"Haqqımda təhqir yazanlar bilsinlər ki, o şərhləri öz yaxınları da oxuyur" — Əfran İsmayılov

13:31
29.10.2019
1878
İdman
A
"Həyatımdan, dolanışığımdan, dövlətimdən razıyam. Heç bir narazılığım yoxdur. Sadəcə, sual verilib, cavab vermişəm ki, o vaxt İsa Qəmbərin mitinqlərində iştirak etmək üçün camaata pul paylayırdılar".

Bu fikirləri "Ölkə.Az"-a açıqlamasında "Keşlə" futbol klubunun üzvü Əfran İsmayılov son günlər haqqında yazılanlara aydınlıq gətirərkən səsləndirib. Milli komandamızın sabiq üzvü bildirib ki, dediyi bəzi fikirlər səhv başa düşülüb:

"Guya mən hökuməti, yaxud müxalifəti pisləmişəm. Amma belə bir şey olmayıb. Mən azərbaycanlıyam və bütün soydaşlarımızın mehriban olmasını, sülh şəraitində yaşamasını istəyirəm. Mitin məsələsinə gəlincə, o vaxt bizi uşaq idik, butulka yığıb satırdıq. Gəlirdilər ki, mitinq var, pul verirlər. Heç bilmirdim ki, orda söhbət kimdən gedir. Gedib pulumuzu alıb, qışqırırdıq. Uşaq idik də. İndi bu sözə görə məni sosial şəbəkədə təhqir edənlər var. Onlar başa düşmürlər ki, yazdıqları şərhi öz yaxınları da oxuyur?"

Ə.İsmayılov yenidən milli komandada oynamaq perspektivi barədə isə bunları deyib:

"Millidə xeyli oyun keçirmişəm. Əgər lazım olsam, yenə də millidə oynamağa hazıram. Dəvət etsələr də sağ olsunlar, etməsələr də. Amma yenə deyirəm ki, istənilən futbolçu öz ölkəsinin millisində çıxış etmək istəyər, eləcə də mən". 

Ölkə.Az

ŞƏRH YAZ
0

Türkiyə millisi AVRO-2020-yə vəsiqə qazanıb

Türkiyə millisi AVRO-2020-yə vəsiqə qazanıb
23:36
14.11.2019
519
İdman
A
Türkiyə milli komandası 2020-ci il Avropa çempionatının final mərhələsinə vəsiqə qazanıb.

"Ölkə.Az" bildirir ki, "ay-ulduzlular" buna seçmə mərhələdə H qrupunun IX tur qarşılaşmasında İslandiya ilə ev heç-heçəsi sayəsində nail olub. 

İstanbuldadakı "Türk Telekom Arena"da təşkil olunmuş qarşılaşma qolsuz yekunlaşıb - 0:0. Bu nəticədən sonra xallarını 20-yə çatdıran Şenol Günəşin baş məşqçi olduğu kollektiv qrupda ilk 2 pillədən birini təmin edib.

Ölkə.Az

ŞƏRH YAZ
0

"El Klassiko"nun vaxtı açıqlandı

07:44
14.11.2019
1282
İdman
A
İspaniya La Liqasının 10-cu turundan təxirə salınan "Barselona" - "Real" oyununun saatı açıqlanıb.

"Ölkə.Az" qol.az-a istinadən xəbər verir ki, dekabrın 18-nə təyin olunan "El Klassiko" Bakı vaxtı ilə 23:00-da start götürəcək.

Xatırladaq ki, oktyabrın 26-da keçirilməsi nəzərdə tutulan matç Kataloniyada baş verən etiraz aksiyaları səbəbindən təxirə salınmışdı.

ŞƏRH YAZ
0
BAĞLA