Hansı aktrisamız avtomobil oğurluğuna görə polis tərəfindən saxlanılıb?
"Ölkə.Az"ın məlumatına görə, buna səbəb aktrisanın başqasının avtomobilini qanunsuz olaraq idarə etməsi olub. Bu barədə aktrisa əməkdar artist Çingiz Əhmədovun aparıcısı olduğu "Praym-şok" verilişində danışıb:
"Xaricdən qonaqlarımız gəlmişdi. Dəniz kənarına balıq yeməyə aparmışdıq. Qonaqları aparıb yola saldım, səhəri gün də işə getdim. Evə qayıdanda məni yol polisləri saxladılar. Dedilər ki, siz başqasının avtomobilini sürürsünüz. Dedim ki, ola bilməz. Avtomobildən düşdüm və məlum oldu ki, seriya nömrəsinin bir hərfi başqadır. Sən demə, həmin məkanda mənim avtomobilimlə eyni rəng və eyni nömrədə olan avtomobili sürüb getmişəm. Həmin şəxs də avtomobilinin qaçırılması barədə polisə məlumat verib. Şükür ki, hər şey yaxşı qurtardı, hər ikimiz öz avtomobilimizə qovuşduq".
İntiqam VALEHOĞLU
Ölkə.Az