Həbsdə olan ərini ziyarət edən qadın bu hərəkətinə görə saxlanıldı — FOTO

Həbsdə olan ərini ziyarət edən qadın bu hərəkətinə görə saxlanıldı
10:59
13.08.2019
1876
Hadisə
A
Penitensiar xidmətin əməliyyat aparatının həyata keçirdiyi əməliyyat-axtarış tədbirləri nəticəsində 11 və 16 saylı cəzaçəkmə müəssisələrinə narkotik maddə keçirilməsi cəhdlərinin qarşısı alınıb.

Bu barədə "Ölkə.Az"a Penitensiar Xidmətin İctimaiyyətlə əlaqələr şöbəsindən məlumat verilib.

Belə ki, Cinayət Məcəlləsinin 317-2.1; 67.1; 177.2.2; 177.2.3; 177.2.4; 191.3.1; 29.186.2.1; 29.186.2.2 və 228.2.1-ci maddələrinə əsasən 12 il 6 ay müddətinə azadlıqdan məhrum edilmiş və 11 saylı cəzaçəmə müəssisəsində cəza çəkən məhkum Zəkiyev Qahir Mirəli oğluna Xırdalan şəhər sakini Əhmədov Qədir Adil oğlu tərəfindən gətirilmiş sovqata baxış keçirilən zaman sovqatdakı püstələrin içərisində xüsusi üsulla gizlədilmiş ümumi çəkisi 3,930 qram olan narkotik maddə - heroin aşkar edilib.

Daha bir analoji hadisə isə 16 saylı cəzaçəmə müəssisəsində qeydə alınıb. Belə ki, Cinayət Məcəlləsinin 234.1; 69.3; 93.1.2 və 66.5-ci maddələrinə əsasən 1 il 6 ay müddətinə azadlıqdan məhrum edilmiş və 16 saylı cəzaçəmə müəssisəsində cəza çəkən məhkum İlyasov Kənan Həsən oğlu ilə qısamüddətli görüşə gəlmiş arvadı Sumqayıt şəhər sakini İlyasova Aygün Akif qızı tərəfindən gətirilmiş sovqata baxış keçirilən zaman sovqatda olan plastik yemək qabındakı kotletin içərisində xüsusi üsulla gizlədilmiş bükülüdə ümumi çəkisi 1,172 qram olan narkotik maddə - heroin aşkar edilib.

Hər iki faktla bağlı araşdırma aparılır.

ŞƏRH YAZ
0

Masallıda ev külə döndü — FOTO

Masallıda ev külə döndü
01:56
Bu gün
221
Hadisə
A
Masallının Qarğalıq kəndində ev yanıb.

"Ölkə.Az" Fövqəladə Hallar Nazirliyinə istinadən xəbər verir ki, ümumi sahəsi 80 kv.m olan birmərtəbəli 2 otaqlı evin 1 otağının tavanı və dam örtüyünün yanar konstruksiyaları 40 kv.m sahədə yanıb.

Evin qalan hissəsi və yaxınlıqdakı tikililər yanğından mühafizə olunub.

Yanğın yanğından mühafizə bölmələri tərəfindən söndürülüb.

Foto "Cənub Press"ə məxsusdur.

ŞƏRH YAZ
0

Sumqayıtda 25 yaşlı gənc bıçaqlandı

Sumqayıtda 25 yaşlı gənc bıçaqlandı
00:07
Bu gün
710
Hadisə
A
Sumqayıt şəhəri ərazisində bıçaqlanma hadisəsi baş verib.

"Ölkə.Az" xəbər verir ki, qanlı hadisə Novxanı bağları adlanan ərazidə qeydə alınıb.

25 yaşlı Həsənov Məhəmməd Arif oğlu həmin ərazidə naməlum şəxs tərəfindən bıçaqlanıb. Təcili tibbi yardım briqadasının köməkliyi ilə xəstəxanaya çatdıran yaralıya döş qəfəsi və qarnın kəsilmiş-deşilmiş yarası diaqnozu qoyulub.

Hələlik hadisənin kim tərəfindən və hansı səbəbdən törədildiyi məlum deyil.

Faktla bağlı araşdırma aparılır.

Natiq Allahverdiyev
Ölkə.Az

 

ŞƏRH YAZ
0
BAĞLA