil beyində başlayır: insan dadlı bir qida haqda düşündükdə ağız suyu ifraz olunur. Qidanı çeynəyərkən yumşalıb mədəyə düşməsi üçün  o ağız suyunun tərkibində olan fermentlərlə qarışır. Daha sonra isə prosesə mədə şirəsi qoşulur.

Qəbul edilən qidanın tamamilə həzm olunaraq maye halına - humusa çevrilməsi üçün orta hesabla 3-4 saat tələb olunur. Həmin humus mədədən bağırsağa keçərək tərkibində olan qidalı maddələri orqanizmə verir. 

Əgər qida mədədə 3-4 saat qalırsa, 300 ml su orda cəmi 10 dəqiqə qalır. Əgər insan yemək yeyərkən su içərsə, o zaman yediyi qida həzm kanalından qısa bir müddətdə keçəcək. 

Yemək zamanı içilən su mədə şirəsini durulaşdırmır və fermentləri zəiflətmir. Əksinə, onların öz işlərinin öhdəsindən gəlməsinə kömək edir. Fermetlər maye fazada işləyirlər, bu fakt həzmdən sonra qidalı maddələrin qana sovrulmasını təmin edir. 

Hətta quru yemək yesəniz belə, orqanizm lazım olan miqdarda mayeni mədəyə və bağırsağa ifraz edəcək.
 
İnsan orqanizmi mükəmməl bir sistemdir. Hətta insan bir balon su içsə belə o mədə turşuluğuna təsir edə bilməz. Əgər mədə hiss etsə ki, qidanı həzm edə bilmir, o halda əlavə olaraq ferment ifraz edir və mədə şirəsinin turşuluğunu artırır.
 
Su doğru zamanda içildikdə bədənə heç bir zərər vermir. Əksinə maye quru qidanı yumşaltmağa və daha yaxşı həzm olunmağa kömək edərək qidalı maddələrin qana sovrulmasını sürətləndirir. 
 
Yemək yeyərkən yaxşı olardı ki, qidanı tam çeynəyərək tamamilə seliklə qarışmasına şərait yaradın. Yalnız bundan sonra su içmək olar.  
Bir müsbət tərəf də var: insan yemək yeyərkən su qəbul etdikdə yeməyə fasilə verir ki, bu da doyma hissinin yaranmasını təmin edir. 

Əgər siz yeməyi su ilə deyil çayla içməyə öyrəşmisinizsə, bunun heç bir fərqi yoxdur. Maye həzm sisteminin işinə eyni dərəcədə təsir göstərir. Burda həzm sisteminin fəaliyyətinə təsir göstərəcək amil mayeni temperaturudur. O turşuluğu və həzmin sürətini artırır.

Ölkə.Az

ŞƏRH YAZ
0

Gah sevinir, gah da səbəblərini özünüz anlamadığınız təlaşa qapılırsınız — Günün ulduz falı

Gah sevinir, gah da səbəblərini özünüz anlamadığınız təlaşa qapılırsınız
00:50
Bu gün
2536
Maraqlı
A
"Ölkə.Az" milli.az-a istinadən günün qoroskopunu təqdim edir:

Qoç - Çətin olacaq. Yaranan problemlər və formalaşan çətinliklər mürəkkəbdir. Onları çözmək üçün baş sındırmalı olacaqsınız. İşdə rəhbərliklə fikir ayrılıqları yarana bilər. Dövlət qurumlarının nümayəndələri ilə təmaslarda diqqətli olun.

Daşınmaz əmlak və ya nəqliyyat vasitəsi ilə bağlı əməliyyatlar məsləhət deyil.

Emosional fon stabil deyil. Gah sevinir, gah da səbəblərini özünüz anlamadığınız təlaşa və nigarançılığa qapılırsınız. Yaxınlarınızla dil tapmaq çətinləşir.

Sevdiyiniz insanla münaqişə yaratmayın.

Buğa - Maraqlı, əlverişli və məhsuldar gündür. İstənilən, hətta ən çətin işə başlaya bilərsiniz. Bilik və bacarıqlarınızdan yararlanın. Yalnız kəskin zərurət yarananda yardım üçün dostlara müraciət edin. Tanışlar və ya tərəfdaşlar sizə dəstək verə bilərlər. İndiyədək bədxahlarınızın yanında olan şəxs müttəfiqinizə çevrilə bilər.

