KORONAVİRUSA YOLUXANLARIN SAYI - CANLI STATİSTİKA

Həbib Nurmaqomedovun həyat yoldaşı ilə bağlı bilinməyən faktlar

Həbib Nurmaqomedovun həyat yoldaşı ilə bağlı bilinməyən faktlar
01:56
12.09.2019
12755
İdman
A
UFC-nin rusiyalı dünya çempionu Həbib Nurmaqomedov bu dəfə öz həyat yoldaşını ictimaiyyətdən gizlətməklə gündəmə gəlib.

"Ölkə.Az" baku.ws-ə istinadən xəbər verir ki, bu barədə "eurosport" material hazırlayıb. 

Məlumata görə, rusiyalı MMA döyüşçüsünün həyat yoldaşının adı Patimatdır və onun barədə ictimaiyyətə heç nə məlum deyil. Buna səbəb kimi Qafqaz ənənələrinə görə qadının gözəlliyinin təkcə ərinə məxsus olması əsas göstərilir. 
 
Cütlük nə vaxtdan tanışdır?

Həbib və xanımı Patimat bir-birini uşaqlıqdan tanıyırlar. Yoldaşı Həbibin doğulub boya-başa çatdığı Sildi rayonunun Çumadinsk kəndindəndir. Çütlük hələ uşaq vaxtı ikinci sinifdə ayrılmaq məcburiyyətində qalıblar. Belə ki, Həbibin ailəsi Kirovaul rayonuna köçüblər. 
 
Həbib doğma kəndindəki qohumlarına qonaq gələrkən tez-tez Patimatla görüşüb. O, 22 yaşında olarkən valideynlərini Patimat üçün elçi göndərib. Valideynlərin razılığından sonra cütlüyün 2013-cü ildə toyu baş tutub. Toya Dağıstanın müxtəlif rayonlarından 1200 nəfər insan qatılıb. Patimat toyda üzü bağlı olduğu üçün çəkilən şəkillərdə görsənmir. Bu səbəbdən ictimaiyyət Həbibin xanımının üzünü görməyib.
 
Nurmaqomedov xanımını niyə gizlədir?
 
Bu barədə yaranan suallara Həbibin atası Abdulmanal cavab verib: "Ər deyir ki, "Örtün"! O, da bağlanır. Arvadın gözəlliyi yalnız ərinə məxsus olmalıdır. Bu indinin məsələsi deyil, hər şey 400 il əvvəl qərara alınıb".
 
Cütlüyün uşağı varmı?
 
Patimat və Həbibin 3 övladı var. Dörd yaşlı Fatimə və 2 yaşlı Məhəmməddən sonra bu yaxınlarda cütlüyün daha bir övladı dünyaya gəlib. Uşaqlar və anası Dağıstanda yaşayır.

Ölkə.Az

 

 

 

ŞƏRH YAZ
0

Formula 1” bu il baş tutsa, əyləncə proqramında ixtisar olacaq” — Arif Rəhimov

Formula 1” bu il baş tutsa, əyləncə proqramında ixtisar olacaq”
01:55
04.04.2020
1095
İdman
A
“Qışda “Formula 1”in keçirilməsi variant kimi yaxşı deyil. Onda bizdə boş tribunalar olacaq. Bakıda havalar soyuq olur. Ona görə də biz yarışı oktyabrın ortalarına salmaq istəyirik”.

"Ölkə.Az" xəbər verir ki, bunu Bakı Şəhər Halqası Əməliyyat Şirkətinin icraçı direktoru Arif Rəhimov Almaniyanın “motorsport-total.com” saytına açıqlamasında deyib.

7 iyunda Bakıda baş tutmalı olan “Formula 1” Azərbaycan Qran Prisi koronavirus səbəbindən təxirə salınıb. Onun yeni tarixi isə hələ ki bilinmir.

Rəhimov bunun mümkün qədər tez bilinməsini istədiyini qeyd edib:

“Yaxşı olardı ki, biz artıq iyulun əvvəlindən işə başlayaq. Ən əsas məsələ yarışın vaxtını tezliklə bilməyimizdir. 2-3 ay əvvəldən bunu bilməyimiz çox vacibdir. Bu müddətdə trass hazırlanır. Mən hələ kommersiya baxımından danışmıram.

Əgər avqustun sonlarında koronavirusla bağlı durumda dəyişiklik olmazsa, yarışı noyabr ayına kimi saxlaya bilmərik. Hələ ki, “Formula 1” bizə konkret vaxtları təklif etməyib. İlk mərhələdə biz tarixlə bağlı qərarı erkən qəbul etməliyik”.

Daha sonra o, yarış baş tutmayacağı halda Azərbaycan hökumətinin maliyyə itkilərindən danışıb. Arif Rəhimov onu da bildirib ki, ötən il Sem Smit kimi ulduzu Bakıya dəvət etsələr də, bu il əyləncə proqramı məhdud olacaq:

“Hazırda yarışın reklam olunmasına qadağa qoymuşuq. Biz artıq bu yarış üçün çoxlu avadanlıqlar sifariş etmişik. Ancaq onlardan növbəti il və ya bu ilin sonunda keçiriləcək yarış zamanı istifadə edə bilərik.

Ona görə də hələ birbaşa heç bir maliyyə itkisi ilə üzləşməmişik. Ancaq yarış keçirilməsə, çoxlu maliyyə itkimiz ola bilər. Yəqin ki, yarış baş tutmasa, bizim hökumətimiz pul itirməyəcək.

Bu, fors major haldır, bizim istəyimizlə olan şey deyil. Belə şeylər müqavilələrlə tənzimlənir. Yeganə problem yarışın keçirilməsi üçün pulun daha öncədən “Formula 1”ə ödənilməsidir. Yarış baş tutmasa, pulun qaytarılması variantı olacaq.

Ola da bilər ki, biz bu pulu növbəti illə kompensasiya edə bilərik. Yarış baş tutsa, əyləncə proqramında ixtisar olacaq”. oxu.az

ŞƏRH YAZ
0

Həbib Nurməhəmmədov Toni Ferqyusonla döyüşdən imtina etdi

Həbib Nurməhəmmədov Toni Ferqyusonla döyüşdən imtina etdi
19:15
03.04.2020
2403
İdman
A

UFC üzrə Həbib Nurməhəmmədov ameriaklı döyüşçü  Toni Ferqyusonla təkbə-tək döyüşdən imtina edib.

“Ölkə.Az” xəbər verir ki, bu barədə Nurməhəmmədov öz İnstagram səhifəsində yazıb.

 Həbib amerikalı döyüşçü ilə döyüşdən imtinasını koronavirusla əlaqələndirib. “ Bütün dünya karantində əyləşir”- deyən Nurməhəmədov  azarkeşlərini onu başa düşməyə çağırıb: “Belə bir vəziyyətdə özünüzü mənim yerimə qoyun”.

Nurməhəmmədovun bu çağrışı azarkeşləri tərəfindən heç də birmənalı qarşılanmayıb.

UFC  rəhbərliyi isə hesab edir ki, Həbib əvvəlcədən Ferqyusonla  döyüşmək istəmirdi.

UFC rəhbəri Deyn Uayt Nurməhəmədovun açıqlamasından bir gün sonra “Yahoo Sports”a  açıqlamasında  deyib ki, onsuz da biz Nurməhəmmədovun döyüşməyəcəyini bilirdik.
Amerikalı idmançı birmənalı olaraq bəyan edib ki, Həbib ondan qorxduğu üçün döyüşdən imtina edib.

Ölkə.Az

ŞƏRH YAZ
0
BAĞLA