KORONAVİRUSA YOLUXANLARIN SAYI - CANLI STATİSTİKA

Həbsdə olan ərinə narkotik gətirən qadın — TUTULDU

Həbsdə olan ərinə narkotik gətirən qadın
01:13
15.10.2019
2068
Hadisə
A
Bakıda həbsdə olan ərinə narkotik vasitə keçirmək istəyən şəxs saxlanılıb.

Ədliyyə Nazirliyi Penitensiar Xidmətinin əməliyyat aparatının həyata keçirdiyi əməliyyat-axtarış tədbirləri nəticəsində Xidmətin 1 saylı cəzaçəkmə müəssisəsinə psixotrop maddə keçirilməsi cəhdinin qarşısı alınıb.

"Ölkə.Az" xəbər verir ki, Cinayət Məcəlləsinin 177.2.5-ci maddəsinə əsasən, 2 il 6 ay müddətinə azadlıqdan məhrum edilən məhkum Babayev Taleh Taleh oğlu ilə qısamüddətli görüşə gəlmiş arvadı Ağdam şəhər sakini Babayeva Jalə Vəli qızının üzərinə və gətirdiyi sovqata baxış keçirilən zaman əl çantasının içərisində gizlədilən 1 ədəd bükülüdə 0,048 qram psixotrop maddə “metamfetamin” aşkar edilib. 

Faktla bağlı araşdırma aparılır.

Natiq Allahverdiyev
Ölkə.Az

ŞƏRH YAZ
1

Hirkan Milli Parkında yanğın oldu

Hirkan Milli Parkında yanğın oldu
19:03
Bu gün
2436
Hadisə
A
Hirkan Milli Parkında yanğın olub.

Fövqəladə Hallar Nazirliyindən verilən məlumata görə, Lənkəran rayonunun Təngivan kəndində Hirkan Milli Parkın ərazisində kol-kos və qismən ağaclar bir ha sahədə yanıb. Parkın qalan ərazisi yanğından mühafizə olunub.

Yanğın yanğından mühafizə bölmələri tərəfindən söndürülüb.

ŞƏRH YAZ
0

Şamaxıda güclü külək və leysan fəsadlar törədib

Şamaxıda güclü külək və leysan fəsadlar törədib
02:55
Bu gün
5828
Hadisə
A
Şamaxı rayonunda güclü küləklə müşahidə olunan leysan kənd təsərrüfatının ayrı-ayrı sahələrinə ciddi ziyan vurub.

"Ölkə.Az" report-a istinadən xəbər verir ki, aramsız yağan yağışlar daha sonra kəskinləşərək leysana çevrilib. Digər tərəfdən də əsən güclü külək suyun axınına təkan verib.

Hektarlarla meyvə bağları su altında qalıb. Mal-qaraya və təsərrüfata ciddi ziyan dəyib. Sakinlərin dediyinə görə, təxminən 3 hektara yaxın qoz bağı, 21 hektar badam bağı tələf olub. Eyni zamanda ərazidə salınmış süni balıq gölü də leysan nəticəsində məhv olub və bu, xeyli sayda balıq tələfatına gətirib çıxarıb.

Udlu, Yekəxana və Poladları kəndləri istiqamətində insanların gediş-gəlişi ləngiyib. Avtomobil yolları, piyada keçidi üçün salınmış kiçikhəcmli körpülər su altında qalıb.

Sakinlər mövcud vəziyyətdən çox narahatdırlar və təbii fəalkətin bu şəkildə davam edəcəyi təqdirdə kənd təsərrüfatının bir çox sahəsinin ciddi şəkildə ziyan görəcəyini bildirirlər. Aidiyyəti qurumlar məsələdən xəbərdardır və onlar da öz növbəsində dəyə biləcək ziyanın qarşısının alınmasına çalışır.

ŞƏRH YAZ
0
BAĞLA