Şəxsi münasibətlərdə təşəbbüs üçün əlverişli zamandır. Yeni tanışlıqlar asanlıqla yaranır.

Emosiyalara qapılmayın, illüziyaların əsiri olmayın.

Əkizlər - Aktiv və enerjili olun. Hər şey istədiyiniz kimi getməsə də, hadisələrin axarını dəyişərək məcrasına müdaxilə etməyə çalışmayın. Situasiya ilə barışın, şanslar və imkanlardan yararlanın. Mənasız, heç bir əsası olmayan məsrəflər etməyin.

Günün ikinci yarısında yaxşı gəlir əldə edə bilərsiniz.

İstək və niyyətlərinizin əsiri olmayın. Onlar sizi planlaşdırmadığınız yerə apara bilər.

Uzaq səfər və ya səyahət məsləhət deyil.

Xərçəng - Ehtiyatlı və sayıq olun. Xoşagəlməz hadisələrin yaşanma ehtimalı böyükdür. Eksperimentlər etməyin, riskə aludə olmayın. Bu minvalla təhlükəsizliyinizi təmin etmiş olarsınız. Uzun səfər üçün əlverişli gün deyil. Ekstremal hisslər sizi düşünülməmiş addımlar atmağa vadar etməsin. Sizə qarşı aqressiv mövqe tutan insanlarla görüşdən yayının.

Bütün diqqəti öz işlərinizə yönəldin. Başqalarının işlərinə mümkün qədər az müdaxilə edin. Kiməsə yardım edə bilməyəcək, hətta vəziyyəti daha da korlayacaqsınız. Alış-verişdə bədxərclik etməyin. Nə isə almaq istəyirsinizsə, o əşyanın sizə nə dərəcədə gərəkli olduğunu düşünün.

Şir - Tələsməyin, düşünülməmiş addımlar atmayın. Təmkinlə davransanız, faydalı işlər görərək yaxşı nəticələr əldə edə bilərsiniz. Başqasının dediklərindən daha çox, öz fikirlərinizə bel bağlayın. Yaranmış situasiyada necə davranacağınızı müəyyənləşdirin. Yaxın ətrafınızdakı insanlar bunu dəqiqləşdirə bilmirlər.

Yeni iş və ya layihəyə başlamaq olar. Bilik və bacarıqlarınızı artırın, dünyagörüşünüzü genişləndirin. Təcrübəli, bilikli insanlarla təmaslarda xeyir var.

Hüquqi məsələlərin həlli üçün münasib gündür. Şəxsi münasibətlərdə kiçik problemlər yarana bilər.

Ruhdan düşməyin.

Qız - Asan uğurlar və xoş qələbələr günüdür. Yaranan problemlərin öhdəsindən gələcəksiniz. İndiyədək həllolunmaz sayılan çətinlikləri çözmək şansları artır. Yeni təcrübə və bilik əldə etmək imkanı yaranır. Əldə etdiyiniz biliklərdən yararlanmağın yolunu tapın.

Yeni fəaliyyət sahəsinin seçilməsi üçün əlverişli zamandır.

Günün maliyyə fonu münasibdir. İşlər axarındadır, durum stabildir. Nəzərdə tutmadığınız alış-veriş etmək, pul xərcləmək olar. Rəsmi danışıqlarla yanaşı, qeyri-formal müzakirələr pis keçmir. İstənilən şəraitdə soyuqqanlı və təmkinli qalın. Belə olarsa, yaxın ətrafınızdakı insanların sizə inamı artar.

Tərəzi - Günün ilk yarısında peşəkar fəaliyyət müstəvisi və maliyyə sahəsindəki məsələləri həll edə bilərsiniz. Dəqiq fəaliyyət planı hazırlayın. Sonradan həmin planı addım-addım reallaşdırın, hər mərhələni uzun müddət təhlil etməyin. Çox maraqlı işgüzar təkliflər ala bilərsiniz. Lakin unutmayın ki, yeni iş və ya sifarişlə bağlı təklifi qəbul etməzdən əvvəl yaxşıca düşünmək gərəkdir.

