Hansı ölkə ilk olaraq \"5G\" standartına keçəcək?
San-Marino respublikası dünyada ilk dəfə olaraq "5G" şəbəkəsinə keçid edəcək.
"Ölkə.Az" xəbər verir ki, bu keçid 2018-ci ilin sonuna planlaşdırılıb.
San-Marino hər tərəfdən İtaliya ərazisi ilə əhatələnib. Yerli rabitə şəbəkəsi "Telecom İtalia Mobile" yeni texnologiyanın sınağı kimi bu ölkənin ərazisindən istifadə etməyi planlaşdırır.
Avropa Komissiyasının qiymətləndirməsinə əsasən yeni şəbəkəyə keçid 113 milyard avro iqtisadi üstünlük deməkdir. Bu rəqəmi 2025-ci ildə əldə etmək mümkün olacaq. İnfrastrukturun qurulması üçün (Avropa ərazisində) 56 milyard avro sərmayə ayrılmalıdır və yeni 2.3 milyon iş yeri açılacaq.
Hazırda dünyanın mobil operatorları "5G" texenologiyasını sınaqdan keçirirlər.
Hikmət Həsənov
Ölkə.Az