“Hazırda hakimiyyətdə optimallaşdırılma gedir”
“Hazırda Azərbaycan hakimiyyətində optimallaşdırılma gedir. Bu islahatlar Nazirlər Kabinetində davam edir. Bu baxımdan da Novruz Məmmədovun Baş nazir kimi təsdiq edilməsi çox uğurlu hadisədir”.
Bu fikirləri "Ölkə.Az"a açıqlamasında Yeni Azərbaycan Pariyası (YAP) İdarə Heyətinin üzvü, Milli Məclisinin regional məsələlər komitəsinin sədri, deputat Arif Rəhimzadə bildirib.
A.Rəhimzadə deyib ki, Novruz Məmmədov savadlı və dünyagörüşlü adamdır:
“O, uzun müddət Prezident Administrasiyasında çalışıb, daxili və xarici siyasəti bilir.
Baxmayaraq ki, Novruz Məmmədov indiyədək iqtisadiyyatla məşğul olmayıb, ancaq bundan sonra məşğul olacaq.
Hesab edirəm ki, Novruz Məmmədov ilk onluğa düşmüş təcrübəli və bacarıqlı kadrlardan biridir”.
Vasif Həsənli
Ölkə.Az