Günün ikinci yarısı əlaqələrdə və ya təmaslarda ciddi problem yarada bilər. Hətta ən yaxın adamlardan biri ilə kəskin mübahisə riski var. Yaxın ətrafınızdakı insanlar sizi anlamır, dəstəkləmirlər. Axşam saatlarında tək qalın, vaxtınızı sakit işlərə sərf edin. İfrat yorğunluğa yol verməyin.

Əqrəb - Səhhətinizə fikir verin. Bu günün riskləri çoxdur. Zərərli vərdişlərdən əl çəkin, düzgün qidalanın. İstənilən fəaliyyət sahəsində ifrata varmayın, izafi işlərlə özünüzü yormayın. Mümkünsüzü özünüzdən tələb etməyin.

Travma riski çox deyil.

Günün əksər hissəsini işə həsr edin. Peşəkar fəaliyyət sahəsində alınan tapşırıqların öhdəsindən gəlmək adi günlərlə müqayisədə bir qədər çətinləşir.

Maraqlı işgüzar təkliflərin alınması istisna deyil. İş yerini dəyişmək barədə düşünə bilərsiniz. Şəxsi münasibətlərdə ciddi yeniliklər və dəyişikliklər olmayacaq.

Oxatan - Gözlənilməz və qəfil hadisələrlə dolu gündür. Bir məqamda anlayacaqsınız ki, artıq heç nəyə təəccüblənmirsiniz. Uzaqdan gələn xəbərlər sizi təlaşa sala bilər. Fəqət, soyuqqanlı və təmkinli davranın. Dürüst qərarları sürətlə qəbul edin, planlarınızı korrektə edin. Ehtiyac varsa, fəaliyyət istiqamətində dəyişikliklər edə bilərsiniz.

Günün ikinci yarısında yaradıcılıqla məşğul ola bilərsiniz. Yaxın insanlarla münasibətləri dəyişin. Təmaslarda daha çox inam, anlayış, etibar olsun. Xərclər nəzərdə tutduğunuzdan artıq ola bilər.

Oğlaq - Asan olmayan, amma məhsuldar və maraqlı gündür. Başladığınız bütün işlərdə uğura nail ola bilərsiniz. Peşəkar qabiliyyət və bacarıq imkanlarınızı artırmaq şanslarını əldən verməyin. Dünyagörüşünü artırın. Bir daha sübut edin ki, işinizi bilən adamsınız. Təmkinli və səbirli olsanız, rəqibləri üstələyə bilərsiniz.

Ünsiyyət üçün əlverişli gündür. Hətta ilk dəfə gördüyünüz insanla belə, asanlıqla dil tapacaqsınız. Genişmiqyaslı işə və ya layihəyə başlasanız, tezliklə müttəfiq tapacaqsınız. Dərhal nəticənin olacağını düşünməyin. İndi gələcək qələbələrin təməlini qoyursunuz.

Dolça - İşgüzar maraqların şəxsi işlərlə bağlı olduğu gündür. Yaşamınızda ciddi dəyişikliklərə səbəb olacaq hadisə baş verəcək. İşdə rəhbərliklə münasibətlərdə sayıq, sərvaxt olun. Peşəkar fəaliyyət sahəsində irəliləyiş olacaq. İnkişaf üçün yeni imkanlar yaranır.

Günün ikinci yarısında irəliləyiş daha da sürətlənə bilər. Alış-verişdə bədxərclik etməyin.

Balıqlar - Qələbə uğrunda mübarizə aparmaq gərəkdir. Qələbələr asanlıqla əldə olunur. Nikbin olun, ruhdan düşməyin. Qarşınıza qoyduğunuz məqsədə çatmaq üçün əzmlə irəliləyin. Günün ikinci yarısında köhnə tanışlar özlərini xatırladacaqlar. Baş verənləri təhlil edin. Problemlərin həlli üçün daha sadə və perspektiv plan təklif edin.

Romantik hisslərin girdabına düşməyin. Əks cins mənsubu sizə xüsusi diqqət yetirir. Axşam saatları aktiv istirahət, müxtəlif görüşlər üçün əlverişlidir.

Ölkə.Az

ŞƏRH YAZ
0
BAĞLA