Həbsdə olan İnterpol rəisinin xanımı: “Təhlükədəyəm”
“Ölkə.Az” xəbər verir ki, onun həyat yoldaşı Qreys Menq “CNN” kanalına müsahibə verib.
Qreys həyatının təhlükədə olduğunu bildirib. Fransanın Lion şəhərində yaşayan qadın ərinin itkin düşməsindən sonra bir xarici vətəndaş tərəfindən telefonda təhdid edildiyini bildirib. Telefonla Qreysə zəng edən şəxs onun iki qrup tərəfindən izlənildiyini bildirib. 7 yaşında iki əkiz övladı olduğunu bildirən qadın onlar üçün narahat olduğunu deyib. Uşaqlara heç nə demədiyini və onları televizordan uzaq saxladığını qeyd edən Qreys ərinin Çinə gedəndə “Whatsapp”dan bıçaq fotosu göndərdiyini bildirib.
Çinin xarici işlər nazirliyinin mətbuat katibi Lu Kanq Menq Noqveyin xanımının təhlükə altında olması ilə bağlı xəbərlərinin olmadığını bildirib. Lu eyni zamanda Çin konsulluğu əməkdaşlarının Qreysə əlaqə qurmalarının təbii olduğunu qeyd edib.
Hikmət Həsənov
Ölkə.Az
