Həbsxanadan qaçan cinayətkar baş nazirlə eyni təyyarəyə mindi
“Ölkə.Az” xəbər verir ki, cinayətkar həbsdən qaçmaqla yanaşı, İslandiyadan da qaçıb. Üstəlik Stefansson ölkədən qaçmaq üçün baş nazirin təyyarəsinə minib.
Fevral ayında həbs edilən Stefansson “Bitcoin” və digər kripto valyutaların hazırlanması üçün istifadə edilən 600 kompüterin oğurlanması ilə ittiham edilir. 2 milyon dollarlıq kompüterlər hələ də tapılmayıb.
Sindri “Sogni” həbsxanasının pəncərəsindən qaçaraq 95 km uzaqlıqdakı Kaflavik hava limanına gedib. Polisin dediyinə görə, cinayətkar İsveçə uçan bir təyyarəyə minib. Təyyarə isə Hindistanın baş naziri Narendra Modi və digər rəsmilərlə görüşmək üçün İsveçə uçan İslandiya baş nazirini də aparırmış.
Polis rəisi Gunnar Şram bildirib ki,P Stefansson saxta pasportdan istifadə edib.
Hikmət Həsənov
Ölkə.Az